Zorionak udalari: azkenean kiroldegiko buzoian jarri du kartel txikia euskaraz ere! Dozena bat urtean hor egon da Buzón de sugerencias. Orain goian du Erreklamazioetako gutunontzia. Normala da horrenbeste denboran buzoian erdarazko kartela soilik egotea: zaila zen ikustea ere, eta, beraz, zaila horretaz ohartzea, eta ohartuta ere denbora behar da beste paper bat aurkitzeko, eta denbora euskaraz kartela egiteko, eta gero kokatzeko… Beste dozena bat urtera erdarazkoa kentzen badute, ondo.

Eta zorionak euskaltzaleei, urteetan behin eta berriro bete dutelako buzoia gutunez, kartela euskaraz jarri behar zela exijituz…

Sinatzailea: euskarak bere lekua izateko udalak eta euskalgintzak elkarlanean jardun beharko luketela irizten dion euskarazalea.

uztarria.com: Uztarria Komunikazio Taldea
Perez Arregi 1 behea 20730 Azpeitia
Harremanetarako: formularioa, e-posta: uztarria[a bildua]uztarria.com telefonoa: 943150358
Babesleak: Azpeitiko Udala, Gipuzkoako Foru Aldundia eta Eusko Jaurlaritza (Kultura)
Sareko Argia 2005 - Estatistikak

Uztarriak ez du bere gain hartzen webgunean adierazitako esanen eta iritzien erantzukizunik
Parte hartzeko arauak