Elkarrizketa

Profesionaletarako bidea

Girino lasterketan erakutsi duen maila dela eta, Italiako hainbat taldek Joseba Albizurekiko interesa azaldu dute; besteak beste, Saecok, Alexiak eta De Nardi-Pasta Montegrappak. Baina Josebak ez du ezer erabaki. “Ez dut inorekin hitz egin. Pixka bat aurrerago erabakiko dut zer egin”. Profesionaletarako jauzia guztiek buruan duten ametsa da. Josebak amets hori gero eta gertuago ikusten du. “Azken urteetan urruti samar ikusi izan dut, baina orain bigarren postua dela eta, ametsa egia bihur daitekeela uste dut”. Italian afizionatu mailako hmazazpi talde daude, eta, beraz, “errazagoa da profesionaletara pasatzea”.