Joan Elias. Katalunian jaioa, Azkoitian bizi da

Katalana da Joan Elias, Bartzelona hirikoa. Orain dela bost urte iritsi zen Azkoitira, Pikuneta baserrira. Baserri lanetan dihardu orain. Euskaraz oso ondo egiten du, eta ez du beharko etorkinen liburuxka. Besteentzat baliagarri izango delakoan dago: “Etorkinek laguntza ere behar dute; hasieran beldurra kentzeko eta konfiantza emateko balio dezake, ez baita euskara erraza. Hemengo jendea ari da zerbait egiten etorkinei laguntzeko”.