Klik! Herri Kirolak

Garai bateko Azpeitiar herri kirolariak

Argazkiak: Kutxa Fototeka

HERRI KIROLAK. Kutxa Fototekak azpeitiar herri kirolarien argazkiak ere gordeak ditu; ondorengoak dira. 1940. eta 1960. hamarkadakoak dira denak, herri kirolak plazak betetzen zituen garaietakoak. Azpeitian ere hala gertatzen zen; zezen-plaza bete-bete egoten zelako aizkolariak edota harri-jasotzaileak ikusteko. KIROLARIAK. Herri kirolean aritu zen azpeitiar ugari izan zen 1940. hamarkaditik 1960. hamarkada artean. Gutxi batzuk agertzen dira argazkiotan: Agerre II.a, Errekartetxo, Aizpuru aizkolariak eta Arria I.a. Baina ugari izan ziren: Agieta, Urreta, Arria II.a, Keixeta, Atxumarriya, Belaetxe, Agerre I.a eta abar.

Arri I.a..  Ignacio Orbegozo Juaristi Arri I.a aizkolari azpeitiarra, bere emazte eta semeekin, Mendiolatza-Aundi baserriaren aurrealdean (1940ko hamarkada).

Aizpurutarrak.  Aizpuru aizkolariak, lehengusuak biak, urrestildarrak (1940ko hamarkada).

Errekartetxo..  Azpeitiko Santos Iriarte Errekartetxo harri-jasotzailea. Albizuri-Aundi harri ospetsua jasotzen (1947. urtea).

Agerre II.a..  Jose Antonio Lopetegi Aranguren Agerre II.a harri-jasotzaile azpeitiarra besoetan bi haur dituela, Asteasun (1960. hamarkada).

Errekartetxo eta Damasa.  Santos Iriarte Errekartetxo harri-jasotzaile azpeitiarra eta Damasa indartsua, Eibarren (1947. urtea).