Kirola : Txirrinduzaleen artean Quebrantahuesos moduan ezagutzen da

57 azpeitiarrek bukatu zuten Sabiñanigoko proba

Josu Azpillaga

200 kilometrotik gorakoa da Sabiñanigoko txirrindu proba. Azpeitiko ziklista ugarik parte hartzen du. Aurten ere gogor ibili dira azpeitiarrak Sabiñanigon.

Iagoba Iturzaeta, Sabiñanigon azpeitiarren artean lehena..

Axkiola, proban. Pantani dirudi..

Ekaina iritsi aurreko hilabeteetan ohi baino txirrinduzale gehiago somatu da Azpeiti inguruko errepideetan. Ohi baino bizkor eta serioago entrenatzen, gainera. Arrazoia nahikoa ezaguna da honez gero: txiirinduzaleen artean Quebrantahuesos bezala ezaguna den eta Huescako Sabiñanigo herrian ospatzen den proba, hain zuzen ere. Aurtengo edizioa ekainaren 17an izan zen.

Profesionalak izutzeko moduko gogortasuna

Berrehun kilometrotik gorako proba da Sabiñanigokoa, eta ibilbidean Piriniotako lau mendate gogor igaro behar izaten dituzte. Azken aurreko Portalet 29 kilometro luze da, eta Marie Blanque famatuak berriz %15 inguruko desnibelak ditu bere azken 4 kilometroetan. Baina ibilbidearen luzera eta gogortasuna gutxitxo nonbait, eta gehientsuenak erlojuari begira ematen dituzte pedalkadak.

Azpeititik zenbat joan diren jakiterik izan ez badugu ere, Edelweiss talde antolatzaileko partaide batek bukatu zutenen zerrenda eman dio UZTARRIAri: guztira 57 azpeitiarrek bukatu zuten; denera 4468 lagunek bukatu zuten Sabiñanigoko txirrindulari proba gogor eta exijentea.

• Azpeitiarren sailkapenak