Azpeitiarroi, azkenean, herri aldizkari honen bitartez etorri zaigu geure kezka, pasadizu kexa, esker on eta abar zuzenean herriaren aurrean azaltzeko aukera.

Oso aukera ona delakoan nago, eta denoi gonbitea luzatzen dizuet bertan parte hartzeko.

Eta helburu hori bete nahian, dagokionari, alde batetik, proposamen batekin hasiko naiz: Olatzko Amaren Plazan erdi-erdian dagoen lore-ontzi-eserleku borobil horretan (lorak zenbat irauten duten ikusiz), ez al litzateke hobe izango zuhaitz txikiren bat edo batzuk landatzea? Bai itxura aldetik, baita diru aldetik ere askoz aberasgarriagoa izango dela deritzot.

Beste aldetik, eskaera bat: auzo honetan bizi garenok eskertuko genuke gure auzoko argiak beste auzoetakoekin batera piztea, atsekabea ematen baitu herri osoa argiak piztuta dagoela gure auzoa ilun-iluna ikusteak.

uztarria.com: Uztarria Komunikazio Taldea
Perez Arregi 1 behea 20730 Azpeitia
Harremanetarako: formularioa, e-posta: uztarria[a bildua]uztarria.com telefonoa: 943150358
Babesleak: Azpeitiko Udala, Gipuzkoako Foru Aldundia eta Eusko Jaurlaritza (Kultura)
Sareko Argia 2005 - Estatistikak

Uztarriak ez du bere gain hartzen webgunean adierazitako esanen eta iritzien erantzukizunik
Parte hartzeko arauak