Urtarrileko aldapa gora pasa berri dugu, danbor-hotsak lagun. Edozein aldapa gora igotzea beti da nekagarria... baina, gerora begira, guztiz ezinbestekoa. Orain zer datorren? Ba, dirudienez, pendiz gehiago. Otsaila, hotz-hila da. Edota otso-hila, berdin du, biak pareko kaltea dakarte eta. Beste pixka batean eusten jarraitu beharko dugu, nonbait. Neguak dirauen bitartean, udaberriaren zain itxarotea baino ez da geratzen. Itxaron bai, baina inoiz ez geldi egonda gero! Hala hotzak nola otsoek bertan akabatuko gintuzkete eta.

Danborren oihartzuna oraindik barruan dugula, hortxe bertan diren ihauterien mozorro-festarako prestatzen joan beharko dugu. Mozorrotik mozorrora, edonola ere. Baina nahitaez gerra-danborrak jo behar izatetik, norberak libreki, nahi duen bezala janztera, badago aldea. Eta aukeran, bigarrena nahiago. Noski.

uztarria.com: Uztarria Komunikazio Taldea
Perez Arregi 1 behea 20730 Azpeitia
Harremanetarako: formularioa, e-posta: uztarria[a bildua]uztarria.com telefonoa: 943150358
Babesleak: Azpeitiko Udala, Gipuzkoako Foru Aldundia eta Eusko Jaurlaritza (Kultura)
Sareko Argia 2005 - Estatistikak

Uztarriak ez du bere gain hartzen webgunean adierazitako esanen eta iritzien erantzukizunik
Parte hartzeko arauak