Mallas Ucin

Bi eskaintza nagusiak eta akordioa

Langileen hasierako plataforma

Horratx langileek greba hasieran eginiko eskaeretako nagusienak:

Esparrua: Langile guztiei eragingo die akordioak.

Iraupena: 2000ko urtarrilaren 1etik abenduaren 31ra.

Soldata: 2000ko soldata, 1999ko Kontsumo Prezio Indizearen balioa gehi 30.000 pezeta igoko da hileko.

Bajak: Soldataren %100 ordainduko da.

1. astean zuzendaritzak eginiko eskaintza

   Zuzendaritzak ez zuen grebaren hirugarren astea arte erantzun; proposamen nagusienak dira hauak:

Esparrua: Langile guztiei eragingo die, banakako hitzarmenak dituztenei izan ezik.

Iraupena: 2000ko urtarrilaren 1etik abenduaren 31ra.

Soldata: 1999ko KPI eta 22.000 pezetako igoera.

Baldintza: Eskaintza, greba uztearen baldintzapean.

Langileek eta enpresak adostutakoa

Hauxe da bi parteek adostutako akordioa, 25 eguneko greba eta gero:

Esparrua: Langile guztiei eragingo die, baldintza ekonomiko banakakoak dituzten eta enpresa-hitzarmenean adostutakoa baino gehiago irabazten dutenei izan ezik.

Iraupena: Urtebetekoa; 2000ko urtarrilaren 1etik abenduaren 31a artekoa.

Soldata igoera: %2,9ko igoeraz gain, hileko 22.000 pezetako igoera 14 saritan, eta beste 12 saritan hileko 9.300 pezetako igoera, baina pizgarritzat ez da joko azken kopuru hori.

Hitzarmen probintziala: Hitzarmen probintzialean biltzen diren eskubideak lotzaileak dira enpresako langile guztientzat; enpresa hitzarmen honek gainditzen dituenak indargabeturik geldituko dira; enpresa hitzarmen honetan biltzen ez dena, berriz, Gipuzkoako Metal Hitzarmenaren arabera arautuko da akordioaren arabera.