Laburrak

Sahatsako historia eta jantziak ikusgai izan dira

Sahatsa dantza taldeak, bere 25. urteurreneko ospakizunen barruan, irailaren 22tik 30era, erakusketa bikoitz bat antolatu zuen Betharram ikastetxe azpian. Erakusketa ikusgarria izan zen, bertan Iraultza dantza taldearen eskutik jantzien erakusketa izan zen ikusgai, garai eta Euskal Herriko toki desberdinetakoak. Bestalde, Sahatsaren 25 urteotako kontuak eta dantzariak argazkitan azalduta ageri ziren erakusketan, argazki handiak eta ikusgarriekin bilakaera azalduz, baita Euskal Herritik kanpo izan diren lekuetako oroigarri multzoa ere, urteotan dantza taldeak herrian eta hemendik kanpo egindako lanaren erakusle.