|
|
|
Santotomasetako txorizoa
Laster dira santotomasak eta txorizoa izaten da protagonista. Baina ogiarterako bidea luzea eta neketsua izaten da; bai harakinentzat, behintzat
|
|
Txorizoa saldu aurretik....
Txorizoa saldu aurretik lan asko egin behar izaten da, eta hori ondo dakite Matxin Harategikoek. Manuel Agirrezabala —argazkian— eta Eli Etxeberriak astero izaten dute eginkizun hori.
|
|
|
|
Lehen lana, moztea..
Astearteetan jasotzen du Manuel Agirrezabala Matxin Harategikoak txerria, eta horrekin batera hasten da asteroko lana. Lehenik, txerria moztu behar izaten du.
|
|
|
|
Larrutzea lanik zailena..
Txerria moztean, hezurrak kendu eta larrutu egin behar izaten da. Manuel Agirrezabalaren ustez, larrutzea da txorizoak egitean gauzarik zailena.
|
|
|
|
Behin moztuta makinara..
Behin moztu eta haragia eta gizena bereiztuta, makinara sartzen dute masa egiteko. Haragiari, aurretik prestatutako piper-hautsa ere botatzen diote, besteak beste.
|
|
|
|
Hesteetara ondoren..
Masari pixka bat asentatzen utzi ondoren, masa hesteetan sartzen hasten dira. Astean 30 bat kilo txorizo egiten ditu; Santo Tomas festetarako —abenduaren 21ean—, 200 bat.
|
|
|
|
Lotzen..
Masa hesteetan sartu ondoren, bi muturrak lotu behar izaten dira. Argazkiko unean, Eli Etxeberria, Agirrezabalari laguntzen ari zaio.
|
|
|
|
Lehortzen..
Txorizoak egin eta lehortzen eduki behar izaten dira, zabalduta. Txistorrak pare bat egunez, eta txorizoa, berriz, sei-zazpi egunez edukitzen dute. Denbora hori pasatu ondoren, jateko prest izaten dira.
|
|
|
Hemen zaude:
Azpeitiko ataiye »
Aldizkaria »
2006 »
Abendua »
Klik
ALDIZKARIA