KMK´00 kantua : Xebaxtian Lizaso (Bertsolaria)

«KMk ikastolaren festa dela azpimarratu nahi izan dut»

Xebaxtian Lizaso bertsolaria eta Ikasberri ikastolako gurasoak egin ditu aurtengo kilometroetako kantuaren hitzak. Gero musika jarri zaie letrei.

**Zertan oinarritu zara KMK’00 ko kantuaren hitzak egiteko?**

Nik, letra hauek egiterakoan, Kilometro-ak ikastolaren festa dela azpimarratu nahi izan dut. Oraina eta geroa aipatzean ikastolaren filosofia azaldu nahi izan dut. Ikastola, euskara eta herria lotu nahi izan ditut. Gero, baita ere, aurtengo kilometroen kokalekua azaldu dut, eta horretarako Urola bailara aipatu dut.

Aurreneko aldia al duzu kantu baterako letra idazten duzuna edo sarritan idazten dituzu?

Bertsolariek eta trikitilariek askotan kantatu izan dute elkarrekin; trikitilariekin-eta ibilia naiz. Baina normalean alderantziz egin ohi da, lehenengo musika jartzen da, eta gero hitzak.

Ze iruditu zaizu azken emaitza?

Kantua polita gelditu da. Bertsioen artean, KMk-kin gehien identifikatzen zena hau zela-eta bertsio hau aukeratu zen.