Gutunak

Agur Beñat, gorantziyek Joxe Takoloi

Aitor Unanue

Mendiyen ikusiko ziñetela esaten huan Takoloi bidaliteko bertsuen, ez haiz gaizki ibili ez mundu hontan, eta ezebilean gaizki ordun ere. Ba ikusten zeatenien emaiok besarkada bero bat gure partetik ere, etzeate ez gaizki moldauko biyok eta. Gu hemen motel, buruik altxa ezinda, hire irrifarrea burutik kendu ezinda. Omenaldirik onena egin nahirik, bazekiau zorretan geldiuko geala baino. Asko zeok eskertzeko, hire lana ez dek eta ahuntzaren gauerdiko eztula izan herri honentzat. Gogoratzen al haiz zenbat putre korbatadun eta korbatagabeak ibili huan Takolok utzi zian gorpuaren inguruan. Euren protagonismorako eta exibiziorako gosea asekaitza dek. Ez ditek bihotzik, ez familiakoen aurrean, ez eta lagunen aurrean ere. Oraingoan ere berdin zebiltzak karroñeroak, lotsa gutxirekin eta gose berarekin, ez ditek bihotzik ez. Hor gabiltzak zuen gorpuen ondotik izutu ezinik. Badakik Beñat, gorantziyek Joxei.