Xuban Oiarzabal Matxin III.ak erremonteko X. Iruñeko Alde Zaharra Torneoa irabazi du. Joan den zapatuan jokatu zuten e-Remonte enpresak antolatutako txapelketaren finala Iruñeko Labrit pilotalekuan.
Matxinbentako aurrelariak Mikel Otano agoiztarrarekin (Nafarroa) bikotea osatuta irabazi du txapelketa, finalean Zeberio II.a eta Ion Etxeberria azpeitiarra nahiko aise gaindituta. 35-24 izan zen amaierako emaitza, txapeldunek hasieratik ireki zuten tartea markagailuan, eta Zeberio eta Ion partidaren une batean gerturatu bazitzaizkien ere, ez zen nahikoa izan Matxin eta Otano estutzeko.