|
|
|
Klik: Uztaritzeko pausoa
Haritz Etxeberria 'Ministro'
Jokin Urangari segika ibili zen Uztaritzera bidean Haritz Etxeberria, urriaren 22an. Azpeitian, Oiartzunen eta Uztaritzen atera zizkion argazkiak
|
|
Goizean goizetik hasita.
Goizean goiz abiatu zen Jokin Uranga Uztaritzera, Bertsolari Txapelketa Nagusiko final-laurdenera, Haritz Etxeberria Ministro-k lagunduta. 17:00etan zuen saioa. Argazkian, Azpeitian, plazan, goizeko hamaiketan.
(Haritz Etxeberria 'Ministro')
|
|
|
|
Lagunak ere Uztaritzera.
Urangaren lagunek autobusa antolatu zuten Azpeititik Uztaritzera joateko; 30 bat joan ziren. 15:00etan abiatu ziren. Argazkian, autobusera sartzen.
(Haritz Etxeberria 'Ministro')
|
|
|
|
Bidean, Fredi Paiarekin.
Oiartzunen, Fredi Paiarekin elkartu zuren (hura ere Uztaritzen zen bertsotan). Harako bidea elkarrekin egin zuten. Nerbioak nerbio, brometarako zeuden biak.
(Haritz Etxeberria 'Ministro')
|
|
|
|
Indarrak hartzen.
Erronka zuen Jokin Urangak, finalerdiak zituelako helburu, eta aurretik, indarrak hartu behar. Oiartzunen geratu ziren bazkaltzeko. Argazkian, Uranga, Ministrorekin berarekin.
(Haritz Etxeberria 'Minitro')
|
|
|
|
Antolatzaileekin.
Behin Uztaritzera iritsi eta trago batzuk hartu ondoren, frontoira joateko unea zen, saioko lekura. Argazkian, Uranga, Eneritz Zabaleta antolatzailearekin.
(Haritz Etxeberria 'Ministro')
|
|
|
|
Besteekin.
Pixkanaka-pixkanaka joan ziren iristen kanporatze fasea jokatu behar zutenak frontoira. Denek ere nerbioak aidean zituzten azkeneko une horietan. Argazkian, Jokin Uranga, Julen Zelaieta bertsolariarekin.
(Haritz Etxeberria 'Ministro')
|
|
|
|
Ezinegona.
Uztaritzen Kiroleta Frontoira sartu aurretik, nerbioak kontrolatzen saiatu eta kontzentratu beharra zegoen. Horretan aritu ziren Paia eta Uranga taularatu aurretik frontoiaren kanpoko aldean.
(Haritz Etxeberria 'Ministro')
|
|
|
|
Lasaituta.
Behin kartzelako lana eginda, lasaitasun ederra hartu zuen. Saioa hondarrean zen, eta handik aurrerako garrantzitsuena puntuazioa jakitea zen. Laugarren egin zuen, puntu askorekin: 676,5.
(Haritz Etxeberria 'Ministro')
|
|
|
|
Bukaeran gustura.
Saioa bukatuta, lehen inpresioak oholtzan elkar trukatu zituzten. Argazkian -ezkerretik- Onintza Enbeita, Fredi Paia, Jokin Uranga, Iņigo Manzisidor eta Amets Arzallus.
(Haritz Etxeberria 'Ministro')
|
|
|
|
Zorionak!.
Oholtzatik jaistean zain zeukan Xabier Silveira lagun handia, zorionak emateko. Urangak hurrengo egunean jakin zuen finalerdietara sailkatu zela, puntuei esker. Azaroaren 6an dauka lehen saioa, Hendaian.
(Haritz Etxeberria 'Ministro')
|
|
|
Hemen zaude:
Azpeitiko ataiye »
Aldizkaria »
2005 »
Azaroa »
Klik: Uztaritzeko pausoa
ALDIZKARIA