Ekitaldiak. Herrian hainbat eta hainbat ekitaldi antolatzen dira, baina horrek aurretik lana eskatzen du: bilerak, propaganda... Horrek gaz-te gunearen beharra biderkatu egiten du.

Komunikazioa. Azpeitian gazteon artean koadrillismo handia dago, eta komunikazioa oso mugatua da. Gazteon elkar ezagutza bultzatu nahi dugu; horretarako, denok elkartuko gaituen guneak abantaila asko eskain liezaizkiguke.

Herria bizirik. Herria bizirik nahi baldin bada, ezinbestekoa da gazteria bizia. Gazteok gure aisia antolatu, gauzak sortu eta ikasteko, ezinbestekoa dugu gure kabuz bizitzen ikastea.

GAZTE GUNEAREN IZAERA

Irekia. Zentzu guztietan irekia behar du izan. Gazte ororentzat, edota gazteon arazoen inguruan lan egin nahi duen ororentzat irekia, hain zuen.

Zabala. Funtzionamendua definitzerakoan, herriko gazte denek bere iritzia adierazteko eta garatzeko aukera izango dute.

Autogestioa. Gazteon interes eta sentsibilitate ezberdinak indartu behar dira, autogestiorako baliabideak eskaini.

GAZTE GUNEAREN ANTOLAKETA

Barne egituraketa. Ekintza ezberdinak egiteko gunea izango da. Hala, bilera gelak, almazen bat, eskulanetarako gela... izango ditu.

Funtzionamendua. Taldeetako eta koadriletako ordezkariek osatuko dute batzar irekia. Haien ordezkari moduan, talde eragilea sarriago bilduko da, eta koordinazio lana egingo du. Talde eragile horrek eramango luke aurrera asteroko dinamika.

ESKAERA ZEHATZAK

Gazteei. Eskariarekiko orain arteko atxikimendua, eta inplikazioa.

Udalari. Gazteekin gazte lokalaren proiektua adosteko bilerak martxan jartzeko eskaera.

uztarria.com: Uztarria Komunikazio Taldea
Perez Arregi 1 behea 20730 Azpeitia
Harremanetarako: formularioa, e-posta: uztarria[a bildua]uztarria.com telefonoa: 943150358
Babesleak: Azpeitiko Udala, Gipuzkoako Foru Aldundia eta Eusko Jaurlaritza (Kultura)
Sareko Argia 2005 - Estatistikak

Uztarriak ez du bere gain hartzen webgunean adierazitako esanen eta iritzien erantzukizunik
Parte hartzeko arauak