Azpeitiko Udalak EHNA ateratzeko behar diren azpiegitura eta baliabideak bere gain hartu behar al lituzke?

Hona hemen Bai Euskal Herriari herri ekimenaren eskaerak

IRITZIAK (Eztabaida hau itxita dago)

1. Martin - 2002/03/05 13:31 Noski, azpeitiko herritarren zati handi baten nahi nagusi izanik, udalak bere gain hartu beharko luke azpiegituraren ardura eta bizilagunen nahi hori asetzeko jarraitu beharreko pauso guztietan lagundu. Bestalde bada garaia EAJ taldeak bere abertzaletasunaren seinaleren bat agertzea, EHNA-ren aitzitik bada ere. 2. Bai - 2002/03/05 16:37 Azpeitiko Udalak Espainiako nortasun agiria tramitatzen du. Orain Euskal Herriko nortasun agiria ere tramitatzeko eskatuko zaio, eta ea zer egiten duen. Joseba Egibar EAJren EBBko bozeramailea behin han azaldu zen, Gasteizko Legebiltzarreko estraduan, ENA (Euskal Nortasun Agiria) eskuan zuela, espainiar abertzaleei erakusten. Antzeko parezido dira ENA eta EHNA —azken hau itxura ofizialagoa duena da—. Azpeitian zein zinegotzik du antzeko agiririk? Zergatik ez dute ez dutenek? Beraiek jakingo dute zergatik ez duten, baina EHNA eduki nahi duten azpeitiarrei agiri hori tramitatzeko aukera eman beharko lieke Udalak, guztion Udala baldin bada behintzat. Hor ikusiko da gure agintarien tolerantzia. Eta ez daitezela hasi bestelako aitzakia merkeak jartzen. Dena den, intsumisioaren gaian egin zutena ikusita, nago oraingoan ere ez dutela ezer egingo gure agintariek. Izan ere, zer egin zuen gure Udalak Espainiako Armadaren kontra? Erakunde armatu hari lagundu baino ez zion egin: urtero-urtero azpeitiar gazteen zerrenda pasatzen zion Armadari —txibato lanak eginez—, gazteak juridikoki, animikoki, sozialki eta intelektualki ez zituen babestu —zerbitzu eskas bat jarri zuten, besterik ez—... Armadaren kolaboratzaile fina izan zen gure Udala. Ea oraingoan EHNAren kasuan bestelako biderik hartzen duten gure agintari abertzaleek eta ea ez diren Espainiaren kolaboratzaile fin bihurtzen. Portzierto, EHNA tramitatzea bide demokratikoa erabiltzea da, ezta? 3. Ximela - 2002/03/05 18:38 EHNA-ren jabe izateak abertzaletasunaren maila ofiziala neurtzen badu,neurri-tresna kaskarra dela iruditzen zait. Paper edo plastiko zahar bat gehiago poltxikorako. - Euskal Herriko nortasuna - Espainiako nortasuna - Ezkondutako nortasuna - Polikiroldegiko nortasuna - Errealeko nortasuna - Lagun-Onak-eko nortasuna - Mendizaleen nortasuna - Gurutze Gorriko nortasuna Txartelak ematen al didate NORtasuna? Dena dela, nahi duen guztiak lortu dezala EHNA, eta Azpeitiko Udalak erraztu dezala EHNA-ren lorpena. 4. GAZTE - 2002/03/05 19:51 Dudarik ez hala egin beharko lukeela, baina esperantza apurrik eskaintzen al digu azpeitiko udalak? Ikusi dugu azken urteotan azpeitiko udalak euskal nortasunaz ezaugarritzen gaituzten baloreei zer jaramon egin dien, hor dugu euskalgintzaren kasua, herriko kultur eragileei emandako laguntza eskasa etab. Azkenik EA-koei galdera bat. EA alderdi bezala desobedientzia zibilaren alde omen dago, zer egiteko prest zaudete azpeitian borroka molde honen inguruan? 5. Bai... baina ez - 2002/03/05 23:01 Ez gaitezela engaina: Azpeitiko Udalak ez du EHNA tramitatuko. Eta denok dakigu zergatik. "Antzeko parezido dira ENA eta EHNA" dio Bai izenekoak. Antzeko parezido behar lukete, baina ez dira. Eta, hau ere, denok dakigu zergatik. Eta inork esplikatzerik balu, jakingo nuke gustora zergatik sortu zen EHNA aurrez ENA zegoenean. Baina, tira: egia esan, poztuko nintzateke nahastuta banengo. Nahiago nuke, udalak exenplua eman eta betiko beldurren gainetik, tramitatzeko behar diren neurriak hartuko balitu... Nahi duenak atera dezala karnet hori ere. Baina ez dut uste nik aterako dudanik. Hontan, Ximelak arrazoi. Plastiko puska zahar bat gehiago poltsikorako. 6. guzurti - 2002/03/06 01:43 Azpeitko udaleko jendillaje "EA, PNV"ez zaiola hori axola azpeitiko agintariei EUSKALDUNAK ETA GAZTEAK IZURRATZEA DA beraien plan bakarra eta EUSKARAREN ALDE EGITEKO GOGORIK EZ DAUKATELA DIRUDI espainiar horiek tema hau ez doa kontura baina herria piskat enteratzeko gauz bat nahi dut ezan HORAIN EDO INOIZ EZ! EUSKARAREN ALDE 7. Guzurtiri - 2002/03/06 08:49 BAT) Azpeitiko agintarien PLAN BAKARRA euskaldunak eta gazteak izorratzea dela esaterakoan, buruz ikasitako eta zentzurik gabeko hitz parrastada bota duzu. BI) Goiko galdera irakur ezazu, pentsatu eta erantzun. 8. Eme - 2002/03/06 17:12 Zalantzaik gabe, bai. Udalak bere gain hartu beharko lituzke. Dena den, Udalak eingo duela edo ez duela esatiek ez du gehiegi balio. Hori, neurri handi baten, herritarron esku dago. Guk, baldin eta hala nahi badeu, presionatu beharko deu Udala, neurri hori har dezan. Ta nere ustez, EHNA ezta, Ximelak esateun bezela, alferrikeko gauza bat. Herri honen eskubidiek aldarrikatzeko tresna inportantie izen daiteke. BAINO HORI BAI: HELBURUE EZTU IZENBER EHNA TRAMITATZIE ETA ATEATZIE, DNI-n ORDEZ ERABILI BERKO DEU, ZERBAIT LORTU NAHI BADA. 9. naxi - 2002/03/06 18:41 Nik uste dut Eme-k esan duen horretann dagoela gakoa. Alegia, behin tramitatu eta gero, ahalik eta erabilera 'ofizialena' eman behar dio tramitatu duen erakunde horrek --kasu honetan Azpeitiko Udalak, ezta?--. Behin hori esanda, nik ere uste dut Azpeitiko Udalak EHNA tramitatu beharko lukeela. Berez defendatzen omen dutena praktikan jartzen hasteko ordua ere badute zenbait alderdi ustez abertzaleek. Baina orain artekoa ikusita... 10. naxi - 2002/03/06 19:33 Nik uste dut Eme-k esan duen horretann dagoela gakoa. Alegia, behin tramitatu eta gero, ahalik eta erabilera 'ofizialena' eman behar dio tramitatu duen erakunde horrek --kasu honetan Azpeitiko Udalak, ezta?--. Behin hori esanda, nik ere uste dut Azpeitiko Udalak EHNA tramitatu beharko lukeela. Berez defendatzen omen dutena praktikan jartzen hasteko ordua ere badute zenbait alderdi ustez abertzaleek. Baina orain artekoa ikusita... 11. IRAULI - 2002/03/06 20:06 Paper zahar bat izango da baldin eta poltsikoan lagunei erakusteko bakarrik erabiltzen bada. Tresna garrantzitsua izango da egunerokotasunean erabiltzen baldin bada. Hala ere ez da EHNA gauza soil bat bezala ulertu behar, herri hau hiltzea nahi dutenei aurre egiteko beste desobedientzia tresna bat bezala baizik. Eta udalak ez badu tramitazioa laguntzen, geuk egin beharko dugu, herritarrok.Bere erabilpena normalizatu eta herriko gune ezberdinetan erabili. Zer egingo luke azpeitiko udalak, herritar batek udaletxeko eskaera bat EHNA erabiliz bete nahi badu? 12. Bai, baina ez-entzat! - 2002/03/06 20:12 ENA-ren sortzaileei Bai Euskal Herriari ekimenak karneta batera ateratzeko proposamena luzatu zion eta honek ez zuen onartu. ENA-ren barruan sekulako istiluak egon dira, diruaren desagerketa, erabaki pertsonalak besteen gainetik hartzea,kudeaketa eskasa, ezkutuko bilerak, BARNE ZATIKETAK etab. EHNA berriz udalbiltzatik bideratutako tresna da, udaletxeek edo herrietako Bai Euskal Herriari taldeek aurrera daramatena. HORRA HOR EZBERDINTASUNA, BAKOITZAK AUKERATU DEZALA BAT, BESTEA EDO BATEREZ!!! 13. Bai... baina ez - 2002/03/06 22:34 Nik ere entzun ditut arrazoi horiek, eta egia esan, ez dakit egia diren edo ez. Baietz suposatuko dut, ENAren aldekoek ez zutela kolaboraziorik nahi. (Dena den, badakit talde hortako batzuk ez zutela horrelakorik esaten...) Baina, kontua da, ez dudala Egibar imaginatzen karnet urdina erakusten Gasteizko estraduan, beste batzuk ez aipatzearren. Zuk bai? Eta Egibarrek eta Otegik, adibidez, euskal karnet berdina izango duten eguna, ez dudala gertuago ikusten. 14. ni - 2002/03/07 08:25 Aurrekoari erantzun diozuna ikusita enteratuta zaudela dirudizu. Nik galdera bat, zuretzat edo beste edozeinentzat. Bai, baina ez-entzat! -i edo erantzuteko gai den orori. Bai Euskalerriarik EHNA ateratzeko Udalbiltzari eskatu zionean, zergaitik eskatu zion Batasunaren Udalbiltzari?(egia esan Udalbiltzaren egungo egoera nahasia ez dut ongi ezagutzen eta hori esplikatuko balu norbaitek eskertuko nuke). 15. ni - 2002/03/07 08:59 hoixe baietz 16. Erne-k arrazoie - 2002/03/07 12:22 Erne-k arrazoie ta ez Ximelak. Alegiye, EHNA ateatzen badeu, paper xahar hori ez da poltsikuen eukitzeko bakarrik, baizik eta erabiltzeko. Ximelak diyo paper xahar mordue dauzkela, alperrik eo; inkoherente hutse da Ximela, hortaz, ez baldin baitu erabiltzen; zertako ateatzen ditu? EHNA erabili, erabili ein behar da. Baño hortako Azpeitiko Udalak EHNA tramitau egin behar du. Animau, de dio! 17. naxi - 2002/03/07 12:54 Aurrekoarekin segituz, eta karneta paper hutsa dela diotenei: beraz, ikurrina ere tela hutsa da? zergatik emango liguke egundoko tripako mina Azpeitiko Udaletxean bandera espainola ikusteak? Herri batek bere sinbologiari ERE garrantzia eman behar dio. Bere hizkuntzari, kulturari, historiari, ohiturari... bezala. Eta sinbolo horiek sinbolo bakarrik ez izatea, horixe erronka. Horixe herritarrek eta ordezkari politikoek lortu beharrekoa. 18. Ximela - 2002/03/07 16:30 Interesgarriak ENA, EHNA,eta bi Udalbiltzei buruz eman dituzuen azalpenak. Eta euskaldun bezala bi nortasun agiriren jabe izateko aukera badut, Udalak ENA eta EHNA ateratzeko aukera eskaini behar al digu? Norbaiti erantzunez, niretzat bandera guztiak koloretako trapu zaharrak dira, pertsonen arteko gorrotoa piztu eta indartzeko sinboloak. Eta euskal nortasunaren neurria ez digu inoiz emango txartel batek, baina bai euskaraz jakiteak, euskaraz hitzegiteak, euskaraz irakurri eta idazteak, euskara maitatzeak, euskara indartzeak, eta NORberaren euskara maila hobetzeak. Uztarriako aurreko eztabaidatan parte hartu dugunon euskararen bataz-besteko maila negargarria iruditu zait, eta hori bai dela EUSKAL NORTASUN AGIRI ESKASA (ENAE). 19. naxi - 2002/03/07 16:58 "Bandera trapu bat da, haizerik ez badabil" dio kanta batek. Izan ere, bandera baten atzean, karnet baten atzean... ideologia eta pentsakera bat daude. Eta euskaldunok pentsakera, kultura, herri, gizarte... propioa osatzeko gai izan behar dugun neurrian, gure sinboloak egiteko gai ere izan behar gara. 20. Martin - 2002/03/07 17:28 Ximelaren iritzia oso interesgarria iruditzen zait. Bai,egia da paper bat, ikurrin bat, eta norberarengandik kanpo dagoen orok ez duela norbera adierazten, dudarik gabe. Nahiko sakona izan daiteke bide hori, guztiz ados zurekin. Baina, ez da egia txikiagoa egun bizi dugun gizarte honetan badutela horrelako seinuek garrantzia, askotan izan behar ez badute ere, horregaitik eta lehenengo galderari erantzunez, nahiko nuke nire poltsikoan EHNA izateko eskubidea izango banu, eta udaletxeak hori erraztuko balu. Nire izaera beti izango da euskalduna, baina papera izatea ere nahiko nuke, sinbolismo utsa baino ez bada ere. 21. antuan - 2002/03/08 00:33 ba ez 22. EHNA - 2002/03/08 12:01 Ezkorrei galdera bat: agiriak paper hutsa badira, zergatik joaten dira, tokatzen zaienean, Espainiako Nortasun Agiria ateratzera zintzo-zintzo? Udalari galdera bat eta eskaera bat: lehen batzuek ikurrina aipatu dutela-eta, oker ez banago uste dut festatan-eta udaletxeko balkoian ikurrina soilik jartzea ez dela erabat legezkoa. Nolabaiteko desobedentzia da hori, eta Azpeitiko Udalak ikurrina baino ez du jartzen udaletxean festatan. Oso ondo. Koherente. Agiriei dagokioenez, gure Udalak berak Espainiako Nortasun Agiria tramitatu egiten du, zintzo-zintzo. Baina zergatik ez du hartzen ikurrinaren bide bera EHNAren kontuan? Suabeago esanda: ez dut esaten Udalak Espainiakoa tramitatu behar ez duenik —eskatzen duenari bidea jarri behar dio—, baina EHNA tramitatzeko ere eskatzen diot nik —eskatzen duenari bidea jarri behar dio—, baldin eta ikurrinaren kontuan bezala Udalekoak abertzaleak badira. 23. Ximela - 2002/03/08 16:44 Ez baikorra eta ez ezkorra, praktikoa baizik. Neuretik osatzen ez dudanez, mailegua eskatu beharrean aurkitu naiz etxe bat erosteko, eta beste agiri batzun artean DNI-a erabili dut. Auto baten finantzaketarako ere DNI-a aurkeztu dut. Aseguru etxeekin ere berdin. EHNA aurkeztu izan banu, orain ez etxe eta ez auto ez nituen izango. Eta nik erosotasunaren aldeko apustua egin dut. Praktikoa izan naiz ala arima saldu dut? Bizitzan zehar erabaki asko hartzen ditugu, okerrak eta zuzenak tartekatuz. Ah! Udalak erraztasunak eman ditzala EHNA, DNI eta pasaporte komunitarioa lortzeko. 24. Ximelari - 2002/03/08 17:51 Ondo bukaeran: Udalak erraztasunak eman behar ditu azpeitiarrok EHNA lortzeko. Baina, erne, ez hori bakarrik: Udalak, bere eskumen-guneetan, onartu egin behar du EHNA, eta bere eskumen-gune ez diren horietan azpeitiarrok EHNA erabiltzeko borrokatu egin behar da Udala, azpeitiarrok defendituz. 25. naxi - 2002/03/08 18:25 Intsumisoak ere bere garaian praktikoak izan balira... Egia da askotan DNIa erabiltzera behartuta gaudela, baina ez zait iruditzen "praktikoa izan ala arima saldu" arteko aukera kontua denik, ez hainbesteraino behintzat. Desobedientziak beti dakarzki kostu batzuk, jakina, eta etxe bat erosteko DNIa erakustera derrigortzen bazaituzte, agian beste erremediorik ez duzu izango. Baina Urbil-era joan eta hango Eroskin edota Zaran ordaintzerakoan EHNA onartzen ez dizuetenean? Orduan ere arima saltzeko prest? Hala konpra dena kaxan utzi eta etxera, ezer erosi gabe? Desobedientzia egiteko modu asko daude, eta desobedientzia (DNIari) zeozeren alde (EHNAren alde) egitea, aukeran, nik nahiago. 26. Ximela - 2002/03/09 09:21 NAXI, atsegin haundiz irakurri dut zure erantzun orekatua. Bakoitzari berea, munduko legea. 27. naxi - 2002/03/09 15:28 Eztabaida hau ikusita, eman behar denak Udalak EHNA tramitatzearen alde gaudela. Gero, seguru, EAJk (eta EAk?) kontrako jarrrera hartuko dute. Herriaren nahiaren kontra? Ala herriak hala nahi duelako? Herriak hala nahi badu (hau da, EHNAren tramitazioari uko egin nahi badio), zergatik ez du inork tramitazioaren kontrako iritzirik ematen? Lotsatuta ala? 28. bairi,erantzuna - 2002/03/09 16:15 ondo iruditzen zait 29. bairi erantzuna - 2002/03/09 16:22 ondo iruditzen zait EHNA ofiziala izatea,baña txibatoa hotzeite udalari pasada bat da.udaletxea bere lana betetzen du,gainera gauzak errezten dizkizu,zeren "mili" nazkagarri hortaz libratzeko bestela donostira joan behar zinen...arrasaten adibidez.lenuo edo geruo in ber dan zeoze da:prorroga eskatu,objetorea in,edo intsumiso egin.baina udalak zure izena ez badu ematen,intsumiso egiten zaituzte bste alternatibarik gabe,ta hori ez da bidezkoa.bakoitzak jakingo du zer nahi duen egitea bere bizitzakin. 30. ni - 2002/03/10 23:19 Udalbiltzaren asuntoa inork ez dit esplikatu, beraz nere eritzia baliteke ondo oinarritua ez izatea. Ni, ez nago EHNAren kontra. Bainan iruditzen zait EHNA "ofizial" bat tramitatzeko ez dela iñor Batasunaren Udalbiltza. Niretzat gauzak ez dira ondo egin, bainan agian ezin zelako izan da, Euskal Herrian, zoritxarrez dena politikarekin loturik bait dago eta orain gauden egoeran, abertzaleak, lau katu izanik, elkarren aurka jarraitzen dugu. 31. ENHA edo ENA? - 2002/03/11 18:31 NORBAITEK ESPLIKATUKO AL DIAT ZERTAN EZBERDINTZEN DIREN? ORAIN DELA GUTXI ARTE ENA ZEN EUSKAL NORTASUN AGIRIA ETA ORAIN ENHA? EUSKALDUNON ARTEAN ERE EZIN ADOS JARRI? 32. erantzuna - 2002/03/11 19:59 hamabigarrenak erantzuten du 33. Peru - 2002/03/12 12:18 Giza eskubideen aldarrikapen unibertsalean, 15.atalean, zera dio: "Pertsona orok du herritartasuna izateko eskubidea. Inori ezingo zaio arrazoirik gabe herritartasuna kendu, EZTA HERRITARTASUNA ALDATZEKO ESKUBIDEA UKATU ERE". Nire ustez hor dago kakoa. Izan ere, euskaldunoi hainbat eta hainbat eskubide ukatu zaizkigu eta horietako bat naziotasunarena da. Euskaldunok, euskaldun bezala bizitzeko eskubidea dugu eta Azpeitiko udalak, horretarako eskuartean izan ditzazken tresna guztiak aktibatu beharko lituzkela iruditzen zait (ez soilik karnetaren gestioa, baita eguneroko bizitzan karnet horrek balioa izateko behar dituen pausoak ere). Bestalde ez da inor derrigortzen EHNA-ren jabe izatera. Norbaitentzat paper huts bat bada, berak erabakiko du zer egin baina paper bat baino askoz gehiago dela pentsatzen duten euskaldun ASKO daude eta guzti horiei bidea erraztu beharko lieke udalak. 34. Uzta - 2002/03/12 16:28 Txartelak ematen al du nortasuna? Nahi eta nahi ez, gaur egun DNIa "ezinbestekoa" duzu egunerokotasunean. Txartel horrek, identitate espainola ematen dizu eta espainol bezala eskubide batzuk ematen dizkizu. Zuri agian ez zaizu axolako, baina niretzat behintzat, nire naziotasun sentimendua beste bat denez, udalera joango naiz EHNA ateratzera. Hala ere uste dut ez dudala oso erraza izango Azpeitiko udalean, izan ere ez ditut ikusten gure "agintari" hauek horrelako dinamika batetan sartzeko gogo handiarekin. OSO KOMODO DAUDE MADRILEN AGINDUEI KASO EGINEZ. 35. IOSU - 2002/03/12 16:32 Peruren eritziarekin guztiz ados nago. 36. Bai... baina ez - 2002/03/12 17:17 Agintariei asko eskatzen diegu, eta ondo dago. Eskatu egin behar zaie. Baina orain ere, Azpeitiko udalak tramitatu ez arren, badago EHNA eskuratzerik. Konplikatuagoa da, hori bai, baina hortarako bideak jarriko zituela agindu zuen Udalbiltzak (oso oker ez banago). Jakingo nuke gustora, kuriositatez, hemen EHNAren eske dabilen lagunetan, zenbatek dugun jadanik EHNA sakelean. Inork bai? Indartsua litzateke horrelako zerbait esan ahal izatea: "Nik gure Udalak EHNA tramitatzen ez zuela ikusita, ez dakit nora joan eta hantxe atera nuen. Dezente kostata: bidaia, orduak... Horregatik ERE, beste inork hori egin beharrik izan ez dezan, eskatzen diot Udalari berak tramitatzeko". Seinale ona litzateke inork hori esaterik balu... Benetako borondatea dagoela erakutsiko luke. Baina, ez dakit ba... 37. naxi - 2002/03/12 19:30 Udalak ez badu tramitatzen, horixe beste bideren bat bilatu beharko dela. Baina kontua da oraindik, nik dakidala, Udalak ez duela erantzunik eman. Eta Udaleko alderdi politikoak, alderdi politikoak diren neurrian, erabaki politikoak hartzeko daudela, eta orain eskuetan izango dute horietako bat. Galdera: zergatik uste dugu ia denok EAJk eta EAk ezezkoa emango diotela Bai Euskal Herriari-k eginiko proposamenari? esanguratsua, ezta? 38. 36ek arrazoie... - 2002/03/12 20:02 Treintaiseisek arrazoie hein batien: egia da maiz udalera jotzen dugula zerbait lortzeko, zerbait hori lortzeko beste biderik egon daitekeenean ere. Eskuak garbitzen ditugu, bai. Baina horrek ez du kentzen udalak EHNA tramitatu behar ez duenik. Eta GURE udalak tramitatzen ez badu ere, EHNA lortu nahi duenak agian lortuko du, GURE agintariek lagundu ez arren. Horixe gertatu zen intsumisioarekin, BAIk bere iritzian aipatu duen gaiari lotuz; hau da, udalak gazte intsumisoei ez zien lagundu, baina azkenean lortu da gazteak derrigorrez soldadutzara ez joatea, borroka egin zutelako. Dena dela, eta gehiago sakonduz, zera: soldadutzaren kontuan garrantzitsuena ez zen ejerzitora ez joatea, ejerzitorik ez egotea baizik. Eta eztabaida honetako gaiari lotuz, zera: hemen garrantzitsuena ez da EHNA bakarrik lortzea, Euskal Herriaren independentzia lortzea baizik. Eta hor bai GURE AGINTARI ABERTZALEEK busti beharko luketela, beste edozein abertzalek bezala, beti agintari politikoei begira egon beharrean. Idaho dugu eredu bat, lotsa sentitzeko eredu. Barkatu pajeatzeagatik, baina muinera, txos! Horrela ibili beharrak pENHA sortzen du. 39. naxi - 2002/03/15 17:42 Iritzia baino gehiago, galdera bat daukat nik, ea norbaitek erantzuterik duen: EHNAri babesa eman eta baliabideak jartzeko eskaera egin al zaio dagoeneko Azpeitiko Udalari? Eta noiz emango da erantzuna, oraindik eman ez bada? 40. ni - 2002/03/15 21:35 ez dakit nire ustez bai 41. Baita - 2002/03/16 11:11 udalean mozio bat sartu zela badakit, baina besterik ez! 42. baita2 - 2002/03/16 11:34 Udalean mozioa sartu da, bai, baina oraindik ez da plenoan eztabaidatu. 43. proposamen bat - 2002/03/16 17:42 EHNAren bultzatzaileari, Bai Euskal Herriari Ekimenari, proposamen bat: bil ditzala eztabaida honetako karta interesgarrienak, eta oraindik plenoa egin ez denez, sobre batean Azpeitiko EAJri, Batasunari eta EAri bilduma bana eman, baita alkateari berari ere, gutunak irakur ditzaten eta pixka bat jantzi daitezen. 44. ez bada onartzen... - 2002/03/19 14:46 Azpeitiko Udala ausartzen bada EHNA (Euskal Herriko Naziotasun Aitormena) ez tramitatzera —DNI tramitatzen du, eta, gainera, telefonoko 'listinean' Azpeitiko Udalaren publizitate handian batere lotsarik gabe jartzen du DNI tramitatzeko telefono zenbakia!—, badago beste aukera bat: EHNAren alde azaltzen den alderdi politikoak hartzea udaletxeko bulego batean EHNA tramitatzeko ardura. Horixe egin behar du Gasteizko udaletxean Batasunak, atzo jakin zenez. 45. Kuriosoa - 2002/03/20 08:42 Aurrekoak idatzi duena, oso kuriosoa iruditu zait: '(...) Azpeitiko Udala ausartzen bada EHNA ez tramitatzera (...)'. Je, je: iruditzen zait, ausardia, tramitatzea izango litzatekeela... 46. Aupa - 2002/03/21 18:14 Bai 47. Kuriosoari - 2002/03/22 15:57 Kuriosue litzeke Azpeitiko udalak EHNA tramitatzie erabakitzen badu, holako proiektutan pausue ematera ez delako ausartzen. Kuriosidade bat: ze gertako litzeke Bastida alkatie berriz inhabilitako balute? 48. geografikoki - 2002/03/22 19:27 DNIn aurka dauden hainbat gusto asko ibiliko dia bere ENA, plastiko bea, kontrol sozialeako tresna bea ibilita. Kasu hortan bere hiritar fitxeruen euskal nortasuna eukiko lukeelako. Ba, ni euskaldune naiz, denok bezela kasualitatez, ta azken fiñien karneta iguala da leku guztiyetan. Tristie zea da, inork ez planteatzie nortasun agiri baten zilegikotasuna, pertsona zenbaki bihurtzeko tresna guztiyok ondo hartzea. 49. jon - 2002/03/23 18:32 Earra izango ukek Batida inabilitatzie ENAren kontuz.Beste norbait jarri beharko ziaben 50. praisko - 2002/03/24 00:02 Nik etzekiat baino....karnet hau ateatzeko esaminatu beharra al dago edo erregalokoa da?