Udala

Zinema haur eta helduentzat gabonetan

Udala

Gabonetako oporraldiekin batera hasten da, Azpeitiko Udalak eta Zineklubak haur eta helduentzako Soreasu aretoan antolatzen duten zine zikloa. Haurren emanaldiak arratsaldeko 17:00 izango dira eta 100 pezetako salneurri sinbolikoa izango dute. Helduen emanaldiak aldiz, gaueko 21:00etan izango dira eta 400 pezeta ordaindu beharko dira emanaldi bakoitzean. Urte dezente igaro dira jada, gabonetako zine emanaldiak hasi zirenetik. Zentzu honetan, Azpeitiko Udalaren asmoa alde batetik, haur nahiz gaztetxoen aisialdia kultur ekitaldiekin betetzea da; bestetik, azken urteetan batipat, haurrentzat zuzenduriko zinemaren beherakada ikusirik, Azpeitian, haurrei zuzendutako zinema indartzea nahi izan da.

Helduentzako zinemari dagokionez, Zineklub zaleak, gabonetan ia egunero filmeren bat ikusi ahal izango dute. Gabonetan ere, zirkuito komertzialetik at dauden kalitatezko filmeak ikusteko aukera izango dute Soreasu aretora gerturatzen direnek .