Elkarrizketa : Joxe Mari Aranbarri

Grebak metal arloan

Gipuzkoa, Araba eta Bizkaiko negoziazio kolektiboan ez dira ados jarri ELA, LAB eta ESK sindikatuak eta patronala. Ondorioz, greba deialdiak egin dituzte otsailaren 2, 8 eta 9rako hiru sindikatuek. Joxe Mari Aranbarriren arabera, egoera argia da: «Patronala ez bada mugitzen, konfliktibitatea areagotu egingo da; gainera, hor eskatzen duguna ez da kolpera 35 orduak ezartzea». Konbenioan sindikatuek eskatzen dutena zera da: enpresen politika 35 orduen bidean jartzea —urtean 40 lanordu murriztea—, eta soldatak KPI gainetik bi puntu igotzea.

Egoerak, jakina, eragina izango du Azpeitian bertan ere. «Azken finean, konbenio probintziala erreferente moduan bihurtzen da, nahiz eta enpresa bakoitzean hitzarmenak egiten dituzten», dio Aranbarrik.