Leire, beire

sarrera | Leire Larrañaga |  2006/02/2  11:36

Kaixo blogzale.

Uztarriak bere blogean nere argazkiak erakusteko aukera eman dit, eta nik lotsagabe aukera aprobetxatu dut. Aspaldidanik naiz argazki zalea, egia esan ez naiz gogoratzen noiz izan nuen lehenengo kamera eskuetan,  baina bai zein izan dudan kuttunena. Osabaren, Alejandro Kortadiren, Pentax bat, lurrera erori eta baldosa apurtuko zuen horietakoa, auskalo noizkoa, nik jaso nuenean 30 urte izango zituen. Harekin ikasi nuen argazkiak ateratzen, Aralarrera egindako egun pasa baten lapurtu zidaten arte. Udalekuetan egindako lanarekin erosi nuen beste bat, hura ere Pentaxa. Gaur arte ibili naiz harekin, gustura, baina orain teknologi berriekin 'modernizatu' naiz, etakamera digitala dut. Hau ere Pentaxa!

Juan Joxeren aldamenean nire argazkiak erakusteak erreparo pixkat ematen dit, baina saiatuko naiz. Ea gustatzen zaizkizuen.

Leire