2001eko ekainaz geroztik, ia urtebetean, ohiko udalbatza bakarra egin da Azpeitiko udaletxean. Hilero-hilero egin izan dira udalbatzak, baina ia denak ezohikoak. Ezohikoak egin diren batzuetan eguerdian egin dira, eta ez, bestela bezala, iluntzetan. Batasuneko udal ordezkariek Jose Maria Bastida alkateari kritika egin diote azkenaldiko udalbatzen dinamikarekin ados ez daudelako. "Ezohiko batzarretan ezin da gai desberdinez hitz egin eta eztabaidatu, bertan esandako iritziak ez baitira gero aktan jasotzen. Kontu honetan, legeak dioenez, hiru hilabetean behin ohiko udalbatza bat egin beharra dago. Gero batzuk nahi duten interpretazioa eman nahi diote lege honi". Dena den, alkateak Batasunekoei esan die, hauek diotenez, maiatzean ohiko batzar baterako deia egingo duela.

uztarria.com: Uztarria Komunikazio Taldea
Perez Arregi 1 behea 20730 Azpeitia
Harremanetarako: formularioa, e-posta: uztarria[a bildua]uztarria.com telefonoa: 943150358
Babesleak: Azpeitiko Udala, Gipuzkoako Foru Aldundia eta Eusko Jaurlaritza (Kultura)
Sareko Argia 2005 - Estatistikak

Uztarriak ez du bere gain hartzen webgunean adierazitako esanen eta iritzien erantzukizunik
Parte hartzeko arauak