Hantxe bertan

Olatz Arregi:“Han, unibertsitatien lan pertsonala gehiyo egin beher dek”

Ion Aranburu

Olatz Arregi Bremenen dago. Aleman filologiako azkeneko urtie ikistera jun da harea. Ez da lehenengo aldiye Alemani-re jun dala; orain dala lau urte ere jun zan urtebete han pasatzera. Gabonak pasatzera Azpeitire etorri da eta hizketaldiye herriyen bertan izen du Uztarria-rekin.

• Zer dela-ta orain berriz Alemanire?

  Aleman filologiako karrerie ikisten ari nauk, azkeneko urtie falta zitek bukatzeko. Alemanire jun nauk kurtso hori egitera, karrerie han bukatzeko, eta alemana ondo ikisteko.

• Lehen Metzingen egon hintzenan. Orain nun hago?

  Orain Bremenen natxiok, Alemaniko iparraldien. Lehen Metzingenen egon nintzenien, Stuttgart aldien, hegoaldien.

• Ze alde dago bi lekuen artien?

  Bizimoduen ez zegok alderik. Jendie oso antzera bizi dek bi herri hoiyetan, baino ingurue oso desberdine dek. Me-tzingenen askoz mendi geihyo zegok, iparraldie askoz lauago dek.

• Zenbat denborako jun haiz?

  Irailien jun nituan eta uztailien bueltatuko nauk; hamar hilabeterako jun nauk.

• Ikisteko eran-eta alderik ba al dago?

  Bai, desberdine dek. Alemaniyen asignatura bakoitzekin astien klaseko ordu bat edo bi badauzkek gehiyenez; he-men askoz geihyo. Han lan pertsonala garrantzitsuago dek, liburutegiyen-eta ordu asko pasatu behar dituk, liburu gehiyo irakurri beher... Han norbanako lanak gehiyo egin behar dituk.

• Eta bizimoduen?

  Baita ere, Alemaniyen jendie askozaz gehiyo egoten dek etxien, indibidualistague dek. Hemen koadrilan-eta ibiltzie inportantie dan bezela, han ez; kanpusien, kafeteiyen eta gehiyenez biko edo hiruko koadrilak ikusten dituk.

• Zer botatzen den faltan?

  Hemen Azpeitiyen dauketen dana botatzen diat faltan, lagunek, familiye, itsasue... Dana.

Hango jendie: “Alemanak hasieran oso distantiek dituk euskaldunen antzera, baino gero oso jatorrak dituk”