Hantxe bertan : Alberto Bereziartua (Sukaldaye Ameriketako Estatu Batuetan)

“Pete Cenarrusak beak sartu natxikan Ameriketan”

Enekoitz Esnaola

Badie iye 11 urte Alberto Bereziartua Boisea jun zala bizitzea. Baño ez du Azpeitiye ahaztu, ta bi urtien behin etortzen da; azkena Gabonetan —ordun eon ginen harekin—. Sukaldai dabil han.

Alberto Bereziartua.  (Enekoitz Esnaola)

Nolatan jun hitzean Boisea?

Andrie bertakue dalako. 11 urte ja. Suertie euki nian, ordie, sartzeko.

Ze ba?

Pete Cenarrusa Idahoko estadu idazkayek beak —euskaldun odola zaukek— sartu natxikan. Españiko enbajadan bi urteko bisaue eskaute naukean han sartzeko, ta “hi, kamarero alu bat, bi urteako Ameriketa, diruik gabe ta ezer gabe?’ esan ta ez zikaben eman bisaue. Andriei harea hotsein nitxoan, ez zibela uzten sartzen, ta andriek Pete honi hotsein ziyoan, ezagunek dielako; Cenarrusak enbajada hotsein zian, ta uzteko nei sartzen. Holaxe sartu nitxian Ameriketan.

Inglesakin ze mouz...

Ondo. Hala’re, andriekin euskeraz hitz eiten diat; attitte ta amana bizkaitarrak zitxian, ta etxien euskeraz ein izen dik.

Zerekin txokau hitzean geyen Boisen?

Euskaldunok kalien bizi geala ta hayek etxien. Inbiri haundiye’re baziok.

Euskaldun asko al dao?

Oin bajatzen ai dek, baño Euskal Etxie baziok, ikastolie’re bai bost urte artekue. Hala’re ez dek lan politikue eiten.

Heuk ze lanbide daukek?

Aurreneko zazpi urtien koñeduekin Ger-nika tabernan, ta azkeneko hirun sukaldai, koñetan euskaldun jatetxien; babagorriyek, txipiroiek… danetik preparatzen ditxiau. Gure amai beitutekuatik zakiat nik sukaldien.

Bestela, ze eiten dek?

Bizikletie, paletan ibiltzen nauk, Boiseko futbol ligan parte hartzen diat, beisbolien’e ibiltzen nauk, golfien astero...

Honea etorri ta ze eiten dek Boisen eiten ez dekena?

Lagun giruez gozau, afayetan-da.

New Yorkeko atentatue ta geo ze giro?

Jendie la letxe dek: patriotikue! Bushek zer esan, danak onartzen diabe. Bestela iñok ez dik politikan pentsatzen.

HANGO JENDIE. "Boisea alleau ta batek esan zikan:'Amerikanue puntapaxa sartzen munduko onena dek, baño geo esayok puntapax bea ateatzeko ta ez dik asmauko'"

• Boisei begiratue Enekoitz Esnaola