Zenbat buru, hainbat aburu : Akullue

Maiatzerako giroaren plana

Leire Ostolaza

Udaberri betean aurkitzen garen seinale da dugun eguraldi nahasia, etorkizuneko mapak zalantzaz betetzen ditu zerura begira bizi diren izakiak. Badirudi munduak hankaz gora jartzeko joerari eutsiko diola maiatzean ere, eta aurrikuspena berbera izango dela bizi garen lur zatitxo honetan ere: hauteskunde haizeak batzuen azpiko arropa zikinak azalduko ditu, eta besteenak zurrunbilo batean Madrilera eramanak izango dira, agian.

Betiko antizikloia saiatuko da erauntsien ondoren betiko lekua mantentzen ez badu behintzat mendebal indartsuak bere tronutik erortarazten.

Gezur euri-jasak izango dira, trumoi eta tximistak barrualdean, azalean eguzki kolore ederra, hortzen ahoko zuria karteletan eta fenomeno atmosferiko arraro batek kaleak eta lorategiak distiratsu apainduko ditu.

Agian, itsasaldeko borraskak ezingo du eguraldian parte hartu, hegoaldekoak debekatu nahi duelako eta hala ere antizikloiak gaizki iruditzen zaiola erakutsi nahiko du, baina ez da euripean jarriko. Gezurtien keak arrazoiaren lainoak ezkutatuko ditu, kea haizeak eramango du eta lainoak ere bai, baina hauek itzuli egingo dira.