Iritzia

Txangurroak hegan eta behiak ibaian

Fernando Morillo (Idazlea)

Azpeitiarrei derrepentean antzematen zaizue nongoak zareten». Soziologo batek esan zigun. Oso erraza omen da, zioenez, edonon, azpeitiarrak zein diren asmatzea. «Tipo jatorrak, hori bai. Tipo sanoak», jarraitu zuen. «Baina basatiak esango ez banu ere, normala den baino pixka bat astapotroagoak bai, bazarete. Zentzu onean, e? Eta pixka bat burutik eginda zaudete. Bitxiak».

Guk kontra egin genion, erdi-txantxetan. Soziologoa barrez hasi zen: «Bai, bai. Adierazgarria iruditzen zait, inguruetako lehen behi ero ofiziala Azpeitian azaltzea».

Behi eroen inguruko zurrumurru gehiago aipatu zizkiotenean, barrez lehertu zen. «Ona, ona», hasi zen. «Azpeitia herri xelebrea da benetan. Lehendik uste nuen baino gehiago. Ikusten? Ez al nuen arrazoi?: txangurroek hegan egiten dute eta behiek, berriz, ibaian igeri.» Zer erantzun behar genion?