JOHN CASAVETTES ZIKLOA

Matadeixen. Asteazkenetan, 21.30etan. | Matadeixe |  2008/11/28  11:39

AZAROAK 12: 'Faces' (AEB, 1968)
AZAROAK 19: 'Shadows' (AEB, 1959)
AZAROAK 26: 'Opening Night' (AEB, 1977)
ABENDUAK 3: 'Una mujer bajo la influencia' (AEB, 1974)

Lotura zuzena  |  Erantzun

 

ZINE-KLUBEKO 35mmko DATOZEN PELIXEK

Baztartxon, ostiraletan, 22.00etan | Matadeixe |  2008/09/26  12:21

ZINE KLUB SAIOAK BAZTARTXON
2008-2009

Urriak 3: El aliento (Soom, Kim Ki-duk. Hego Korea, 2008)

Urriak 17: Buda explotó por vergüenza (Buda as sharm foru rikht, Hana Makhmalbaf. Iran, 2007)

Urriak 31: Honeydripper (John Sayles. AEB, 2007)

Azaroak 14: Los testigos (Les Témoins, André Techiné. Frantzia, 2007)

Azaroak 28: Funny Games (Michael Haneke. AEB, 2007)

* Saio guztiak ostiraletan izango dira, jatorrizko bertsioan azpitituluekin, 22:00etan.

 

Lotura zuzena  |  Erantzun

 

Klown tailerra Matadeixen

Hilak 26, 27, 28an | Matadeixe |  2008/09/10  10:37

Kaixo Matadeixetik, Azkottitik:
 Irailararen azkenengo astebukaerarako Klown tailerra antolatu dugu. Nerea izango da gidari lanak egingo ditunak. Ostiralean, hilak 26 atsaldeko 18:30ak aldera emango diogu hasiera. Sarrera moduan klownaren nondik norakoak jakiteko aukera izango dugu. Aurkezpen lanak egin ondoren, afari merienda inguruan sapaturako prestatuko gara. Sapatuan, hilak 27 goizean goizetik murgilduko gara esperientzia berri bat bizitzeko, 9:30tatik 14:00tara,  bazkaldu ondoren,  jarraipena emango diogu 16:00tatik 20:00tara. Bertan afaltzeko aukera egongo da, ostean etorriko denaren zain. Eta jaixen, hilak 28 itxiera emango diogu  10:30tatik 13:00tara.
Bertaratzeko aukera eta gogoa baduzu deitu 652735286 zenbakira edo idatzi goretex@euskalnet.net helbidera.
Guzti honen kostua, izerdia, lotsa, ausardia, poza eta tristuraz gain, 10euroko sarrera egin beharko da. Bertan, ostiralean ordainduz nahikoa izango da. 
 

Lotura zuzena  |  Erantzun

 

AHT-aren kontrako kontzertue Matadeixen 2007-02-06

Irudiak | Matadeixe |  2007/04/26  11:18

AHT EZ Lurraren defentsarako gunearen webloga. AHT GELDITZEA BADAGO, PAREMOS EL TAV!!! 2007/02/06 00:12:52.092 GMT+1 Matadeixeko irudi ta bideoak: BIBA ZUEK!!
Mundiala!! Ez dago beste hitzik aurreko igandean Azkoitiko Matadeixen izan genuen elkartasun festa deskribatzeko.

                

Matadeixera gerturatu ginanok, abeslariak entzuterako, 15 minutuko bideo bat gozatzeko aukera izan genuen, non Urbinako Erresistentzi gunearen historio azaltzen zen.

Jarraian, Maialen Lujanbio, Joseba Tapia, Anari, Ruper Ordorika, Berri Txarrakeko Gorka Urbizu eta Fermin Muguruza ta taldekideak izan genituen gozagai... ta Juan Jose Ibarretxe ta Javier Gurrrutxaga!!!

                        

A ze espektakuloa!! Azpikaldean festaren irudi eta bideoak ikusgai badituzue ere, ez dago konparatzerik bertan montatu zen eskandaloarekin!!! DE TRACA!!

Javier Gurrutxagaren "Viaje con nosotros" abestiaren letra jarraitzeko ondoko flyer hau banatu zen.
       

AHT EZ! Guneko weblog honetaz BIHOTZEZ ESKERRAK eman nahi dizkizuegu, bai kantariei gure gonbidapenari kaso egiteagatik, eta bai gerturatutako lagun eta adiskideei.

Animo denei, lana eta borrokak ZUTIK DIRAU!!!!!!

Argazki sorta ikusteko klik egin hemen.


Juan Jose Ibarretxe, Maialen Lujanbio eta Joseba Tapia aurkezten.


Joseba Tapia eta Maialen Lujanbio


Juan Jose Ibarretxe, Azkoitiko alkateari koplak ateratzen eta Anari aurkezten.


Fermin Muguruza & akolitoak.


Javier Gurruchaga & Juan Jose Ibarretxe


Javier Gurruchaga & Juan Jose Ibarretxe, argia joan zenekoa.


Azken agurra.

Nork: AHT EZ! Gunea.2007/02/06 00:12:52.092 GMT+1
Etiketak: tav matadeixe euskal_herria azkoitia aht | Permalink | Erantzunak (0) | Errenferentziak: (0)

Idatzi artikulu bat

Izena:

Lotura zuzena  |  Erantzun

 

AHT Ez gunearen aldeko jaialdia, Matadeixen

ekitaldia | Matadeixe |  2007/01/26  17:33

Datorren otsailaren 4ean, igandea, AHT EZ GUNEAren aldeko jaialdia antolatu du Azkoitiko Matadeixe Kulturgune okupatuak, 19:30ean. Maialen Lujanbio, Anari, Fermin Muguruza, Joseba Tapia eta Gorka Urbizuk (Berri Txarrak taldeko kantariak) parte hartuko dute jaialdi honetan. Sarrerak mugatuak dira eta 10eurotan daude salgai, AHTren aurkako herri mugimenduari laguntza emateko.

Jende askok ez du jakingo, agian, Abiadura Handiko Trenaren aurkako AHT EZ Erresistentzia Gunea egin denik. Bi hilabetetan zehar, azaroaren 3tik urtarrilaren 7ra, Arabako Urbina herrian elkartu garenontzat, AHT EZ GUNEA desobedientzia eta erresistentzia zibilaren bidetik proiektu txikitzaile horren obren hastapenari oposizioa egiteko topagunea izan da. Lanen oinetara eraman dugu protesta, ekintza zuzenari lehio bat ireki eta AHTren inposaketari aurre egiteko ahalmena daukagun kontzientzia suspertzeko.

Urbinako erresistentziagunea norberaren ilusioaren eta partehartzearen arabera eraikitako borroka espazio autonomoa izan da. Batzuetan obretan sartu eta kateaketa ekintzak eginez lanak gelditu ditugu; beste batean nekazaritzako lurrak okupatu asmoz jarritako itxiturak eraitsi; bestetan kontzentrazioak, martxak, pintaketak, informazio buzoneaketak eta kalteturiko biztanleei bisitak egin dizkiegu; eta sarritan batzarrak, mahainguruak, herri bazkariak eta adin guztietako jendeari elkartzeko aukera eman dioten jai kutsuko ekitaldiak antolatu ditugu. Urbinara jende asko hurbildu da egun hauek guztietan, eta hamabostaldi batean eskualde eta erakunde ezberdinen artean txandak ere egin dira (Durangaldea, Goierri, Gasteiz, EHNE, tal de ekologistak ... ).

Erresistentzia topatu eta gobernuek indar frogaren hautua egin dute, berriro ere, errepresio polizialarekin herri mugimenduari eraso egiteko. Horren lekuko ditugu Ertzaintzak nahiz Guardia Zibilak AHT EZ Gunean egindako 141 lagunen identifikazioak, 25 pertsonen auziperatzeak eta 5 atxiloketak; baita Urbinaren inguruan eman diren etengabeko patruilak, helikopteroen hegaldiak, kontrolak eta auto miaketak, obretan zinpeko goardian despliegea, mendian ibiltzeko debekuak, etabar. Horrela hasi dituzte AHTren lanak. Une honetan, "Altuna y Uria" enpresa eraikitzaileak -Arrazua-Ubarrundia eta Legutioren arteko AHTren zatiko lanen adjudikatzaileak-- 4 hilabete daramatza Luku herrixkaren ondoan AHTrentzat pasabide bat eraikitzen, EibarGasteiz autopistaren azpian. Porlanaren erregeek lur-eremu berriak okupatzeko eta obrak zabaltzeko asmoa daukate berehala: egin kontu, AHTren eraikuntza lanetan ~5 milioi euroko gastuak agindu dituzte Espainiako gobernuak eta Jaurlaritzak 2007 urteko aurrekontuetan. Bistan denez, agintari-teknokratek AHTren inposaketan aurrerantz eraman nahi gaituzte ihesi! Hala ere, AHTren aurkako herri mugimendua egunetik egunera indartsuagoa da, eta bere aldarrikapenak eta helburuak argiak dira:

1) AHTren proiektua geldiaraztea eskatzen du, AHTak eragingo lituzkeen ondorio ekologiko, sozial eta ekonomiko larriengatik, baita nekazaritzari eta lurraldearen orekari eragingo lizkiekeenengatik ere.

2) Inposaketa errefusatu eta kalteturiko herriei erabaki ahalmena itzultzea eskatzen du.
 
3) Horrekin batera, instituzioetatik ezartzen ari den garraio eta gizarte eredua eztabaidagai jarri eta sakonki eraldatu behar dela eskatzen duo Alde askotatik datoz lurraren aurkako erasoak, eta inguru naturalak hondatzen ari diren neurri bertsuan, ezartzen ari zaigun jendarte-moldeak edonolako gizarte-kultura proiektu alternatiboren hondamena dakar berekin. Hortaz, ezinbestekoa da jendea antolatzea, eztabaida bultzatzea, eta desarrollismoaren eragin suntsitzaileak atzean uzteko egungo gizarte ereduaren eraldaketa sakon bati ekitea ..

Hori denagatik, AHTren aurkako herri mugimenduarekin bat egiteko eta euskal herri guztietara zabaltzeko dei egiten dugu. Bakoitzak bere auzoan, ikastetxean, lantokian, gaztetxean eta herrian badugu zereginik proiektu txikitzaile hori borrokatzeko.

Beraz, otsailaren 4ean Azkoitiko "Matadeixe" kulturgune okupatuak AHT EZ GUNEArekin bat eginez antolatu duen sustengu jaialdian biltzeko dei egiten dugu. Informazio gehiago nahi izanez gero. Harremanetan jar zaitezte: "Matadeixe" kulturgune okupatua: 943025866 (Jontxu), 615747153 (Maolo) AHTren Aurkako Asanblada: 695715510.

 

Lotura zuzena  |  Erantzun

 

Albiste zaharragoak »»