KMK´00 kantua

Hitzak

Umeak grabazio gelan.

Hau da ikastolaren

festa nagusia,

ospatu gozatuaz

behar den guzia.

Kilometroak bi mila

jai bat biribila.

hau da garaia goazen

etorkizun bila.

Urola bihotzean

Urola ertzean

euskara mingainean

eta bihotzean.

Hau da ikastolaren...

Biharko helburuak

nahi ditugu jarri,

ikaslea helburu,

herria oinarri.

Etsi gabe lanean

jarraitu laguna

egusenti ondoren

baitator eguna.

Hau da ikastolaren...

Herri honen eguna

argitzen denean

argi egin dezala

denon barrenean.

Euskalduntze bidetik

ekin eta jarrai,

oraina geurea da

geroa ere bai.

Hau da ikastolaren

festa nagusia,

ospatu gozatuaz

ahal den guzia.