Basarte : Kronologia

Bi urte luze ika-mikan

1999ko APIRILA

Oñeder S.A. enpresak Azpeitiko Udaletxean Basarteko Industrigunean altzairutegiko hautsak tratatzeko iharduera baimena eskatu zuen.

1999ko APIRIL

Santa Kutz-Basarte baserritarren elkartea sortu zen, Oñeder S.A.k Basarte Industrialdean enpresa kokatzeko lizentzia eskatu zuenean.

1999ko IRAILA

Eusko Jaurlaritzak Basarten Oñeder S.A.k martxan jarri nahi zuen jarduerari buruz informazio gehiago eskatu zuen, kaltegarri eta arriskutsu bezala sailkatuta dagoela-eta.

1999ko AZAROA

Oñeder S.A.k baimen jarduera, aldatu egin zuen. Kasu honetan, 300 Tona altzairutegietako hautsen proba industrialerako baimena eskatuz.

2000ko OTSAILA

Eusko Jaurlaritzako Osasun Sailak 300 Tonako baimen industrialaren txostena eman zion Oñeder S.A.k eskatutako proba industrialari. Ordea, oraindik Azpeitiko udaleko udalbatzan onartu gabe zegoen jarduera baimentzea, Eusko Jaurlaritzako ingurugiro txostenaren faltan.

2000ko OTSAILA

Azpeitiko eta Azkoitiko udaletako EHko zinegotzi taldeek Basarteko industrigunean Oñeder S.A.ri baimena ematearen aurka agertu ziren.

2000ko OTSAILA

Azpeitiko Eusko Alkartasuna Oñeder S.A.k Basarten jarri nahi zuen jardueraren aurka agertu zen.

2000ko MARTXOA

Santa Kutz-Basarte baserritarren elkarteak Oñeder S.A.k Basarten zuen enpresa martxan ari zela nabarmendu eta Azpeitiko Udalari eman zion jardueraren berri, eta auzitegian ere parte eman zuen. Epaileak Ertzaintzari laginak jasotzeko agindua eman zion..

2000ko URRIA

Espainiako Institutu Toxikologikoak, baserritarren aginduz, Basarteko Oñeder S.A. ren enpresan hartutako laginak aztertu eta kadmioa neurriz kanpo zutela (kantzerra eragiten duen elementua) zehaztu zuen.

2001ko APIRILA

Oñeder S.A.k Uztarriari esan dio Basarten jarduera jartzea jada «historia dela».