Zenbat buru, hainbat aburu : bota bertsue

Nuarbe

Ruben Gorrotxategi

Kirol honetan pasatzearren

zuek hogeitabost urte,

nik zorionak eman nahi ditut sufrimendu denen truke.

Sokatira hori dala ta ez dala

begira zenbat bertute:

lehen ezezagun gendun auzoa

ezagun egin dezute.

Hainbeste aldiz jarri dezute

buru gainean txapela,

sufrimendua zen zutabea

ezin zitekeen bestela.

Ilusioa badaukazute

ta ez gainera txepela

beraz, aurrera segi zazute

orain artean bezela.