Karretea falta

• Juan Joxe Agirrek pena handi bat badu eta horren arrazoia Madrileko laborategi batera errebelatzera bidalitako karrete baten galerak dauka. "Antxieta taldean nenbilela Ekaingo kobazulora argazki makinarekin sartzeko baimena lortu nuen. Ekainerako sarrera oso mugatua dago eta argazki makinarekin sartzea ia ezinezkoa da. Baina baimena lortu eta argazki roilo oso bat bota nuen, kontu handiz. Ekaingo argazkiak zituen karrete hori Madrilera bidali nuen errebelatzera... eta gaur arte. Inoiz ez zait errebelatzera bidali eta karrete bakar bat ere galdu, eta kasualitate galanta karrete huraxe galtzea!". Oraindik ere pena handiz kontatzen du Juan Joxek karretea galtzearen kontua. Ekaingo argazkirik ez, ezin, baina mila argazkitik gora ditu etxean artxibatuta.