Zenbat buru, hainbat aburu : bota bertsue

Politikoak asto hilean

German Zelaia

Zein konpasetan egin
behar dugun dantza
momentuan badaukat
nahikoa zalantza
zauri berean gera
liteke arantza
mezu faltsuak eta
astoan arrantza
horrela joango da
aurtengo maiatza.

Mitin aspergarriak
ta hainbeste endredo
horregatik jartzen naiz
astoan bezero
naturaren legean
jartzen dira bero
eta astakume bat
litekeena gero
bestengandikan eztet
hainbeste espero.