|
|
|
Merkataritza
Azpeitia, herri gozozalea
Inazio Egañaren esanetan, Azpeitiko herria gozozalea da. “Herri gehienak hala dira, baina, nire esperientziagatik, gure herria ere hala dela esango nuke”. Nahiz eta horrela izan, pastel eta opil kontuetan “nahiko tradizionala, klasikoa” omen da Azpeitiko jendea. Gauza berri bat egiten dutenean, jendeak galdetu egiten du zerekin dagoen egina. Behin jakiten dutenean, eta zerbait desberdina badu, ez omen dira ausartzen probatzera, “hurrengo batean emango dut” esaten omen dute askotan. Egaña gozotegiko espezialitatea *Inazioak* izanik, jende gehienak horiek erosten ditu. Hala ere, *Inazioez* gain, txokolatezko tartak, pastak eta abar egiten dituzte gozotegian, “pixka bat denetik”, dio. “Inazioekin batera, une hauetan arrakasta gehien dutenak *petit suisse* izeneko pastel txiki horiek dira”.
|
Hemen zaude:
Azpeitiko ataiye »
Aldizkaria »
2002 »
Abendua »
Mende gozo bat »
Azpeitia, herri gozozalea
ALDIZKARIA