Bitxikeriak

Jostun ofizioan Inazio Urrestillak daramatzen ia 44 urtetan hainbat pasadizo gertatu zaizkio, gehienak dendan. Ondorengo hau bezalakoa: “Behin emakume bat anaiarentzat alkandora bat behar zuela esanez agertu zen eta aukeratu ezinean gelditu zen; lasai etxera eramateko esan nion, eta bost alkandora hartu zituen. Bueltan anaia bost alkandorekin gelditzen zela (!) esanez etorri zen. Ohitura dugu generoa etxera eramaten uztekoa, baina ez da beti erantzun bera jasotzen”. Beste behin, emakume batek, larunbat batean, senarrari erakusteko bi alkandora eraman zituela dio Inaziok “eta biak astelehenean bueltatu zituen, ez zitzaizkiola gustatu esanez. Neuk ikusi nion soinean senarrari igandean beraietako bat… Dendarik ireki ez banu hobe larunbat hartan!”.