Zer iritzi duzu Etxebizitza Sustatzeko Udal Planaren inguruan?

Azpeitiko Udalak udal-sustapeneko 75 etxebizitza egiteko asmoa azaldu du triptiko baten bidez. Etxebizitza hauek Harzubian, Eliz kalean, Goiko kalean, Enparan kalean eta Erdi kalean egingo dira. Eta erosteko baldintza hauek bete behar dira: azkenengo bost urteetan Azpeitian erroldaturik egon, etxebizitzarik ez izan eta urtean gehienez 45 mila euroko (7.500.000 pezeta) eta gutxienez 9 mila euroko (1.500.000 pezeta) irabaziak izan

IRITZIAK (Eztabaida hau itxita dago)

1. neu aurrena - 2003/03/27 14:55 Hasteko, idea ona iruditzen zait. Bigarrengoz, dude bat: udal sustapenekuek direla leitu det. Beraz, ez al dire babes ofizialekuek? Hirugarrengoz, kritika bat: urtien 7.500.000 pezeta irabazten ditunak horrelako proiektu baten sartzeko aukerie daukela jartzen du, eta ez zait batere ondo iruditzen hori, horrenbeste diru irabazten dunak bestelako etxebizitzarik erosteko aukerie ere badaukelako. Eta laugarrengoz, zera: urtien 1.500.000 pezeta baino gutxiyo irabazten dunak zergatik ez dauke aukerarik proiektu horretan sartzeko? Gutxi daukana lagundu behar du politikoak. 2. Txomin - 2003/03/27 16:00 Hasieran babes ofizialekoak zirela esan bazuten ere,orain badirudi ez dela horrela izango.Ikusi beharko da zer preziotan ateratzen diren etxebizitza hauek,baina ni nahiko eszeptiko nago,beste txantxullo bat izango delakoan nago. 3. Neu bigarrena - 2003/03/27 16:12 Zergaitik orain triptikoz bonbardeatu Azpeitiko buzoiak? Azken 12 urteetan ezer ez da egin etxebizitzen kontua dela eta atzetik interes ekonomiko ugari egon direlako, Azpeitin bezala beste herrietan ere. Gure herrian ematen du lau urtean behin buzoneo bat eginda nahikoa dela asmo onak azaltzeko. Niri ez zait ondo iruditzen: batetik planteamendua oinarritik pozoinduta dago eta ez dio herriak gai honen inguruan duen problematika nagusiari erantzuten eta bestetik berriro ere lotsagarriki gizarte sektore behartzuena kanpoan gelditzen da. Oinarrian denok onartuak ditugu etxebizitzen inguruan ematen diren espekulazio legeak: etxe honek hasieran 10 balio du eta gero enkantera ateratzen da, beste batek 15 ematen dizkit orduan nik 16 bai baina ondoko etxe berdinagatik 20 emango dizkidate eta nik azkenean 21 ordaindu, baina hori bai, 10 zurian eta 11 beltzean. Egoera honen ardura guztion gain erortzen da: konstruktore sasi mafiosoetan, inmobiliarien joko zikinean (neuk aterako zioat hire etxeari preziorik onena eta beste aldetik, neuk topatuko diat hiretzako etxerik merkeena), udalaren eta beste erakundeen uztikeri konplizean (azpitik dabilen diruaren kontua mitoa ote?, laguntzadun etxeen kontrol eskasia,...)norbanakoon diru anbizio ustelean (laguntzadun etxea lortu eta utzik eduki saltzeko aukera sortu arte,...). Udalak aurkeztu duen plan-plin-plana mugimendu zuritzaile eta guztiz elektorala da, "beste guztia gure imaginazioak eragindakoa da, ez eman beste bueltarik". 4. Neu bigarrenari - 2003/03/28 13:23 Ados nago zure dianosian, eta batez ere ardura guztion gain jartzean (nahiz eta batzuk besteak baino ardura gehiago eduki). Baina, egoerari buelta emateko ez dut soluziorik ikusten. Proposamenik bai? 5. Proposamenak - 2003/03/28 18:32 - Etxen hutsen inguruko diagnostikoa eta planteamentua - Etxe bat baino geio dazkebenai impuestuek a saco etxe hutse eukitzeatik. - Etxebizitza publikoak erosi ezin duenarentzat. - Alokairu soziala gazteentzat. - Okupazioaren onarpena eta zabaltzea. 6. Flash Gordon - 2003/03/30 23:47 Nere proposamenak gai honi buruz:bigarrengo hirugarrengo eo laugarrengo etxi erosteben azpeitiarrak Azpeiti barrun,hori ein berrien beste leku baten erostie inbertsiyo bezela,irabaziyek berdintzuek izengo itubela,porke hori inda kalte eitezako Azpeitiyei bere osotasunien porke terrenoik ez tao eraikitzeko ta ezinda eon ainbeste etxe huts inbertziyo bezela.Beste leku batzutan espekulatzen hastie.Udaletxeko triptiko eo crypt-iko hori oixe dala propaganda elektorala,hortan beintzet alkatiek beti euki du marketing plangintza ona.Hortaz aparte,amen esatea udaletxiek iniziatiba hori euki dula.Baiño ez al dao udaletxie obligaute etxebizitza sozial eo babesekuek eo denadelakuek eitea?ordun ze iniziatiba ta ze ezer?hori biztanlien eskubidie da gaur egun.Zenen zai eon die oin arte?zezenan zai?ba Bastidai arrapa diyo.Ta ez tet uste honen atzetik txantxuloik daoniken kasu hontan,beintzet leno bezelakuek,geyo pentzatzet naiko erreta ta azkenien amore emanda ein ber izen debela promoziyo hau,ta bozkatzailiekin ondo geratzeko,klaro.Ondo iruitze zat parte zarrien etxiek eitie,ango lurre aprobetxatzeko ta alde hure txukuntzeko,baño plaza torosan bizi ber debenak...uhhu uhhu uhhu...Martxialen kiratsakin ez tet uste bizi oso sanue eukiko ebela...espero det urrengo promoziyue etxebizitzatako oiñ Aceralia daon leku aundi hortan izetie,artara etxebizitza aukera ta leku geyo eotiez aparte,fabrikie Azpeiti erdi-erditik kentze be iñor ez kutxatzeko ta iñor ez hiltzeko kutsaduraz.Gaur egun ya karakteristika kontaminante ortako fabrika batek ezin du herri baten erdi erdiyen eon 7. Neu bigarrena - 2003/03/31 19:13 Nik ere ez diot aterabide errezik topatzen. Batetik politika sozialak bultzatuko dituen agintariak behar ditugu, hau da, oraingo sistema ankerrari aurre egiteko kuraia izango duten pertsonak. Jakinekoa da hori ez dela erreza gaurko egunean inon eta gutxiago hemen, Euskal Herrian, herri ttipietako azken ordezkaria ere partiduen muga hertzetik atera ezinean bait daude. Hala ere errezagoa ikusten dut arlo honetan zerbait lortzea hurrengoan baino. Bestetik, norbanakoak gaude, eskubideak gora eskubideak behera ahoa itxi ezinik gaudenak. Gure bizi kontzientziaren oinarrizko arauak aldatzea eskatzen dizkigu. Nire iritziz, oso gizarte amburgesatuan bizi gara Azpeitian...gero saiatuko nahiz jarraitzen... 8. 7.na jarraitzen - 2003/04/01 11:27 Gizarte amburgesatu eta egoista batean. Hau benetan bai dela zaila aldatzea. Etxebizitzaren arazoak bi aurpegi nabarmen ditu: batetik egoera horri men egin beharrean aurkitzen geranak eta bestetik egoera horretaz baliatzen direnak, hau da, egoera horri gehiegizko probetxu ekonomikoa ateratzen diotenak. Azken hauek dira nire iritziz egoeraren arduradun haundienak (eta ez naiz hari konstruktore sasi mafiosoetaz, kaleko espekulatzaile txikietaz baizik: etxea bere prezioaren bikoitzean saltzen dutenak "erosten badituzte...", alkilerrak garesti eta beltzean jartzen dituztenak eta abar). Zergaitik? hauek gure ondoan daudelako egoera salatuz eta ipokresia utsez jokatzen dutelako. 9. 8.ari - 2003/04/01 18:28 Arrazoia duzu. Nik ere askotan pentsatu dut berdintsue: egoerari etekin pertsonala ateratzen dioten hoiek ere badirela erantzule. Eta gutako asko direla hoietakoak (denok ezagutuko ditugu mordo bat). Baina, zer egin hauen aurrean? Nola jokatu? Inpresioa daukat, orain arteko protesta eta kexu guztiak beste eragileetara zuzendu direla (udala, kostruktoreak, inmobiliariak,...) baina ez norbanako hauetara. Errazagoa delako, agian? 10. 8.na 9.nari - 2003/04/01 20:12 Bai, nire iritziz bai, errezagoa da zenbait eragileren aurka jotzea (arrazoiz bada ere) norbanakoen aurka jotzea baino (geure burua barne). Zuk ondo diozun bezala, denok ezagutzen ditugu norbanakoak (lagunak eta familiakoak barne) era batera edo bestera egoera horrela izan dadin laguntzen dutenak, askotan ondokoen oniritziarekin. Adibide bat jartze arren. Nire ikasle garaian ikasle pisu batean bizi nintzen. Lehenengo urteko pisua 45.000 pezetako kostua zuen eta lau lagunen artean ordaintzen genuen, moldatzeko modukoa. Handik 5 urtetara etxe horretako alokairua 100.000 pezetakoa zen (ni ordurako pisus pisu nenbilen beste asko bezala), nagusia erdi laguna nuenez, zuzenean galdetu nion nolatan igo zen horrenbeste alokairua bere erantzuna: 4 gela 25.000 pezeta gelako. Noski, dena beltzean. Aurreko batek aipatu du, inbertsiorako etxeak Azpeititik kanpo erostea izan daitekela irtenbidea. Nagusi hori gipuzkoarra zen eta pisua Bilbon zegoen. 11. Apuntatu - 2003/04/02 09:24 Etxebizitza sustatzeko Udal Planaren inguruan, zera esango nuke nik: apuntatzeko modua duenak, apunta dadila! Zenbat eta gazte gehiago apuntatu, hobe! Ilusio haundiegirik ez du sortu planak, nire iritziz, baina ez dadila inor gelditu apuntatu gabe, nahiz eta agian gero (ikusi egin behar zenbatean irteten diren etxeak) etxea erosi ez. Erakutsi behar dugu gazteak, modu oneko etxeak behar ditugula. Bestela, entzungo dugu agudo: behin egin genuen, eta ez zen jende asko ere apuntatu! Alde horretatik, faltan botatzen dut aspaldian Kale Gorrian taldekoen iritzia. Talde ona da ba benetan! 12. Kale Gorrianeko kide ohia - 2003/04/02 11:57 Hau da ezustea! Berriro ere udalak super triptitiko zoragarri bat buzoneatu du eta denoi heldu zaigu etxera txukun txukun. Baina berriro, eta nere eritzi xumea da, ilea hartzea nahi du udalak. 12 urtean udalak ez du babes ofizialeko etxerik egin, herriari 365 babes ofizialeko etxe "bahiturik ditu" eta orain etortzen da beren ideai ikuskarria: Eliz kalean 4, enparanen 2 beste eztakit non 20. Kale Gorrian urtetan jardun du lanean problematika honen inguruan, denok espero dugu zerbait Kale Gorrianengatik baina ba al daki norbaitek zenbat jende joaten ginen bileretara? 5-6 edo 7 asko jota eta hauek zer egin dezakete, beren lana, ikasketa eta hortik aparte Kale Gorrian taldean, ba tamalez gauza gutxi eta nik ere kide ohi bezala firmatzen dut, ezin izan dudalako tamalez jarraitu talde honetan. Baina bueno kritika hau "denoi" eginda Kale Gorrianen ikuspuntua betikoa da: - Legea bete, honek ez du esan nahi eta behin ere Kale Gorrianek ez du esan etxe berriak egiteko, aurretik badaudelako beste bide batzuk. Lehenik eta behin herritarren errolda bat egin beharko da zenbat jendek beharko lukeen etxea, benetan bizitzeko eta gero: 1-Zahar berritze plan bat bere osotasunean hartuko duena herria eta batez ere alde zaharra. 2- Etxe hutsen betetzea, bai alokairu sozialaren bidez edo bai beste formulen bitartez. 3- Neurri hauetara iritsi ezin direnei etxe publikoak eskeini. 4- Hau guztia eginda oraindik jende gehiago badago orduan jo etxeak egiteari. Hau izango zen ideia nagusia: etxe hutsak bete baina honek pentsamendu aldaketa bat eta ahusnarketa sakon bat eskatzen digu. Azkenik nahi duen orori luzatu dei hartu dezatela parte Kale Gorrian taldean edo beharra ikusten bada beste plataforma bat ere sortu daiteke Etxe Bizitza duinaren aldeko Azpeitiko Plataforma edo zerbait horrela. 13. Tokia ze? - 2003/04/04 10:17 Entzun dut hor zehar, Zezen plaza alboko etxe hoiek hasera batean Munok egin behar zituela denak. Baina jakina da Martxialen kutsadura dela eta jendeak etzuela deitu etxe hoiengatik galdetzeko. Orduan, Munok alkatearekin hitzegin zuen eta honek zera esan omen zion: bueno, hik eitzak beste toki batien eta nik hor protekziyokuek ingoitxiat, hoyek segituen saldukoituk eta! Orain, enteratu naiz, protekzioko etxe hauek ibaira begira doazela, hau da Martxialeneko fundizioari begira zuzen zuzenean; beste gainontzeko lurra berriz (kalera begira dagoena)komertzialagoa denez, azkenean Munok beteko du. Nire galdera da: hau legezkoa al da? non daude talde ekologistak, horrenbeste buelta ematen ari den Agenda Local 21 ezagun hori? hauek ez al diote ba ingurugiroari eskeintzen bere lan haundia? 14. Tokia ze-i - 2003/04/05 19:43 Hire hitzekin argi ikustek ze motatako jendie ai dan gure herriye manejatzen ta ze moskoi klase dazkeben inguruen.Hoixe hori ez tala legezkue,berez fabrika horrek kutsadura hori danakin ezingo uan hor eon.ta kendu inberko ziaben bereala.Ta oso ondo indek talde ekologistiei deialdiye iten,baño gauz baten inozentziye dakek:agenda21 instituziyuekin,hori usteat talde ekologista baten antipodasetan daola,hori indiabe jendien kexuei ta preokupaziyuei udaletxiek aurre iteko esanez:dana oso ondo dijue,amen ez ta ezerre pasatzen.Hoyek olakuek dituk.bestela akordau honea idatzi ziabenien ze esate ziaben Martxieleko kutxadurai buruz,enpresa bakarrenetakue zala Azpeitiyen normatiba danak errespetatze zitunak,ta bueno,hori lotsagarriye dek ango arduradunek amen esan tziztean gezur danak,porke andiken oiñez pasaberra besteik etzeok ango kutsadura bildurgarriye nabarmetzeko.Agenda 21?bai bai,enpresiek ta udalak pagauteko batzuk esateko kutsaduraik ez taola,ta bitartien azpeitiarrak gaixotzen,beayek pagaute,ta Aceralia kie botatzen ta produzitzen. 15. Eulax - 2003/04/06 16:13 Iniziatibie ona da, etxiek eiteyen bitartien eta gaztientzako bideraute daon momentutik oso ona da, baño: 1. Urteko 7.500.000 pezta irabazteitunak merkatu librien dauden beste batenbat erostie badauke. 2. Nahiz ta promoziyo munizipalekuek merkatu librekuek baño pixket merkio izen, legez egokitze zayo Azpeitiyei proteziyo ofizialekuek (eusko jaurlaritzak bultzautakuek) eitie. Berez gañea Loiola bidien tokatze zan eitie ta 10eta piku urte pasa ondoren azkenak eintzinetik denbora aldetik e tokatze da ya. Faborez betetzie dakebela bete berdana faborez! 3. Zezen plazako etxe hoyena lotsagarriye da, gaur egungo gaztiengan kantzerra sartzie nahi al debe? Nik hemen etxe bat ez tokatzeatik bakarrik pentsatzen ai naiz ez apuntatzien. Ta bide batez, faborez, Marcial Ucin-en iteyen lege hausketan batematen zeoze esatie. Lotsagarriye da! 5. Ezin al da denuntziau proteziyo ofizialeko etxiek iten eztila ai ta legez tokatzeala? (abogau batek eo esate baldin badit faborez...) Eo lege hori betetze dan eo ez iñok ez al du kontrolatzen? Halare iniziatiba ona dala irutze zat (etxiek iteie inplikatzeun iniziatiba oro da 16. Soluziyuek - 2003/04/06 17:00 Oixe dala lotsagarriye,leno re leku gutxi dao Azpeitiyen eraikitzeko ta daon bakarrenetakue Martxialen kutsaduratiken ezin junda area bizitzea dao jendie,bueno jun bai ta gero gaixotute hil,famili osue klaro.Aceraliak okupatzeun lekue bildurgarriye da,beayentzat kalteik etzan izengo Azpeiti erdi-erditik remobitzie Danona aldea eo pixket urrutiyo ta gañea beayen garrayuentzat obeto eukiko zeben.Gezurre emateu baño oin Martxial daon lur sailien 8 pablo VI ein leizke gutxiyenez,hori bai izengo zala soluziyue ta lekue pixkateako 17. Izenik ez eman! - 2003/04/07 19:00 Arauak jartzeko orduan beti geratzen omen da norbait kanpoan, hori normala da. Baina arauak justoak ez direnean aipatu egin behar dira. Gehienezko eta gutxienezko diru sarreraren injustizia alde batera utzita, niri beste batek arduratzen nau gehiago: azken bost urteetan azpeitian erroldatua egotea. Zergaitik? horrela bermatzen al da azpeitiarrak bakarrik sartuko direla zozketan? Pentsatu kasu honetan: Azpeitian bizi izan hire lehen 30 urteak, 20 urte hituanetik etxebizitza sozialak noiz eraikiko zai bizi izan haiz gurasoen etxean, orain dela bi urte hire gurasoak ondoko herrira joan direnez bizitzera hi ere bertara joan haiz alabeharrez eta bertan erroldatu, noski. Hara non eta hire udalari zer okurrituko eta orain ateratzen dizkik babes ofizialeko etxebizitzak, eta noski hik izena eman nahi dek baina baldintza: azken bost urteak azpeitian erroldatua egotea, la ostia!. Ondo, baina hiri inork ez dik esplikaziorik eman ea zergaitik gutxienez azken hamar urteetan legez udalari tokatzen zitzaizkion etxebizitzak ez diren eraiki!!, joño, a ze udal jatorra dugun, gainera eskertu egin beharko zioat etxeak egin behar dituelako. Baina onena ez dek hori, ze ondoko herrian baldintza berbera betetzen ez duanez bertan eraikiko diren etxeetara ezingo haiz aurkeztu! laguntza sozialen ikuspegitik hilda hago!, suerte txarra txo! esango du norbaitek eta besterenbat deskojonatu egingo da, eta nik bitartean zer egin behar diat? azken 10 urteetan etxeak egin ez dituen udalaren arduradunei lepotik heldu? edo nik ezagutzen dudan arduradunarekin hitzegin honek azpitik listan sartu nazan? Ba ez bat eta ez bestea, gauzak ondo egin arte horrelako bonberada elektoralista aurrera ez ateratzen laguntzea izango da nik egingo dudana, azkenean gure herrian benetako etxebizitzak arautuko dituen plan bat sortu arte. 18. Izena eman - 2003/04/09 17:55 Aurrekoaren kasua, oso pertsonala da. Gaizki dago, ados, eta konpondu beharko litzateke. Baina hortik izena ez emateko esatera... Ba, nik izena emango dut. Eta jendeari halaxe eskatzen diot: IZENA EMAN. Horrek erakutsi digu zenbat gazte gauden etxe beharrean; ez da hori jakiteko modu bakarra, ez zuzenena seguru asko, baina balio dezake. Apuntatu, apuntatu DENOK. Erakutsi behar dugu SOLUZIO bat behar dugula etxeen kontuekin, eta ez PARTXE txiki bat. Apuntatu. Izena emateak ez du esan nahi etxea hartuko duzunik. Etxea nahi duzula, bai; hartuko duzula, ikusiko dugu. Gero, segun ze preziotan, non, kondizioak... Izan ere, plan honek akats bat dauka nire ustez: ez dago informaziorik. Zer dakigu planari buruz? Etxera bidalitako panfleto txatxiguai hartan jarritako hiru kondizioak (batzuk hauexek kritikatu dituzte), eta kitto. Besterik ez. (Horrenbeste diru gastatu etxeetara zerbait bidaltzen, eta jarri zitekeen zerbait ganorazkoagoa... diot nik, postariaren lana amortizatzeko sikira!) Prezioak, kondizioak.. hoiek denak kaleko zurrumurruak direla iruditzen zait. Halakok esan zuen halakok entzun zuela halakori esaten, 25 milioi, 30 igoal... Ezer seriorik eta ganorazkorik ez. Beraz, ni ez naiz prezioa kritikatzen hasiko, oraindik preziorik ez dakigunean. Ez naiz prezio librean salduko direla esaten hasiko, oraindik ez dakigunean. Ikusiko dugu. Plana datuetan konkretatzen denean, ikusiko dugu ona den edo ez. Momentuz, horixe iruditzen zait gaizki: ez dagoela daturik. Esan dut lehen ere. Baina, hori bai: APUNTATU. Kondizioetan sartzen ez direnak ere, joan ofizinara eta esan APUNTATU EGIN NAHI duzuela, eta ezin baduzue, noiz egingo duten zuen kondizioetara egokitzen den deialdiren bat... Lata eman. Apuntatu denok! 19. Izenik ez eman - 2003/04/10 11:27 Bai, arrazoia duzu, kasu honetan oso pertsonala da nire idatzia. Baita ere 9.000€ baino gutxiago kobratzen dituenaren kasuan, noski gu garelako izenik eman ezin dugunak. Begira, gauza bat esango dizut, zuk izena emango duzu eta web honetan salatuko duzu besteon egoera (edo kalean edo dena dela), baina noski tokatzen bazaizu etxea hartuko duzu. Guk aldiz izena ematen saiatuko gara, ez digute utziko, lata emango dugu, arazo pertsonala dela esango digute (berekoiak garela pentsatuaz gainera) eta azkenean tonto aurpegi hauuuuuuuundi batekin gurasoen etxean bizitzen jarraituko dugu. Bestalde, izena ematen duzuenok baldintza lotsagarri hauek onartzen dituzuela esaten duzue eta punto. Edo zer egin behar du ba, zozketaren ondoren denak bildu eta berriro benetako baldintza egokietan zozketa egin?...etxea ez onartu?...edo etxea onartu eta bertako balkoitik besteon egoera salatu? Eta amaitzeko galdera bat: langabezian dagoen norbaiti banketxeak etxea enbargatzen dionean eta kalean geratzen denean nork salatu behar du egoera guztiz pertsonala bada? norberak hala zuk? 20. Izena eman - 2003/04/10 12:20 Zeuk esan duzu arauak jartzeak norbait kanpoan uztea esan nahi duela. Hori beti gertatzen da. Kasu honetan, zu kanpoan uzten zaituen araua (enpadronamentukoa) ez zait zuzena iruditzen (lehen ere esan dizut), eta hori salatu nahi dut nik ere. Gisa honetako zozketa guztietan egoten dira arauak. Leku guztietan oso antzekoak, gainera: beti egoten da diru-sarreren muga goitik eta behetik, eta Jaurlaritzako etxeetan izan ezik, baita enpadronamentuko muga ere... gaizki jarria, baina jarria. Sentitzen dut, baina enpadronamentuko arau hori kenduta, ez zaizkit hain baldintza lotsagarriak iruditzen. Esan bestela, non egin duten zozketa bat baldintza lasaiagoekin, eta benetan, enpadronamentukoa kenduta, horren baldintza aldrebesak iruditzen al zaizkizun. Benetan? Beraz, baldintzak onartzen ditut, bai, apuntatzen naizen momentutik. Ez dira perfektuak, baina bale. Barrura. Baina baldintza hauek bakarrik ez dute esaten gero zer egingo dudan. Hor informazio mordoa falta da: babes ofizialekoak ez dira, udal sustapenekoak omen, zer esan nahi du, zer ez du esan nahi, etxea pribatua izango da, ez da izango, zer diferentzi, zenbat urtetarako, nola, zer preziotan, derrigortuta hartzera, ez, ... Ez dakigu (nik ez behintzat) ezer. Zero. Nik, zozketa egin aurretik, informazio hori jasotzea espero dut. Gero zer egin? Etxea onartu? Auskalo. Kaleko zurrumurruen araberako prezioak badituzte, adios Paris: nahita ere ezingo dut hartu. Gertatzen dena da, eskaintza hau partxe bat dela, eta informazio gutxi dagoela. Etxebizitzen politika guztia honetara bakarrik mugatzen bada, ez duela ezertarako balioko; beste zerbaiten atari bada, ba bueno... Horregatik iruditzen zait inportantea apuntatzea. Zenbat eta jende gehiago apuntatu, hobe: 70 etxerentzat 700 apuntatzen bagara (eta gainera batzuk kanpoan gelditzen badira baldintzegatik), garbi esan dezakegu, oraindik eta garbiago, partxe honek ez duela balio, ganorazko zerbait egin behar dela. Herriko kezka honek erantzun NATUAL bat behar duela. Horregatik esaten dut apuntatzeko (egoismo hutsez ariko banintz, ez nuke hori esango: zenbat eta jende gutxiago, hobe, aukera gehiago bainuke tokatzeko, ez?). Partxe honek balio dezake, zuloa partxe txiki batek estali dezakeena baino haundiagoa dela salatzeko. Horixe da nire aldarrikapena. Bukatzeko. Zuk esan duzu, zure egoera pertsonala salatzen duzulako igoal berekoia zarela esango dizutela. Ez dut uste: nik ez behintzat. Baina ni apuntatzen naizelako berekoia ote naiz? ("etxea onartu eta balkoitik hura salatu" esaten duzunean, halako zerbait ulertzen dizut!) Etxebizitzen kontuan berekoiak salatzekotan, ez dut uste hor apuntatzen direnak salatu behar direnik: badago lehenagokorik, demontre! Eta azken galdera, langabetuarena, ez dut oso ondo ulertzen. Barkatu. 21. ratata - 2003/04/19 12:05 Azpeitiko udalak planak eta jarrikoitu , baino etxiek egunetik egunea garestiyo daude alare. Hor kale gorrianekuek esan ditun gauzak oso ondo daude, baino hor izengo zan soluziyo earra etxebizitza hutsei SEKULAKO INPUESTUEK JARTZIE,BAINO SEKULAKUEK E!!! Hola bai inor etzala espekulatzen hasiko. 22. Izenik ez eman? - 2003/04/22 17:44 Ez, inondik inora, nik ez dut uste zuek berekoiak zaretenik, izatekotan nire tamaina berean, azken finean gure arazoa berbera baita, bizitzeko etxe duin bat erosi edo alokatzeko ezintasuna alegia. Barkatu min eman badizut balkoiaren esalditxoarekin. Gure gizartean solidaritatea ulertzeko sistema salatzeko osatu nai nuen metafora txar bat besterik ez da izan, ta berriro diotzut: min eman badizu barkatu, ez zen nire nahia. Bestalde zure idatzian Plan honetan izena emateko baldintzat ain lotsagarriak iruditzen zaizkidan galdetzen didazu, ba bai, oso lotsagarriak gainera. Bi adibide: plan honetan non geratzen dira horrenbeste ugaldu diren etorkinen eskubideak? eta non geratzen dira bere soldataren zati haundi bat beltzean jasotzen duten pertsonen eskubidea? Baldintza hobeagoak dituen beste herriren bat aipatzeko eskatzen didazu, hor ezin dizut lagundu ez bait dut ezagutzen edo hobeto esanda ezagutzen ditudanak Azpeitiko bezain baldintza kaskarrak dituzte. Baina gauza bat, zuk ondo dakizun moduan, beste herriekin alderatzeak ez du bermatzen bertako baldintzak egokiak direnik, bestela alderatzen hasita, zergaitik gabiltza ain bizi maila altua dugunok (estatistika globalen arabera) etxe duin baten bila? Nire iritsiz gure hika-mika estratejian datza, oinarian ados baikaude. Zuretzat arazoari aurre egiteko sistemarik egokiena ahalik eta jende gehien apuntatzean datza, baliteke. Baina ekintza hori estrategia orokor baten barruan kokatzen bada, delako zozketaren ondoren guztionak diren etxebizitza hoien banaketaren inguruan beste ekintza batzuk egitea suposatuko luke. Edo zer, injustizian oinarritzen den zozketa baten ondoren banaketa egin eta kitto? zuk esaten duzun bezala, auskalo, alegia norberaren auskalo, ahal dutenak aurrera eta ezin dutenak hurrengoan izango da. Nire estrategiak udalaren jokoa ez onartzea da, behingoz etxebizitzen gaia arautuko duen plan oro 23. Aurrekoa jarraitzen - 2003/04/22 17:49 Aurreko iritzian azken zatia falta da, horra: Nire estrategiak udalaren jokoa ez onartzea da, behingoz etxebizitzen gaia arautuko duen plan orokor bat zehaztu arte. Nire iritsiz arazoa nahiko agerian geratu zen Kale Gorrianeko ipotxek ateratako udal bandoaren ondoren Iraurgi Lantzenen jaso ziren dei uholdearekin. Amaitzeko, nire iritziz benetan salagarria dena da Azpeitin bertan dauden etxebizitza uts kopurua (datu zehatzik ez jakin arren 1000tik gora bazirela publikatu izan da). Eta hau ez dagokio ez udalari ezta jaurlaritzari ere, horren ardura bakarra gurea da. Demagojiaz eta gezurrez jantzirik dagoen gizartean bizi gara. 24. Politikuetan Sinixtie Aspaldi Lagatakue - 2003/04/22 18:34 Bat, 45 mille euro "irabazteitunak" ze ostiaatik sartu leike "Protekziyo Ofizialeko" etxietan. Pixket guayo izen zaitezte ta "redondeo" bat eizue. Urtin 100 mille euro txoratzeitunak zeba ezin diNK ba sartu etxe ustel oyetan ??? Eo jendie LERTUkoiKÑen (explotau baño itz earro deNK)milloi bat euro ateatzeitunak ze, ezin etxe mixerable bat erosi. Derriorrez etxe txulo bat erosi ber aldiñabe??? Au ezteKN demokraziye, kar, kar. ONDIKEN POLITIKUEKIN SINIXTEUN JENDE GEYEKI ZEOnk !!! EA.J-JJJJJJJJJJJJJJ !!! AU Buruko miñe !!! Danak Berdiñek zeate !!! (Politikueatik ta beayei jarraitze zo-n-abenaatik ai nauNK) NEGARGARRIYE !!! 25. Politikuetan Sinixtie Aspaldi Lagatakue - 2003/04/22 18:48 Beno, ortik irakurri di-Ñ-at jendiek ez omen zakiNKela zein izen leiken soluziyue. Bakarra zeoNK. Etxiek ber dixkiÑaun danok utsek dauden etxe guztiyek OKUPAU !!! Ori eiteko aukera bakarra zeoNK. Menperau nai gaituzten danak kaka eitea bialdu ta nola ez bakoitzen prejuiziyo LEGALISTAK eta PROPIETATE PRIBATUEN APOLOGIYE EITIE AHAZTU !!! Ta hazi alderdi politiko danak (danak esandakun danak deNK. Bai EAJ, bai AUB ta bai EA, ta PP, PSOE, IU, ... Danak boterie bakarrik nahi bait diÑabe. Ahaztu abertXaletasune ta Españolismue)ta Altuna ta Uria ta olako mafia guztiye alboa lagatzen. Ori gertauko al dan ??? Zenbat Alderdi Politikero zeuedeNK urrutira jun gabe Azpeitiko Gaztediyen ??? Ez Baskuek-Euskal Erritarrak !!! Ez Naparrak !!! Ez Españolak !!! Ezta Europeuek !!! NAI DIAUNA GAITUnk !!! "Ipurdiko Txulotik" artzie gustatzen zaigunak eo BIZIYEN "BENETAKO OKUPAK" !!! 26. Izena eman? - 2003/04/23 14:07 Noan puntuz-puntu. 1. Berekoiaren kontuarekin lasai: ez daukat barkatu beharrik. Minik ez didazu eman; zer pentsatua bai. Eta, oso pozik ari naiz gaiotaz eztabaidan. Beraz, lasai. 2. Baldintza lotsagarriak omen direla-eta. Zuk diozu oso lotsagarriak direla, gizarteko sektore batzuk baztertzen dituelako, eta aipatzen dituzu, konkretuki, etorkinak eta soldata beltzean jasotzen dutenak. Soldata beltzean jasotzen dutenak plan publiko batean sartzeko modu errazik ez dut ikusten, egia esan. Baina, arrazoia duzu, onartzen dut sektore batzuk kanpoan geratzen direla. Ezagutzen dut nik ere, minimora iristen ez den pertsonarik, ez pentsa! Eta halere, diot, ez dira hain baldintza lotsagarriak. Zergatik? Ehuneko haundi-haundi bat hor sartzen delako, eta, batez ere, ez nuelako gehiago espero. Horregatik aipatzen nizun beste herriena. Etxebizitza "publiko" (nola deitu behar zaie?) batzuetarako lehen deian, zaila ikusten dut ezer hoberik espero izatea. Pentsatu baldintzetan: jarriko al zenuke baldintzarik zuk? Ez? Eta zerbait jartzekotan, zer? Ez dut oso erraza ikusten. Esan nuen, proiektu hau, partxe bat dela, ez dagoela politika orokorrik, eta hori kritikatzen nuela. Plan orokorrago horretan, sektore guztiak hartu behar lirateke kontuan. Proiektu hau plan orokor horren hasera bezala izatea nahi nuke, eta horregatik daukat protestarako zure "estrategia desberdina". Hain zuzen ere, proiektu hau "plan orokor" horren beharra aldarrikatzeko erabilita. 3. Gure estrategia desberdina dela diozu, nahiz eta irakurketa berdina edo antzekoa egin. Ados nago. Nik denok apuntatzeko diot; zuk inor ez apuntatzeko. Nirea ulertuko zenuke, estrategia orokor baten barruan kokatuz gero... baina zurea estrategia orokorrik gabe ere, balekoa dela uste duzu. Eta ni kontrakoan nago: - Inorri ez diot entzun, zuri salbu, ez apuntatzeko. Ez talde politiko, ez talde sozial, ez inorri. Zuri, eta webgune honetan bakarrik. Onartuko didazu, eragin urria duela horrek, eta beraz, jendea ez dela enteratuko. Batzuk, apuntatu egingo dira, beraz. - Batzuk apuntatzen badira, baina gehiegi ere ez, udalak esan dezake: "300 lagun apuntatu dira etxebizitzetara, eta hortik pentsa liteke herriko beharrak ez direla horrenbestekoak... bla, bla, bla". Aitzakia, ondorio okerra, eta nahi duzun dana, baina beldur naiz ez ote dugun horrelako zerbait entzungo. - Etxebizitzen sorteorako, baldintzak jarri dituzte, baina apuntatzeko ez dute ezer eskatzen, ez minimorik, ez enpadronamenturik, ez ezer. Niri ez behintzat. Beraz, beharra duen edonor apuntatu daiteke (apuntatu diot, apuntatu bakarrik). - Apuntatutako kopuru haundi batek inoiz baino garbiago utziko luke herrian gazteak etxe bila dabiltzala, ezinean. Hor bai ez dagoela interpretazio okerrik egiterik! Zuk diozu hori argi dagoela, adibidez, Kale Gorrianeko ekintza hura dela-eta garbi gelditu zelako. Nik ere badakit garbi dagoela kontua, baina ez dut uste garbiago uztea kalterako litzatekeenik. Baina badakit, era berean, askok oso garbi ez dutela. Ni askotan harritu izan naiz zenbait jenderekin hitzegin eta entzun ditudanak entzuteaz. 4. Bukatzeko, etxe hutsen kontua aipatu duzu. Ados. 5. Baina nik, gazteon "pasibitatea" ere aipatuko nuke. Inoiz ez gara izan kapaz, arazo amankomun bati erantzun bateratua emateko. Inork ez dugu horretan asmatu. 27. ¿Izenik ez eman? - 2003/04/25 00:13 Ni ere puntuz puntu ahaleginean: 1.- Ni ere oso gustora ari naiz kontuari bueltak ematen zurekin eztabaidan. 2.- Nik ere ez dut batere erraza ikusten baldintzen kontua. Oso garbi daukat horrelako zozketa bat edo eskaintza bat egiten denean gutxieneko baldintza batzuk jarri behar direla. Baina, zure moduan nik ere, oso garbi daukat eskaintza hori gizarte sektore guztiei(maila ez esate arren, naiz eta izan badiren)erantzungo dion plan orokor baten barruan sarturik egon behar dela. Tranpatan gabiltza bestela, iruzurrean (geure buruari gainera), sektore bati bakarrik erantzuten dion (naiz eta gehiengoa izan daitekeen) ekintza puntual bat egiten badugu soilik. Gizarte honek ezin du funtzionatu "niri bai, hiri noizbait eta hari inoiz ez" terminoetan. Sektore bati irtenbide posible bat ematen badiogu besteei ere bideak eraiki beharko dizkiegu, baldin eta giza eskubidea omen dena gure herrian ere bermatua ikusi nahi badugu. Baina txarrena zera da, horrela lan egiten ohituak gaudela aspaldian, beti puntualki: bizikletaren eguna, trapitxeroak kanpora enkartelada txirriak eskuetan,...(barnea lizuntzen hasia dugu aspalditik, eskiatzen belztutako azalez estalirik)...heldu berriro gaiari de dio!! 3.- Ez, nik ere ez dut nire ekintza balekotzat ematen estrategia orokor batetik kanpo. Nire bidea insumisioaren aldetik lotuko nuke, uko egitetik, baina noski ukazio aktibo bat izan beharko luke giza talde batek bultzaturik (zure ekintza ere barnean egon zitekeen, imagimatzen zozketa egin eta inork ez duela etxea onartzen?...). Nik ere ez diot inori entzun eta ez irakurri nire aldarria, eta egia da ere web gune honetan bakarrik plazaratu dudala (horrek indar guztia kentzen dio). Baina ez didazu ukatuko, oraingoz behintzat, herrian ez dela mugimendu berezirik sortu eskaintza honen aurka ("bueno, suerte pixketekin hurrengo aberri egunean ik 28. Aurrekoaren jarraipena - 2003/04/25 00:16 Oraingoan ere testuaren zati bat bakarrik pasatu da, barkatu, to jarraipena: ("bueno, suerte pixketekin hurrengo aberri egunean ikurriña NEURE balkoian...") eta zure aldarria ere hor geratuko dela...beste bluffff bat, nirea moduan. 5.- Gazteon pasibitatearen kontuan ados (gai honek luze joko luke eta uztarriaren hurrengo eztabaidarako utziko dugu...). 6.- Amaitzeko, jaso ezazu besarkada bero bat adiskide, gozada bat izan da zurekin eztabaidan haritzea, hurrengorarte!! 29. Izena eman? - 2003/04/25 13:29 Nik ere, bukatzeko. Garbi daukagu plan orokor bat egin beharko litzatekeela, eta haren araberako eskaintza egin. Hori aspaldiko aldarria da, baina bete ez dena. Hemen ez behintzat. Beste inon bai? Plan orokor hori eginarazteko jarraitu beharreko bidean desberdindu gara tontamentean hasi dugun eztabaida honetan. Ez zure bideak ez nireak ez du indarrik bere horretan, bakarka. Bai: bluff bi. Etxebizitzen plan orokor bat behar den bezala, gizartearen "erantzun orokor" bat ere behar da. Hori aspaldiko intentoa da, baina bete ez dena. Hemen ez behintzat. Beste inon bai? Eta bitartean bizi egin behar. Ahal eta uste bezala. Beno, adiskide. Nik ere gozatu dut, baina nahikoa da honez gero. Beste bat arte, besarkada bat zuri ere. 30. Eskaera - 2003/05/05 16:00 Gaiez aldatzeko eskatzen diot Uztarriari, honek nahikoa eman duela ematen bait du. Proposamena: Maiatzaren 25etik aurrerako proposamenak.