Udaltalde 21 : Aurtengo urratsak

Lantaldeak eta foroak

Izaskun Zeziaga Udaltalde 21 egitasmoko teknikariak azaldu bezala, Agenda 21 ezartzeko, aurten honako urratsak emateko asmoa dago:

AALBORG-EKO GUTUNA

Ingurumen filosofia onartu.Azpeitian 2000ko maiatzaren 31n sinatu zen.

INGURUMEN KOMISIOAK ETA FOROA

Egitura bat eratu, eta uneotan horretan ari dira bi udalak. Udaletan lan taldeak bilduko dira, eta herritarrez osatutako Ingurumen Foroa osatu nahi da.

DIAGNOSIA

Udalerriaren egoeraren ezagutza. Horretan, aholkularien laguntza jasoko dute udalek. Diagnosia maiatza edo ekainerako eginda izango da, eta orduan hasiko dira martxan lantaldeak eta foroa.

LEHENTASUNAK

Diagnosiaren emaitzen arabera, helburuak definitu eta lehentasunak finkatu.

PLANIFIKAZIOA

Ekintza plana definitu.

EZARPENA

Ekintza Planaren abiaraztea eta emaitzen ebaluaketa jarraia. Helburuak bete diren begiratu beharko da.