Leihotikan taldeak bere estudioko zazpigarren lana den Etorkizuna ginenekoa aurkeztuko du ostiralean Sanagustin kulturgunean. Aurretik, berriz, TOC talde mungiarra arituko da. Kontzertua 22:30ean hasiko da, eta Uztarria Gukak Kulturazek emandako bi sarrera bikoitz zozkatuko ditu bazkideen artean.
Sarreren zozketan parte hartu nahi duten bazkideek osteguneko 12:00etara arteko epea izango dute. Zozketan parte hartzeko, honako lotura honetan eman daiteke izena, edota 943-56 01 64 telefonora deituta. Horrela egiten dutenek NA zenbakia eta zozketaren kodea tekleatu beharko dituzte. Kasu honetan, zozketaren kodea 50 da.