Mixelen ezagunak

Nerea Uranga

Bixente Agirre

Angel Alberdi

NIKOLAS SEGUROLA (artzain eskolako tutorea)

“Mixelek artzainen elkartea eta artzain gazta elkartearen sorreran aholkulari jardun zuen. Izugarrizko lana egin du Mixelek Hegoaldean, bai gaztaren alde eta baita ardi latxaren alde ere. Mixelek Hegoaldeko artzainei denbora gutxian gauza asko erakutsi zizkigun”.

BIXENTE AGIRRE (Premietxeberri baserrikoa)

“Batik bat, gaztagintzan lagundu izan digu Mixelek. Gure etxean gaztagintzako ikastaro bat eman zuen hark. Ardi munduan lagundu zigun, baita behien kontuan ere. Aurrenekoz Iparraldera Mixelekin joan ginen, hango behi ganadutegiak-eta ezagutzera. Han bertan duten gaztandegia, Lurberri —kooperatiba da— ezagutzeko aukera izan genuen”.

ANGEL ALBERDI (Arauntza baserrikoa)

“Artzain kontuan guri zerbait erakustera etorri zen. Hemen, gaztagintzan erakusten jardun zuen, jendea martxan jarri zuen, kontabilitatea-eta artzainek eman genezakeela erakutsi zigun. Denbora dezente pasatu zuen Mixel Lekuonak gure artean erakusten. Iparraldeko artzainen elkarteko bileretan datuak jasotzen zituen eta hona ekartzen zizkigun, Iparraldekoak beti Hegoaldekoon aurretik ibili baitira gaztagintzan”.