Udala : EAJren eta EAren udal programari erantzun dio

EH: «Programa eskasa»

Uztarria

Programa «eskasa eta azken urteetako politikaren jarraipena» da EHren ustez EAJk eta EAk osatutakoa. EHren iritziz, «badirudi EAJk eta EAk ez daukatela lehentasunik». Helburu orokorrak omen dituzte. Euskal Herritarrok da Azpeitiko Udalean oposizioan dagoen alderdi bakarra; sei zinegotzi ditu.

Euskal Herritarrok-ek lehengo urteko udal hauteskundeetara aurkeztutako zerrendakoak.

Abenduaren bukaeran osatu zuten EAJk eta EAk hurrengo lau urteetarako udal programa, eta programa hari erantzun dio orain EHk. «Akordioa guztiz legitimoa da, nahiz eta, gure ustez, ez izan Azpeitiko herriak une honetan behar zuena», esanez hasten du EHk aldizkari honi bidalitako idatzia. «Denbora izango da batzuei eta besteei arrazoia eman edo kenduko diguna». Jarduera-oinarriak eta batzordeetako helburuak aztertu ditu EHk, eta, oro har, «balorazio eskasa» egiten du oposizioko alderdi bakarrak.

• Jarduera-oinarriak eta helburuak aztertuz
• Lehentasun mailan dago koska zenbait arlotan