Graffitiak literatura dira...

ERANTZUNAK

1.  iban - 2005-12-05 | 18:01 Gaur eguerdian agerraldi interesgarria izan da Donostian. Jon Maiaren Riomundo liburua aurkezteko ekitaldia zen. Liburua, entzun dudanez, Euskal Herriaren aldeko borrokan konprometitutako etorkin baten istorioa kontatzen du –Txikiri eskainitakoa da liburua–. Asko izan ziren, jakina denez, gure herriaren aldeko borrokan konprometitutako kanpotarrak. Kanpotar horiek euskaltasunarekin egin zuten, baina ez euskararekin. Egin sortu zenean horixe ikusi zen, eta erdaraz –batez ere– egitea deliberatu zen. Herri proiektua zen, herri erakundeek bultzatutakoa, baina erderaz. Urte batzuk geroago sortu zen Egunkaria, eta, askok –zuek– aurkakoa pentsatu arren, Egin beraren atzean zegoen idearioaren zati handi bat konpartitzen zuen, noski, hizkuntzaren afera kenduta. Denboraren perspektibari esker, zera ikusten da argi: euskarazko egunkari bakarrarentzako dagoela tokia, balizko bigarren proiektu bat hondoratu egingo litzatekeelako, ez litzatekeelako ekonomikoki bideragarri. Euskal Herriak ezaugarri soziologiko jakinak ditu, ez guk nahi genituzkeenak, eta herri hedabideak hori aintzat hartuz sortu dira, sortu badira. Egin eta DVren artean ezberdintasunak ez ikustea, miopea litzateke, gaiztoa ez balitz. Oso gaiztoa. Eginek, Garak bezala, oso irizpide politiko zehatzak eta garbiak ditu, eta, horren arabera, Euskal Herriak zazpi –sei– probintzia ditu, ez hiru, eta ez lau. DVren arabera, berriz, hiru baino ez lituzke. Gararen arabera, Indurain euskal txirrindularia zen, DVrentzako, berriz, espainiar petoa. Berdin, beste kasu guztietan. Gara-rentzako selekzio bakarra Euskal Herrikoa da, eta Espainian aritzen diren euskaldunak ez dira espainiarrak. DVrentzako, bai. Gara-rentzako Egunkaria auzian preso eraman zituztenak, kulturaren aldeko langile finak ziren. DVrentzako, aldiz, gaizkileak, eta odolzaleak. DVren eta Gara-ren aldeko defentsek, beraz, ez daukate ezer ere komunean. Euskararen gabezian antzekotasunak izateak ez du ezer ere esan nahi, baldin eta, antzekotasun hori antzekotasun bakarra bada –eta hala da, onartu ala ez–. Pena ematen duena, zera da, arrazoibide hau etengabe errepikatzen aritu beharra. DV ez da erosi behar, DVk Euskal Herriak suposatzen duen horren aurkako gerra gupidagebea egin baitu. Bai euskararen beraren aurka, eta bai naziotasunarekin lotutako edozeren aurka ere. Nazio ikuspegiaren aurrean, probintzialismoa inposatzeko sekulako lana egin du, eta egiten darrai –"el equipo guipuzcoano", eta abar–. Horregatik ez da, ahal bada, erosi behar. Ez da agindu bat, ez da obligazio bat, iritzi bat da. Askok, nik bezala, aldarrikatu eta konpartitzen duguna. Nik ez diot inori zer erosi behar duen esango, baina iritzi bat daukat, eta esan egiten dut, egiteko aske naizenez. DVren inguruko aferan agindua ikusten dutenek, normalean, eztabaidatu beharrekoa ez eztabaidatzearren aipatzen dute balizko inposaketa hori. Ez dago, berriro diot, inolako inposaketarik, ezpada DVk espainiartasunaren alde egiten duena. 2.  Anonimoa - 2005-12-14 | 14:45 Ba nik anonimotasunetik idatziko dut, sentitzen dut. DV eta Gara/Egin, Gara/Egin eta DV. Nik ez dut DV erosten Ibanek dionagatik agian... ez dut atsegin zenbaitetan darion fatxakeria. Baina gauza batzuk gehitzea ahaztu zaizu edo ahaztu nahi izan duzu nire uste apalean. Gara/Egin-(e)k ETAko kideak gudaritzat ditu, DV-k hiltzailetzat (nik ere bai). Gara/Egin-(e)k Otegik diona aldarera eramaten du, DV-k ez (nik astakeria handiak esan ohi dituenean behintzat ahaztea nahi izaten dut zuzenean). Gara/Egin-(e)k PP-PSOEko zinegotziak mespretxatzen ditu, DV-k alderdi abertzaleetakoak. Gara/Egin-(e)k Espainia deitoratzen du, DV-k Euskal Herria. Beraz, berdinean gaude. Eta DEIA-k berriz PNV-ren propaganda itzel eta ustela egiten du... 3.  iban - 2005-12-15 | 13:24 Nik ez dut, inoiz ez, Garan edota Eginen ETAkoak gudariak direnik irakurri, besteak beste hori esatea debekatuta dagoelako. Tarteka politikariren bat esan badu, Eginek edota Garak jaso egin dute, gainerako hedabideek bezala. Garak ildo edirorial bat jarraitzen du, abertzalea, baina ez du, horregatik, etengabeko manipulazioa egiten. Garak ez du, poliziaz jarduterakoan, "los criminales" edo horrelakorik esaten, eta ez da, justuki, arrrazoi edo argudoi faltagatik. Errespetuagatik da. Bush-ez jarduterakoan, edota PSOEko buruzagiez, ez du "asesinoz" erabiltzen, horietako asko ETAkoak baina askoz ere asesinoagoak izan arren. Errespetuagatik, eta hedabideari zein ofizioari berari zor zaion begiruneagatik. DV "los terroristas" egiten duenean, ez du irizpide bera jarraitzen, beraz, ez gaude kasu berean. Gararentzako hemen gerra bat badago, eta horretan, hainbat bando, hainbat aurkari. Bakoitzak bere izena du, eta ez ditu berezko izenak kalifikatiboengatik ordezkatzen, DVk eta gainerako hedabide guztiek, aldiz, bai. Baina ez beti, eta hortxe dago kontua, ez beti: ETAri dagokionean bakarrik –eta, noski, kutsu independentista duen orori –"los familiaren de los presos etarras", "el entorno de la banda", "los que dan cobertura a los asesinos", etc–. Eginek, Garak, edota Berriak, ez dute sekula hain maila eskaseko kazetaritzarik egin, eta ez dute egingo. Errespetuagatik. Bere buruarekiko errespetuagatik, hasteko, eta urkoari zor zaionagatik. Horrez gain, gogoratuko duzu Egunkaria itxi eta bertako langileak tortura eremuetara eraman zituztenean, egun horretan bertan, Egunkariaren azalean bere burua pentsalaritzat duen Savater agertzen zela, hari elkarrizketa egin baitzioten. Ez da kasu bakarra. Kazeta independieneetan, izan ere, hori ohitura da. Garan eta Berrian, egun bat bai, eta beste egun bat ere, pareko lubakian daudenak agertzen dira, batzuetan argudio politikoak azalduz, eta beste batzuetan, gauza pertsonalez berbetan. Gure berripaperek samurtasun hori dute, aniztasun hori, eta, zertarako ukatu, kategoria hori. Gainerako guztiek, aldiz, gurekin akordatzen diren bakoitzean, zein maltzurrak garen gogoratzeko egiten dute, eta, gainera, ez digute hitz egiten uzten. Hau guztia, baina, ez da kasualitatea: operazio handi baten zati bat baino. ZEN izena du operazioak –militar batek abiatua–, eta ez da, preseski, askatasunaren aldeko ekimena. Beste batean argituko. 4.  Anonimoa - 2005-12-16 | 09:52 Ongi da Iban, ez naiz horrenbeste fijatu agian esateko moduetan, gudariak... terroristak desberdintsun horietan. Baina PP eta PSOEkoekiko errespetua... horri buruz askok oso gutxi dakitela jakinekoa da. Iritzi artikuluetan ez dut zuk diozun samurtasun hori atzematen. Autokritika ere beharrezkoa da batzuetan. DV-k ez du inor hil, Gara-k ere ez... baina biak ere erradikalak dira. Ematen dituzten iritziekiko hurbiltasunaren arabera erosiko du bakoitzak bat edo bestea... edo agian kirola edo herriko karta nolakoa denaren arabera. Dena den ados nago abertzaletasunaren aurkako muntaiak... batzuei hiltzaile deitzea libre besteei ez... baina batak ez du bestea kentzen. 5.  Anonimoa - 2005-12-16 | 09:52 Ongi da Iban, ez naiz horrenbeste fijatu agian esateko moduetan, gudariak... terroristak desberdintsun horietan. Baina PP eta PSOEkoekiko errespetua... horri buruz askok oso gutxi dakitela jakinekoa da. Iritzi artikuluetan ez dut zuk diozun samurtasun hori atzematen. Autokritika ere beharrezkoa da batzuetan. DV-k ez du inor hil, Gara-k ere ez... baina biak ere erradikalak dira. Ematen dituzten iritziekiko hurbiltasunaren arabera erosiko du bakoitzak bat edo bestea... edo agian kirola edo herriko karta nolakoa denaren arabera. Dena den ados nago abertzaletasunaren aurkako muntaiak... batzuei hiltzaile deitzea libre besteei ez... baina batak ez du bestea kentzen. 6.  iban - 2005-12-16 | 13:54 Azken apunte bi: 1-Euskal hedabideak abertzaleak dira, baina, abertzaleak izanda ere, ez dira Espainiako hedabideak baina abertzaleagoak. Espainiakoak hiper-nazionalistak dira: "Todos con la seleccion", "La infanta tuvo una niña preciosa", "La unidad de España es un bien moral", eta abar. Espainiako eta Euskal Herriko abertzaletasunen artean, bada ezberdintasun nabarmen eta erabakigarri bat: Espainiakoak nazio bat ukatzen du, gurea. Euskaldunon abertzaletasuna, berriz, eta da beste nazionarebn ukazioan oinarritzen. Aldea, izugarria da. Espainianko nazioa, eskubide batzuen ukazioan oinarritzen, eta finkatzen da, eta, Espainiako nazioaren egitura politiko eta juridiko guztia, ukazio horren gainean bizi da. Bi abertzaletasunak, horregatik, ezin dira konparatu. Ni abertzalea naiz, hasteko hemengoa naizelako, eta, gainera, gure abertzaletasunak ez didalako –bere izaeragatik–, goragalea ematen. Guk ez dugu inoiz ez Espainiako eskuindarren izaera eta aldartea edukiko: INOIZ. 2-Eztabaida hau euskaraz edukitzea, horrek harritzen du; hau da, zein neurritaraino pentsa dezakegun gure aurka, gure oinarrien aurka, nork zanpatzen gaituen, eta nola ahaztuz. Lotsagarria da. 7.  Anonimoa - 2005-12-16 | 14:17 Horrek zer esan nahi du... nik dudan iritzia lotsagarria dela zure ustez. Eta euskaraz ezin daitekkela eztabaidatu edozeri buruz eta edozein iritzirekin. Euskara ez da abertzaleena denena baizik eta denera irits dadila gainera. 8.  iban - 2005-12-17 | 15:30 Bai, lotsagarria iruditzen zait, zure iritzia konplexuz betetakoa delako. Euskal Herrian, euskaldunok beste maila batean aritu beharko genuke eztabaidatzen: egunkari bat nola egin, edota nola hobetu eztabaidatzen; ez gurearen edota etsaiaren arteko egunkaria onena ote den eztabaidatzen. Abertzale ez izateak ez du ezer esan nahi: bakoitza kolektibo batean baita bizi da, kolektibo horrek arazo jakin batzuk ditu, eta arazo horien erantzuleak ez dira ezkutukoak. Euskal Herrian euskaraz ezin bizi izatea, ez da euskaldunon errua, erdaldunena baino, eta, zehazkiago, Espainian eta Frantzian boterea izan dutenena: nazionalistak, eta jakobinoak. Beraiek debekatu, zapaldu, bortxatu, zokoratu, iraindu, eta desagerrarazi nahi izan dute gure hizkuntza, ez gu. Hori ez da abertzaleon arazoa, hori kolektibitate osoaren arazoa da, mundu osoarena –ondare izugarria delako–. Arazoa, noski, ez da gure etsaiena, beraien biziraupena gure irupenaren gainetik ipintzen dutelako. Horregatik bizi gara gatazkan. Frankismoa euskaldunon aurkako azken aurreneko antolakuntza mota izan zen. Azkenekoa demokrazia delako hau da. Frankistak matxinatu zirenean, egunkari bat sortu zuten, juxtu zuk Egin-ekin konparatzen duzun hori: DV. Gu, hala ere, eztabaidatu egiten dugu, eta, esan bezala, eztabaida hori gaindituta behar luke. Abertzalea izatea ez da bandera baten aurrean makurtzea, zure ondokoa –eta zure burua– apur bat estimatzea baino. Eta euskaldunok, askotan, ez dugu horrelakorik demostratzen. Horregatik, besteak beste, erosten dugu DV, edo erosten dugu Marca. Igual dio. Euskara abertzaleena ez dela esaten duzu: ez da abertzaleena, baina abertzaleek defendatu dute, nazionalisten aurka! Nork sortu zuen AEK, nork ikastolak, nork euskarazko hedabideak? Ez-abertzaleek? Anda ya! 9.  Anonimoa - 2005-12-19 | 09:48 Zuk zeuk diozu egunkari bat nola egin eztabaidatzea dela egin behar duguna, eta egunkari bat nola egin eztabaidatzeko puntu bat ez al da ba batzuek eta besteek dituzten alde on eta txarretatik eta autokritikatik ikasita egiten... edo experientziatik ikasi gabe egiten dira gauzak zuzenean. Eginen editoriala, beste egunkari guztiena bezala berea da eta adierazpen askatasun osoa beharko luke gainera, beste bat da azken finean, batzuei gustatzen zaie besteei ez... eta kritika eskubidea gutako guztiok dugu. Askotan erosi edo ez erostera bultzatzen gaituena. Eta euskara mundu osoaren ondarea bada zergaitik diozu lotsagarria dela euskaraz X-gatik eztabaidatzea. Badakit nik nork lan egin duten bere alde, eta neu naiz euskal produktuak kontsumitzen eta alde guztietan erabiltzen ahal bada behintzat saiatzen den lehena. Maitatzeko balio du, baita intsultatzeko ere... Nire iritzia konplexuz betetakoa omen da... ez naiz ni intsultuetara pasako. 10.  iban - 2005-12-19 | 12:34 Ez dizut konplexuena iraintzeko asmoz esan. Hala hartu baduzu, barkatu. Uste dut, hala ere, egia dela. Konplexua izatea ere librea da, haatik. 11.  ega - 2006-07-31 | 03:26 mila esker elkarrizketa honegatik.

Erantzuteko izena eman behar duzu Erabiltzaile-izena Pasahitza »» Pasahitza ahaztu zait »» Lehenengo aldia da eta alta eman nahi dut