San Sebastianak

Xanti Iriarte:"San Sebastianak herri festa handia dira eta beti hartu izan dut parte; Azpeitiko festa guztiak dira bereziak"

Xanti Iriarte, Bilbon bizi den azpeitiarra da. Duela 28 urte joan zen hara. Eta Azpeitiko danborradan duela 25 urtetik hartzen du parte; Alkartasuna taldean irteten du danborra jotzen.

• Nolatan irtetzen duzu danborradan?

  Guk, koadrila bezala, talderik ez geneukan, eta eskozesetatik (Alkartasunatik) irteteko gonbidapena jaso genuen.

• Noiztik zabiltza?

  Duela 25-26 urte hasi nintzen danborradan irteten. Ni ezkondu eta Bilbora joan nintzen bizitzera duela 28 bat urte. Baina asteburu guztietan etortzen naiz Azpeitira. Azpeitiar-azpeitirra naiz eta. Herrira etortzen ez naizenean gaixo edo peto nagoen seinale dela esaten didate lagunek. Familia, koadrila, giroa, dena dut Azpei-tian, eta, beraz, danborradan ezin hutsik egin.

• Herriko beste festetan-eta izaten al zara?

  Herriko festa guztietan hemen izaten naiz eta baita parte hartu ere. Orain gutxiago, adinean aurrera noalako, baina askotan irten izan dugu koadrilan inauterietan eta.

• Zer dira San Sebastian festak zuretzako?

  Niretzako, herri festa handi bat dira. Ne-guan izaten da, Santo Tomasak pasatu eta berehala. Beti hartu izan dut parte eta urte batzuetan ere lanera gau-pasa eginda joan izan naiz. Niretzako, Azpeitiko festa guztiak dira bereziak.