Inkestie

Helduen danborradan talde gehiago ateratzeko aukera emango al zenuke?

Ivan Aldehuelo.

Iban Izagirre.

Ivan Aldehuelo (ikaslea)

“Ados nago helduen danborradan talde gehiago sartzearekin. Tokiaren arazoa konpontzeko nire proposamena danborzaleak eta taldeak estuago jartzea da. Bestela, ikuslegoarentzako tokia murriztuko nuke eta, horrela, jende gehiagok hartuko luke parte danborradan”.

Iban Izagirre (ikaslea)

“Nik danborradan nahi duten talde guztiei irtetzeko aukera emango nieke. Tokiaren arazoa dagoela-eta danborradan irteteko aukerarik gabe ez nituzke utziko. Plazan ez badira talde danak sartzen kioskoa botatzea proposatuko nuke eta horrela leku gehiago izango da danborradarako”.

Patxi Zubeldia (dendaria)

“Ados nago taldeak gehitzearekin tokia baldin badago. Orain toki gehiago egitearen arazo horri irtenbidea ematea oso zaila iruditzen zait”.

Maite Santos (ikaslea)

“Bai, ados nago talde gehiago ateratzearekin helduen danborradan. Tokiaren kontuaren irtenbidea, taldeak kaleetan banatzea dela uste dut. Urte batean batzuek Plaza Nagusian danborra joz eta beste batean besteek. Taldeak txandatuz, alegia”.

Manoli Uranga (langilea)

“Printzipioz, taldeak gehitzearekin ados nago. Bi edo hiru txandatan taldeak banatu, batzuk parroki aurrean eta besteak Plazan joz; lekuaren arazoa horrela konponduko nuke”.

Joxe Manuel Iriarte (dendaria)

“Talde gehiago ateratzea ondo legoke. Talde gehiago sartzeko taldeak kaleetan banatu beharko lirateke, hala talde gehiagorentzat lekua egonez. Badaude irten nahi duten taldeak eta leku faltagatik ez direnak ateratzen”.