Gutunak

Nekane Larrañaga eta adierazpen askatasuna

Eneko Ibarguren eta Iñaki Azkue (Azpeitiko Gazte Mugimenduaren izenean)

Gaztetxeko okupazioaren inguruko balorazioa egiteko eman genuen prentsaurrekoan Kaito telebista falta zen. Nekane Larrañaga Azpeitiko EA-ko zinegotziak ezarritako debekuaren ondorioz, udalaren mezua kuestionatzen duten mezuak ez zabaltzeko agindua jaso du orain gutxi Kaito Telebistak.

Azpeitiko gazte mugimenduak jasan behar izan duen zentsura sozial honen aurrean zenbait galdera plazaratu nahi genituzke:

• Adierzapen askatasunaren alde al dago Nekane?
• Zer da Nekanerentzat adierazpen askatasuna?
• Zer esango dugunaren beldur da Nekane?
• Zergatik geratu da bera ixilik azken gertakarien aurrean? Eta zergatik ixildu nahi izan gaitu besteok?
• Gu lokaletik bidalita eta gure ahotsa ixilduta arazoa konponduko dela uste al du/dute?