San Joanak

Mikel Berasategi

Lizar haundi batekin

hasera emanez

San Juan suaren epelak

jo ohi du indarrez

txaranga ta oihuak

ta guztiak barrez

San Juan txiki eguna

ezin ahaztu errez,

bikain pasatzen degu

musean eginez. (bis)

Buruhaundi, erraldoiak

gero kalejira

jende asko etortzen da

Urrestil erdira

denok gozatzen degu

jai hauen harira

alkatea ere jada

esaten ari da:

San Inazioak baño

hobeagoak dira. (bis)