Udaletxeko gauzak

Hiru su-etxe, tradizioa Azpeitian

Urtero-urtero, azpeitiar asko eta asko egoten dira Saninaziyuetako su-festak ikusteko desiatzen. Hiru estilo ezberdinen adierazgarri eta herriko festen aspaldiko lagunak diren hiru su-etxe izango dira aurtengo Saninaziyuetan: Astondoa piroteknia edo euskal su-etxea, Pirotecnia Zaragozana eta Zamorana Caballer. Ohi bezala, Saninaziyo bezperan, egunean eta Saninaziyo bigarrengoz eskainiko dituzte suzko erroberak; Azpeitiko zerua kolorez eta dotoretasunez beteko dute hamaika ikusleren gozamenerako. Azkeneko urteetan egin izan den bezala, suak Loiola Hotelaren inguruko guneetatik botako dira aurten ere.