Etxeak erosteko baldintzak

NORBANAKOARENAK. Udalak jarritako hiru baldintzak: Azpeitian erroldatuta egotea azken bost urteotan; jabetzan etxebizitzarik ez izatea; gehienez 45 mila euro eta gutxienez bederatzi mila euro irabaztea urtean. (Babes ofizialeko eta sozialeko etxebizitzen eskaria egiteko gehienezko irabazia urtean 33 mila euro da).

ORDAINKETAK. Behin etxea izendatutakoan, %10a ordaindu beharko du erosleak; egitura egindakoan, beste %10a; azulejoa jarritakoan %20a; eta eskriturak egindakoan gainontzekoa, %60a. Behin izendatutakoan atzera eginez gero, or-daindutako diruaren %10a galduko da. Babes ofizialeko eta sozialeko etxebizitzen ordainketa modua desberdina izan ohi da. Kasu honetan ordainketa atzeratu egiten da, etxebizitzan bizitzen jarri arte. Behin bizitzen jarritakoan hasi behar izaten da ordaintzen.

JABETZA. Hamar urtean ezingo da etxebizitza saldu, eta saltzekotan Azpeitia Lantzeni saldu beharko zaio, KPI gehituta. Hamar urte pasa ostean, eroslearen jabetzan geldituko da. Etxebideren esanetan, sustapen pribatuz egiten diren babes ofizialeko etxebizitzak jabetza osoan ematen dira, baita udal sustapen batzuetan ere. Aldiz, Eusko Jaurlaritzak egiten di-tuen babes ofizialeko eta sozialeko etxebizitzak 75 urterako ematen dira.

BIZITZEN JARRI BEHAR. Behin etxebizitza bukatu eta giltzak hartzen direnean, eta sei hilabeteko epean, bertan bizitzen jarri beharko da.