Arnasa hartzeko zirrikituak
azpeitia azkotia pijoak paddle | Xabier Gantzarain / Xabier Alday |
2005/10/17
09:00
Izugarria da bi herriak inoiz bat egin dezaketela pentsatzea ere.
Aurrez antzeman ezina hortik sor litekeena. Galerak, nabarmenak:
nortasuna esaterako. Esan ohi da azpetiarrak harroxkoak direla, eta
azkoitiarrak berriz xanoak. Errealitatean, nik uste azkoitiarrak ez
direla topikoak dioen bezain xanoak –ikusi besterik ez dago babes
ofizialeko etxebizitzak lau kilometroren buruan zein adiera ezberdin
duen- bai ordea azpeitiarrak handitasunari eta ugaritasunari abegikoak
kalitateari baino. Alde horretatik begiratuta, baliteke batasunarekin
Azpeitiak irabaziko duena, Azkoitiak galtzea.
Bestalde ordea, beldurra ematen dit, bi herriak batuta nik ez dakit
zenbat kultur-etxe, museo, auditorium, zinema, antzoki eta antzeko
kultur-eraikin azal daitezkeen. Kosta egiten zait gurean hori
guztiarentzat publikorik egon litekeen, eta dagoen apurra ez ote den
arnasa hartzeko zirrikiturik gabe ere geratuko, Antxieta antzerki
taldearekin zoritxarrez gertatu moduan. Dispertsio-politikak
honaino iritsi behar zuenik ere!
Beldurtu egiten nau, etxean daukaguna zaintzen lagundu ez eta herriaren
sarreran –edo irteeran- ez ote garen hondartza bat eraikitzen hasiko.
Surfa baita, lagun, gure herriotako pasio izkutua. Parisen egiten omen
dute, udan garaian, eta beharbada, Uztarriaren azken alean
agertutakoak, ez dira fotomuntaiak, mezu subliminalak baino.
Eta nola ez, Hitzak kezkatzen nau biziki. Maiatzetik abuztura
bitartean, astean kaleratuko sei aleetatik, ozta-ozta laurek aurkitu
dituzte bizi naizen eraikineko buzoiak. Oraingoa zaila bada, are
nekosoagoa gertatuko zaie Hitzaren banatzaileei nire etxe xumeko buzoia
aurkitzea, bi herriek bat egiten dutenean.
Asko dira etorkizunak dakarren zalantzak. Eta horregatik zera proposatu
nahi nikek: hurrena, C*** eta S******-rekin biltzen gaitukenean,
Urrestilan geratu behar diagu, han baitzegok nire ustez, etorkizunaren
giltzarria. Frontoiaren luze-zabal osoan jokatuko diagu pelotan eta
Nuarbe edo Matxinbenta bidean, aurkituko diagu jan-edanaz non asebete.
Guk, herriak maite ditugunok.
P.D.: etorkizuneko gure herriaren izenarekin egin duan moduan,
ausartuko hintzateke etorkizuneko gure herriaren agintariak nortzuk
izan daitezkeen iragartzen?
|
|
1. Ekaitz Segurola - 2005-10-17 | 11:31
Nik usteiat, astakei haundiye izengo litzekela bi herriyek bat eitie, bakoitzek bere aldetik dazken ezaugarri pillie galduko zilako bat eite hortan, hizkuntza aldetik hasita izakeraño.
Ta bat in ezkeo, Xabier, galdetzekan bezela ze pasako zan agintayekin? Ba jauntxuek len baño indar haundiyo hartuko zebela, ze len Azpeitin nagusi baldin baituk (EAn laguntziekin ze bestela larri ibiliko ituzke), Azkoitiko natualtasun horrekin (alegiye bizkaitarrak baño EAJko geyo daola suelto Azkoitin) ... JAUNTXUEK NAGUSI!
2. osky - 2005-10-17 | 13:01
Bi herriek bat egiten badute, hala nahi dutelako izango da.Gainera usten det gu ez garela biziko gertaera hau ikusteko,ezta gure semeek ere.Mundua aldatzen doa momentu oro,ta azpeitia ta azkoitia ez dira gutxiago izango!seguruenik orain dela 300 urteko azpeitiar batek burua altxatuko balu,ikaraturik korrika aldegingo zuela!seguruenik berak etzuela nahi horrelako azpeitia bat....baina denborak aldatzen dihoaz ta ze ingo zoau ba!!!
3. Neu - 2005-10-17 | 13:10
Azpeitiye ta Azkoitiye bat egiten badie, igual mejorako izengo litzake, Udaletxie begiraute, han Ezker Abertzalie utzi egin diyobelako lapurtuteko eskañoa hartzen.
4. Xa2er - 2005-10-17 | 16:27
Alkaterako proposatuko nikek Arzallus, Xabier.
Edo proposatuko nikek Euzkitze, Xabier.
edo?
5. Neuk - 2005-10-17 | 18:23
Mesedez, hoien baino nayo diat Xabier Gantzarain
6. Tomax - 2005-10-18 | 11:26
Alkatea nor izan berdin-berdin da. Oraintxe bezala, gero ere alderdiak aginduko baitu. Eta hauxe da alderdiaren izena: EAJ-BMW.
7. Amelie - 2005-10-19 | 12:25
Gantzarain alkate???!!!
Alaaaaaaaaaaa...
Ezta erotuta ere!
Aukeran, eta udaletxea Urrestilllan jarriz gero, nahiago Pako Aristi.
Bandoak gaitarekin pasa ditzala...
Eta Kultura zinegotzia, jakina... Ramon Etxezarreta!
Biba zuek!
8. ZIHARA - 2005-11-09 | 12:52
xakelak ta xapoak bat einda? zorau ein al zeate?? batek esaten dun bezela, denbora izango da testigu, eta gauzak honela ikusita urte batzuk barru azpeiti ta azkoiti bat izango dira, baina gipuzku erdia ere, etxe eraikinek batuko dituzte herriak, herrialdeak... populazioa. baina orain biak bat eitia... udaletxea azpeitiko parke naturalean jarriko nuke nik: Landetan. ja ja ja. Kultur etxea san martinen eta enparan dorretxean, gaztetxea loiolan...
herriko alkate...RENAULTEKO ZUZENDARIA, TXIKI ANTIJODUNA. TOTALA LITZATEKE, TIPO FINA TA JATORRA EMATEU.
talde politikoA: A-3-4-6 (AUDI 3 4 6)
|
Erantzuteko izena eman behar duzu
|
|
Hemen zaude:
Azpeitiko ataiye »
Blogak »
Xabier Gantzarain / Xabier Alday »
Arnasa hartzeko zirrikituak
ARTXIBOA