Zu zeu! : Joxemai Arruti

“Asko gustatze zatek ganaue, ta baita perratzie eo sendatzie re”

Aitor Arruti - Josu Azpillaga

Erreustako Joxemai Urrustilko perratzaile, osagile ta erremintaiye da.Etxeko erreminteiyen, suteiyen,harrapau deu lanien. Badao han ze ikusiye. Ez du señale abuztuen hiruroei ta hamabi urte beteko itunik!

Sutei honek museue emateu, Joxemai!

Bai. Erreminta asko zeok hemen. Lehenguek bazekiaben gauzak ondo eiten geo! Ondo eindakuek asko irauteik.

Eztie holako hauspo asko eongo hemen inguruen, ezta?

Gipuzku osuen bi bakarrik. Bat Toribio Etxeberriak gordetakue, ta bestie hauxe. Erosiko lukebenak e etorri izen dituk, baño ... Ikusten uzten zoabet, baño etziok saltzeko.

Noiztik zabiltz lan hauetan?

Jesuss! Hemen gerra santu hue re etorri huan. Ordun, eskolie laga, ta hamar-hamaike urtekin lanien hasi nitxian aitte zanakin.

Ta harekin ikixiko zendun ofiziyue.

Bai ba, pixkanaka-pixkanaka. Gañea, lanak beak eakusteik geiyena.

Geoztik zeure kasa jardun al dezu?

Bueno, geo hoetabat urte neuzkela aitte zana hil huan, ta eun erdiz Roman Ucin-en tailerrien hasi nitxian, atsaldez. Beherko: ordun gosetie huan geo!

Gerra ondorena re etzan xamurre izengo, ezta?

Ogirik e ez. Dana razionaute zaoan. Ganbarie bete arto euki, ta talue eiteko lain e ehotzeik ez! Errota danak itxite zaudean. Ixkutuen ibili beher bestela: harrapau ezkeo, hure kendu, ta, gañea, multie! Gero, errota txiki batzuk aileau ituan etxieta, ta haiyekintxe, poliki-poliki. Oin patata beltza txarra omen dek. Ez, ez: patataik eza dek beltza ta txarra!

Lanien, berriz, hemen inguruko baserri mordue pasauko zendun.

Pillue! Zumaiyen, Elosu-Bergaran, Errezilen, ta hemen inguruen danien: Urrustil, Nuarbe, Matximenta, Azpeiti, ...

Nola juten ziñen baserriyeta?

Oin bai earki kotxien, telefonoz hitz einda! Lehen berriz, oinez, bizikletan, ta al zan moun.

Ta ganaue perratzen jarduten dezunez, asko aldau al da?

Bai. Lehengue gozuoue huan, otzanoue. Oingo nahasi hau, berriz, lautik hiru eoskorra ta peligrosue. Kontuz gerturau hoiyena! Hoiyek, oin urte gutxi, lau pertsona garbiu zitxiaben hankapien.

Nola eitezu erremintai lana?

Jendiek suteire ekartze ziztek erremintak arreglatzeko, lehen eta oiñ. Aixkorak, segak, goldiek, ta holakuek. Zailena lau-hortza dek, hortz bat zuzentzeko, bestiek enbarazu eite diabeta.