Aurtengo San Sebastianak ere giro bikainean igaro ditugu. Ezin esan dezakegu eguraldia lagun izan dugunik, euria protagonista bihurtzen ahalegindu baita hainbat unetan, baina guztia ahalegin hutsean geratu da zorionez, euriteak euri protagonista bakarra danborren hotsak izan baitira 24 orduetan.

Beste behin argi geratu da euskaldunok dugun gogoa, umorea eta abilezia festak ospatzeko eta bizitzeko orduan. Irudi hau zabaldu behar genuke munduan zehar, atzerritarrek ezagutu dezaten nolakoa den benetako euskal herritarren bizimodua, baina hori gauzatzeko ezinbestekoa da komunikabideen laguntza, eta zoritxarrez albiste beltzak ditugunean bakarrik izaten gara telebistan albistegietako protagonista nagusiak, aaiix.

Ospatu berri dugun festa laburbiltzeko, irudiak ikustea bezalakorik ez dago. Beraz, isiltzera noa, esplikazio lehorrak ematen hasiko bainaiz bestela, eta aukeratu ditudan argazkiekin utziko zaituztet.

Duela gutxi argitaratu nuen idatzi bat 10 urteko neskato bati buruz, Maitane Goñi. Maitanek duen gaxotasuna bigarren motako giharretako atrofia da eta Euskal Herrian kasu bakarra da, Araban, Bizkaian eta Gipuzkoan ez delako beste kasurik ezagutzen.  

Tamalez, azken sei hilabete hauetan oso azkar egin du okerrera Maitaneren osasun egoerak. Eritasunak, bizitzeko beharrezko dituen organoetan du eragina. Une honetan biriketan du arazoa eta arnasa hartzeko zailtasunak ditu. Datorren urtarrilean Pariserako bidea hartuko du familia osoarekin, han, Garches-eko Raymond Poincaré ospitalean egonaldi luze samarra egin beharko baitu. Bi ebakuntza egingo dizkiote. Bat bizkarrean eta bestea bularraldean. Eskoliosi bikoitza dauka eta birikei tokia kentzen dio horrek. Hemendik bi urtera egitekoak ziren ebakuntzak, baina egoerak behartuta datorren otsailera aurreratu dituzte.

Helburua haurraren bizi-kalitatea hobetzea da, eritasunak, oraingoz, ez baitauka sendabiderik.  

Osakidetzak bere gain hartu ditu Pariseko mediku-tratamenduaren gastuak, baita berekin doan pertsona batenak ere. Ez dute nahikoa ordea, ebakuntza oso gogorra izango da eta familia osoa joateko nahia baidute, -hori da gure asmoa, familia han egotea, ez dakigu guztiok itzuliko garen-eta -dio Alaitz Erostarbek- Maitaneren amari egin zioten elkarrizketa batean.  

Gainerako gastu hauei aurre egin ahal izateko, diru bilketa jarri dute abian Haurtzaro Ikastolako -bertan 5. mailan ari da- guraso talde batek. Euskal Herritik zein kanpotik jasotako deiak etengabeak dira zorionez eta hainbat ekintza ari dira ospatzen Maitaneren alde azken egunotan.  

Nik aurreko idatzian deialdi bat egin nizuen laguntza eske, eta Maitaneren kontukorrenteko zenbakia ezarri nuen, baina zerbait gehiago egiterik zegoela ikusirik, zozketa bat ipintzea pentsatu nuen -1.000 boleto atereaz-. Zuen erantzuna bikaina izan da, boleto guztiak berehala agortu baitira, beraz mila esker Azpeitiko herritar guztiei.

Baita ere eskertu nahi nituzke: Martinez Inprimategia, Egaña, Xiriako, Oñatz, Eguzkitza, Laratz, Ametsa eta esku bat bota didaten lagun guztiei, ez bailitzateke posible izango guzti hau zuek gabe.

----------------------------------------------------------------------------------

Egunero idazten dudan nire blog pertsonala irakurri nahi duenak, klikatu ondorengo helbidean: http://ibarzabaltxokoa.wordpress.com/

Urtea amaitzear dugunean, albiste batek ustekabean harrapatu nau, edo ni behintzat horrela sentitu naiz. Aipaturiko berria, Azpeitiko Zezen Beltz elkartearen eskutik datorkigu, aurreneko aldiz eta aproba gisa, sokamuturra antolatu dutela adierazi baidute urte berri egunerako.

Azken urteetan, indar handia hartzen ari da urte zahar gauez kalera irten eta ospatzeak, gero eta jendetza ugariago elkartzen baita tabernetan zehar. Festa giro hau ikusirik, Zezen Beltz elkartekoak sokamuturra ezartzera animatu dira eta aurreneko aldiz urte berri egunean goizeko zazpiretan zezena izango dugu Azpeitiko Enparantza Nagusian. Aurreko urtean ere bururatu zitzaiotela zioten elkartekoek, baina San Sebastianetako pretakuntzekin buru-belarri aurkitzen ziren eta nahiago izan zuten beste urte baterako uztea. Aurten ordea, goiz hasi dira gauza guztiak ongi antolatzen eta posible ikusi dute urte berri eguneko berrikuntza hau.

Niri pertsonalki, primeran iruditzen zait eduki duten ideia hau, eta beraiek bezala ez daukat zalantza izpirik arrakasta borobila izango dutela, denok baidakigu Azpeitiko herrian zezen batek duen garrantzia. Beraz badakizue, aurten urte zahar gauari amaiera bikaina emateko moduan izango gara, urteko aurreneko goizari sokamuturrarekin emango baidiogu ongi etorria.

----------------------------------------------------------------------------------

Egunero idazten dudan nire blog pertsonala irakurri nahi duenak, klikatu ondorengo helbidean: http://ibarzabaltxokoa.wordpress.com/

Normalean Azpeitiko kontuak ezarri ohi ditut nire blog honetan, baina gaurkoan salbuespen txiki bat egingo dut eta herritarren laguntza izateko esperantzan idatzen dut ondorengo albistea. Gaur gai serio batekin natorkizue, urrutira joan gabe, eguneroko bizitzan aurkitu dezakegun kontu batekin. Euskal Herriko famili batek, laguntza behar du beraien alabaren tratamenduko kostuei aurre egiteko, eta neurri handi batean gure esku dagoela uste dut haur honi lagundu edo ez. 

Maitane Goñi 10 urteko neskato pasaitarra da. Euskadin bigarren motako muskulu-atrofia (endekapenezko gaixotasun larri bat) duen pertsona bakarra da, eta hurrengo urtean ebakuntza gogorrak egin behar izango dizkiote Parisen. 

Pasaian aldizkariak informatu duenez, Osakidetzak Frantziako hiriburuko Raymond Poincare ospitalera bideratu du tratamendua, ospe handia baitauka gaixotasun neuromuskularren tratamenduetan. Maite urtean bitan ospitaleratu behar dute bertan. 

“Oraingoz ez dauka osabiderik, baina han bizimoduaren kalitatea hobetzen diote”, adierazi du haren armak, Alaitz Erostarbek, aipaturiko aldizkarian. 

Azaldu duenez, Parisen tratamendu gogorrak egiten dizkiote bizkarrezurra luzatu eta birikiek espazio nahikoa izan dezaten. “Hotzeria larria izan liteke harentzat”, gaineratu du. 

Ebakuntzak bi urte barru egin behar zizkioten, baina aurreratu behar izan dituzte, haren osasun egoerak okerrera egin baitu. 

Senideek laguntza ekonomikoa eskatu dute tratamendua ordaindu ahal izateko, eta kontu-korrontea zabaldu dute Kutxan (2101 0009 89 0125925396) nahi duenak dirua eman dezan. 

Nahiz osabiderik ez egon, badakit zer den bizimoduaren kalitatea apur bat hobetzea lagunok, neuk bizitu izan baidut behin baino gehiagotan. Beraz, bakoitzak ahal duen neurrian lagundu balezake eskertuko nizueke, edozer kopuru ongi etorria izango baida beti. Gaurkoan hitzak soberan daude, eta ekintzak faltan.

----------------------------------------------------------------------------------

Egunero idazten dudan nire blog pertsonala irakurri nahi duenak, klikatu ondorengo helbidean: http://ibarzabaltxokoa.wordpress.com/

Badakit bai lagunok, igandean amaitu ziren festako kontuak aipatzeko berandu samar nabil bloga eguneratzen, baina Azpeitian pasa ditugun egunak igaro eta gero, aurrenik burua altxatu beharra zegoen poliki poliki zorabiorik jasan gabe, eta jarraian jabetu non nengoen kokaturik, etxean edo berdura plazan. 

Pauso guzti hauek bete ondoren, betiko martxan hartu dudala dirudi, nahiz eta dezente kostatu arren. Egun gogorrak izan dira garagardoko hauek, pentsatzen dut bai zer ariko zareten pentsatzen (ibiliai berriiz lau egunetan…), baina zer egingo dugu ba!! Aldian behin horrelako astindutxo batzuk eman egin behar zaizkio gorputzari bizirik jarraitzen duen edo jakiteko, bestela eguneroko monotonia egiten baida bizitzaren jabe.

Azpeitian antolatzen zen I. Garagardo Festa zen, eta izugarrizko arrakasta izan du zalantzarik gabe. Lau egunetan zehar jende ugari hurbildu da, adin guztietako pertsonak gazte eta zahar, bertako garagardo eta jakiak dastatzeko asmoz, eta giro bikaina izan dugu festaren azken unerarte. Azpeitiko jendea gustura zen igandean, igaro ziren egun bikainak gogoan hartuaz, hurrengo urtean jarraipena eman beharra zegoela entzuten zitzaion edozeini. Iraurgiko antolatzaileen poztasuna ere nabarmena zen, izan zuten arrakasta ikusirik aurretik zituzten kezka guztiak desagertu bait zitzaizkioben, hori bai, lana gogotik egin ondoren.

Egun polit hauetan, argazki kamera ondoan dudala ibili naiz eta irudi bitxi batzuk lortu ditugu denon artean. Blogean ez dittut ezarriko, bestela luze aterako zaigu gaurko idatzia. Baina argazki guztiak ikusi nahi badituzue bi aukera ezarri dizkizuet, adibidez Facebookean: Hemen, nire helbidea aurkituz gero (Haritz Ibarzabal), argazki guztiak daude ikusgai, Oktoberfest 2009 izenburua duen karpetan.

Bigarren aukera, blogean bertan ezarri dizuet. Ondorengo helbide honetan klikatzen baduzue, diaporama txiki bat ikus-entzuteko moduan izango zarete zuzenean, deskargatu gabe. Helbidean klikatzean orri bat agertuko zaizue erdian botoitxo gorri batekin, klikatu botoiari berriro eta segundu gutxi barru kolore orlegian bihurtuko da, azkenik botoi orlegiari klikatzean, aipaturiko diaporama hasiko da. Beraz zuen esku dago aukeraketa. 

Diaporama zuzenean ikusteko helbidea:

http://www.megavideo.com/?v=MS23ZVUG

Baina denbora apur bat baduzue, diaporama ordenagailura deskargatzea gomendatzen dizuet, askoz ere irudi garbiagoak ikusiko baidituzue. Honetarako helbidea ere jarraian duzue (deskargak ez du asko iraungo, txikia baida diaporama). 

Diaporama deskargatzeko helbidea:

http://www.megaupload.com/?d=V7LDWNF8

P.D.: Diaporaman edo…ikusten duzuen argazkiren bat nahi izanez gero, eskatu lasai eta pasatuko dizuet e-mailaren bidez. Nire e-mail: h.ibarzabal@gmail.com

----------------------------------------------------------------------------------

Egunero idazten dudan nire blog pertsonala irakurri nahi duenak, klikatu ondorengo helbidean: http://ibarzabaltxokoa.wordpress.com/

 ]]> http://www.uztarria.com/blogak/ibarzabal/1253887456

-Aurreko larunbatean egin zenuen debuta Iraurgiko talde nagusiarekin. Nola bizitu zenuen une hura?

Ba egia esan, kantxara irtetzeko esan zidanean oso urduri jarri nintzen baina beste aldetik izugarrizko poza sentitu nuen. Araberriren aurka euskal kopan ere jokatu nuen apur bat baina Azpeitin askoz ere urduriago jarri nintzen. Nire bizitzako momenturik garrantzitsuenetako bat izan da dudarik gabe.

-Askotan amestu izan duzu une honekin?

Iraurgin jokatzen dugunontzat garbi dago sekulakoa dela EBA-ko taldearekin debuta egitea (debuta egitea baino gehiago, mantentzea taldean) eta egia esan askotan pentsatu izan dut nolakoa izango litzakeen debut hori. Txiki txikitatik Iraurgiren partidu pila ikusi ditut eta barru barrutik sentitzen dut talde hau, beraz, oso pozik nago. Hala ere, esan beharra dakukat debut honek ez duela ezer ere esan nahi eta berdin berdin jarraituko dudala taldeari ahal dudan moduan entrenamenduetan laguntzen, hori baita gaur egun gazteon eginkizun nagusia. Gure lekua gaur egun autonomikako taldean dago eta gustu haundiz jokatuko dut bertan, talde gazte eta kalitate handikoa baitago.

-Taldeko jokalari beteranoek zerbait esan zizuen, kontsejuren bat edo kantxaratu aurretik?

Ba gazteei beti esaten zaien bezela, lasai jokatzeko esaten zidaten eta ez presiorik sentitzeko. Behin kantxan nengoela, aukera izanez gero, lasai jaurtitzeko esaten zidaten.

-Betidanik egon zara Iraurgi saskibaloiko taldeetan. Esaiguzu laburrean zein izan dan zure zure ibilbidea.

Ba bai, txiki txikitatik nabil talde honetan eta esan beharra dago lagun pila egin ditudala saskibaloiari esker. Minietan hasi nintzen eta ondoren kanasta handietara pasa ginen infantiletan. Infantil 1. urtean nere adinekoekin jokatu nuen eta 2. urtean kadeteekin. Honen ondoren, kadeteetan beste bi urte jokatu nituen nere adinekoekin, hau da, txiki txikitatik ezagutzen ditudan lagunekin. Pasa den urtean junior eta autonomikan jokatu nuen eta urte honetan, hau da junior 2. urtean, autonomikan jokatuko dugu.

-Saskibaloia hobbitzat duzu? edo zerbait gehiago dela esan daiteke zuretzat?

Txikitatik saskibaloiarekin lotuta egon da nire bizitza eta esan beharra daukat momentu ikaragarriak pasa ditudala. Saskibaloia nire hobbia dela esan daiteke izugarri ondo pasatzen baidut saskibaloian jokatzen eta saskibaloiarekin erlazioa duen edozer gauza egiten, esaterako, umeak entrenatzea ere asko gustatzen zait.

-Odoloean ekarri duzula esan dezakegu saskibaloiaren sena, zure aita ere hainbat urteetan saskibaloiko jokalaria izan baitzen. Kontseju ugari izan dituzu bere aldetik?

Egia esan, berak inoiz ez dit bultzatu saskibaloia aukeratzera futbola edo beste kirolen aurretik. Nik nahi dudana egiteko esaten zidan beti eta nik garbi neukan saskibaloian jolastea nahi nuela nahiz eta futbola ere esaterako, gustatzen zitzaidan. Hortik aurrera, nire aita hainbat urtetan izan da nire entrenatzaile eta milaka zuzenketa egin dizkit.

-Orain pentsatzen dut zure helburuetako bat, Iraurgiko talde nagusian apurka apurka lekutxo bat egitea izango dela, oker nago?

Guk (iraurgin jokatzen dugunok) beti pentsatu izan dugu lekuren bat edukitzearekin lehenengo taldean. Lehen esan dudan bezala, orain nire helburua beraiei entrenamenduetan laguntzea da eta apurka apurka lekutxoren bat egiten badut askoz hobeto. Hala ere, ezin naiz hori pentsatzen geratu. Gazteok gustora jokatuko dugu autonomikako taldean eta egunen batean EBA-ko taldean jolasteko aukera iristen bazaigu ondo baino hobeto, nahiz eta ez den batere erraza izango.

-Alde handia nabarmentzen da Liga EBA bezelako maila batean sartzen zarenean?

Izugarri nabarmentzen da. Beraiekin entrenatzearekin bakarrik izugarri ikusten da ze kalitate dagoen talde horretan postu guztietan. Entrenamientuen kalitatea azpimarratzekoa da denek ematen baidute beraien guztia entrenamientu bakoitzean.

-Aurreko urtean Jon Txakartegi entrenatzaileak, Iraurgin bere lehen denboraldia izateaz gain, izugarrizko erakustaldia eskaini zigun saskibaloiko zaletu guztioi. Zer moduz moldatzen zara berarekin? Ze iritzi duzu berataz?

Entrenatzaile gogorra da eta oso detallista eta hori eskertzen da. Akats txikienak era ikusi egiten ditu bai defentsan zein erasoan eta ondorioz, entrenamientuak teknikoki (jokalarien kalitateari esker) eta taktikoki (Txakar eta Laxkanoren zuzenketei esker) oso aberatsak izaten dira. Asko ikasteko aukera dugu urte honetan.

-Arrobiko jokalariak hasi zarete poliki poliki agertzen. Garai berri baten hasera izan daiteke hau?

Iraurgi taldea orain dela urte batzuetatik aurrera, izugarrizko lana egiten ari da gazte zein umeekin eta gaur egun, ume azpeitiar pila bat ari dira saskibaloian jolasten. Ondorioz, aukera gehiago daude EBA taldean etorkizunean azpeitiar gehiago egoteko.

-Amets pixkat egin dezagun Imanol. Saskibaloi mundu honetan, zein izango litzateke zure benetako ametsa?

Etorkizunean saskibaloiarekin gaur egun arte gozatu dudan bezainbeste edo gehiago gozatzea da nire ametsa. Hori gertatuz gero, ez da batere seinale txarra izango, gauzak ondo dijoaztela, alegia.

-Orain galdera motz batzuk. Munduko zein talde duzu gustuko?

Iraurgi Saskibaloi Taldea.

-Eta jokalari gogokoena?

Sarunas Jasikevicius eta Steve Nash.

-Zein entrenatzaileri ematen dizkiozu merituak?

Txikitatik gaur egun arte entrenatu didaten entrenatzaile denei, denetatik ikasten baita zerbait.

-Saskibaloi amerikarra edo europearra?

Europearra, dudarik ere egin gabe!

-Zergaitik?

Askoz ere kolektiboagoa delako jokua eta han fisikoa erabiltzen duten bitartean hemen entrenaturiko teknika eta burua erabiltzen dira. Taktikoki ere askoz ere aberatsagoa da.

Bueno Imanol, espero nazkatu ez izana galdera sorta honekin. Esker mila zure denbora eskaintzeagatik, eta zorte on hasi berri duzun ibilbide zail honetan. Hurrengo astean ere, kantxan ikusiko zaitugun esperantzan, agur bero bat.

Egun hauetan deialdi bat zabaldu nahian dabiela ikusi dut facebooken nire Legazpiko lagun “KxK”, eta esku bat botatzea pentsatu dut nire bloga erabiliaz. Mendi irteera baterako deialdi bat da, eta agian interesgarria irudituko zaizue mendizale zaretenoi. Aizkorrin Barrena mendi martxa antolatu dute Legazpiko Izadi-Zale mendi elkartekoek.

Aurtengo Aizkorrin Barrena mendi martxarako, ibilbide desberdinak diseinatu dituzte, iazkoak hobetzea oso zaila dela dakiten arren. Baina mendizaleari eta izadizaleari erakutsi nahi diote Legazpi (Brinkolako geltokia, batez ere) abiapuntu aparta dela ibilaldi ugariak eta zoragarriak egiteko. Eta horrekin batera, Aizkorriko Parkearen atea izateko ezaugarri bikainak dituela.

IBILBIDE LUZEA 

Ez dira zuzenean Aizkorriko mendikatera abiatuko. Aurretik itzulinguru bat egingo dute Urola eta Oria harroak banatzen dituen mendilerrotik.

Brinkolako tren-geltokitik behera egingo dute lehenik eta laster eskuinetara egingo dute “zazpi begiko zubiaren” eta karrilaren azpitik igarotzeko. Bidezidor batetik gora egingo dute Agirrezabal baserrira iritsi arte.

Agirrezabaletik Aztiri aldera hartuko dute Basaunditik barrena. Inguru hauetan badakigu Erdi Aroan labe asko zeudela burdina egiteko eta hori frogatzen duten aztarna asko ditugu, zepadiak (eskoriak) eta labe-zuloak.

Teniolako zepadiak atzean utzi eta Biurraingo sakonean sartuko dira. Berehala, Aztiriko bentara iritsiko dira. Aztiriko benta Gabirian dago, baina juxtu-juxtuan, hiru herrik muga egiten baitute metro batzuetara: Gabiriak, Legazpik eta Mutiloak.

Aztiriko bentatik Mutiloako Aizpuru mendian barneratuko dira, berriz ere hiru herriren mugara iritsi arte, Zabarainera. Leku honetan Mutiloak, Zerainek eta Legazpik mugatzen dute. Zabarainen ere mendiko burdinolen aztarnak topatuko ditugu.

Zabaraingo lepotik Otañuko gainera iritsiko dira, Goierriko talaia ikusgarrienetako batera. Tontorrean antzina megalitoren bat egongo zen (orain ere hala egongo da “puntu geodesikoaren” azpian). Izan ere, bertakoek Arriaundi deitzen diote.

Tontorretik behera egingo dute Salibietara iritsi arte, antzina larre ederrak (gaur pinudia) eta handik pixka batera Larrosainera helduko dira, Legazpiko ehiza leku garrantzitsuenera. Larrosainen, hain zuzen, Aizkorriko Parke Naturalean sartuko dira.

Larrosainetik Alustitzaingo zabalera joango dira antzinako bide malkartsutik. Alustitzaingo larreak Zeraingo artzaiak erabili izan dituzten oraintsu arte.

Handik, pendiz gogorrean Oazabaleta aldera egingo dute, Arripillaetako megalitotik igaroz. Oazabaleta (edo Arrobi) Legazpiko herri-lurrak dira eta bertan herriko abereek larratzen dute. Gaina zoragarria bada ere, ezin gauza bera esan Gipuzkoako Aldundiak hondatu duen lur-eremuarekin. Ulertu ezin diren arrazoiengatik Parke Naturalaren zati handi bat mendiko pistaz (kilometro asko) bete baiditu.

Oazabaletari ere Irumugarrieta esaten diote batzuk, hiru herrik bat egiten dutelako izkina batean: Zerainek, Zegamak eta Legazpik. Esaten dute bertan eseriz gero, ipurdia Legazpin, eskuineko oina Zegaman eta ezkerreko oina Zerainen dituzula.

Oazabaletatik gora egingo dute Arranoaitzera. 1936. urteko udaran faxisten kontrakoek trintxerak ebaki zituzten bertan altxatu ziren tropei aurre egiteko asmoz. Bestetik, adierazi behar da XV. mendean Legazpiko udalerria tontor honetaraino iristen zela.

Arranoaitzetik behera Oakorosora iritsiko dira, bi etxola dauden larre zabal batera. Zabal honetara ailegazen da, Urrusti baserrietatik barrena, Zeraingo erromes bidea.

Gero, gora egingo dute Ormakio aldera eta handik Oazurtzeko lepora, behera. Oazurtzen, Zegamako aldean, artzaien etxola multzo bat dago, gehienak erdi erorian, baina oso bitxia, inguru honetan artzaintzak izan duen garrantziaren eraskugarri.

Oazurtzetik Aizkorri aldera abiatuko dira, baina ezkerretara hartuz. Izubiako zabalera iritsiko dira. Zegamako partean badago ere, Legazpin oso ezaguna da, bertako sail handi bat Patrizio Etxeberria enpresariak erosi zuelako gerra-osteko urteetan behar-beharrezkoa zuen egur-ikatza ziurtatuta edukitzeko.

Izubiatik eskuinetara egin eta, aldapa gogorrean, pagadian barrena, Andraitzera iritsiko dira. Andraitz ez da goiko tontorra, gaur egun mendizaleek esaten dioten bezala, baizik eta beherago dagoen harkaitza, iturritik gertu. Goiko tontorretik bertako artzaiek Burnikuruzko haitza edo Igoateko gaina esaten zioten.

Andraitzetik nahi duenak Burnikurutzera eta nahi duenak Kargalekuetara egin dezake. Kargalekuetara harkaitzek mugatutako belardi luze batetik egingo dute, pasabide natural batetik.

Handik, Arriurdingo ardiak larratzen duten zehar batetik, Kataberara iritsiko dira, antzinako meatzea. Kataberan, gainera, Zegamako eta Legazpiko erromes bideak elkartzen dira eta “Amabirjiñaren sillea” dago.

Nardegiko aldapatik jaitsiko dira, eskuinetara “Nardegiko baratza” utziz (amildegiaren ertzean dagoen eskorta biribil bat). Narda edo harri soltea ugari delako, hortik Nardegi izena.

Nardegitik Jandoainera iritsiko dira, txantxikuek “Jaondo” esaten dioten larre leku zaharrera, eta handik behera egingo dute Barrendiola aldera.

Ollariagako zabalera iritsi baino lehen, Iturbeltz aldera hartuko dute. Iturbeltzen Legazpiko iturririk oparoena dago eta, hain zuzen horregatik, 1930.eko hamarkadan Legazpirako urak hartzeko tubobidea hortik aurrera egin zuten.

Tubobidean aurrera egin eta Pikandiko herri txabolara iritsiko dira, tubobidea konpontzeko Legazpiko kontsejuak langileentzat egindako etxola.

Pikanditik Pikandiaingo mugarrira joango dira. Mugarri honek Legazpiko lehen udalerriko muga adierazten du. Muga zaharra Arranoaitzetik Jandoainera zihoan, Pagola, Urkimendi eta Pikandiaintik barrena.

Pikandiaindik Biaingo kortara jaitsiko dira. Kortak larreleku biribilak izaten dira: erdi-erdian mugarri bat eta 160 bat metroko erradioa izaten dute, Legazpin. Biaingo kortak erdiko mugarria edo haustarria gordetzen du.

Haustarria atzean utzi eta azkeneko aldapari ekingo diote, Armuñora doanari. Armuñoko bidean Urietako megalitoa ikusiko dugu eta baso ederretatik igaroko dira. Quercus petraea eta quercus pyrenaica (ametza) zuhaitzak ugariak dira inguru horretan.

Armuñotik Brinkola alderako jaitsiera Olabasotik egingo dute eta bertan Guriditegiko Turbina zaharraren ur-depositoa ikusiko dugu. Gaur egun utzita badago ere, bertan bizi diren narrastariengatik balio handiko lekua dela esan daiteke.

Olabasotik Antxerdira joango dira, Brinkolako baserri askotako egileorrak edo ardi-etxolak dituen ingurua eta handik, atzera, tren-geltokira, ibilbidearekin amaituz.

IBILBIDE MOTZA 

Ibilbide motzaren lehen zatia, Brinkolatik Txiplategietaraino, iazkoa da.

Olazarren, irteeratik 300 bat metrora, Aizkorriko Parke Naturalean sartuko dira, baina Barrendiola aldera egin beharrean aurrera egingo dute, karrilaren norabideari jarraituz.

Lehenik Arabaolatzaneatik pasako dira, etxe historikoz osatutako auzunea: Arabaolatza edo Etxeaundi, Guriditegi, Arabaolatza errota (antzina burdinola), Zubiaur, Ermentaria…

Horiek atzean utzita, Gibolaazpikoa burdinola egondako lekutik igaroko dira, porlanezko bide zuzenaren hasierako zabalgune batean zegoena.

Gibola (Gibelolagarakoa) eta Brinkolazar igaroko dituzte eta Uarkaundik ezkerretara egingo dute Altzolaerrekan gora.

Iruerrekatan hiru erreka elkartzen dira (Areai, Ubao eta Altzola) eta hortik bere izena. Antsomaitz sakona gurutzatu eta gero, Urkurutza izeneko parajean ezkerretara gora egingo dute, antzinako bidetik.

Laster Oazurtzako zabalera iritsiko dira, Legazpik eta Zegamak bat egiten duten lekura. Oazurtzen, Zegamako aldean, artzaien etxola multzo bat dago, gehienak erdi erorian, baina oso bitxia, inguru honetan artzaintzak izan duen garrantziaren eraskugarri.

Oazurtzatik gora Erromes Bideari jarraituko diote, baina bidegurutze batean eskuinetara egingo dute Erromes Bide berria alde batera utzita. Altzolaerreka gurutzatu eta piska bat igo eta gero Altzolazabalera iritsiko dira.

Altzolazabaletik Arlepoko harkaitz goienera abiatuko dira eta handik Txiplategietara. Paraje hau errez ezagutzeko modukoa da bertan sortzen diren astatxilarrengatik edo txilar handiengatik.

Txiplategietan, ordean, Erromes Bide zaharrari jarraitu beharrean, ezkerretara egingo dute 1970. hamarkadan ebaki zuten bidean. Petroleoa topatzeko zundaketak egin zituzten garai hartan eta, horregatik, gaur egun Petroleobidea esaten zaio. Oso goian doan bidea denez, ikusmira zoragarriak ditu Oñati eta Legazpi aldera.

Petroleobideari jarraituz Jandoainera iritsiko dira. Hemendik aurrera ibilbide luzearekin bat egingo du amaiera arte. Jandoain parajeari txantxikuek “Jaondo” esaten diote.

Hemendik bukaeraraino bi ibilbideak elkarrekkin joango dira.

Mendi martxa hau urriaren 12an ospatuko da Legazpin, eta irakurri duzuen bezala bi ibilbide mota dituzue aukeran. Informazio guztia, hau da, ordutegiak, hurbiltzeko garraioak… web orri honetan aurkituko dituzue: http://www.izadi-zaleak.com/aizkorrinbarrena/  “KxK” berak sortu baidu jendeari gauzak errazteko.

Beraz lagunok, mendia gustuko baduzue hemen daukazue aukera ederra, ez zait iruditzen damutuko zaretenik, oraindik Euskal Herriak hainbat txoko polit kontserbatzen baiditu guretzat.

----------------------------------------------------------------------------------

Egunero idazten dudan nire blog pertsonala irakurri nahi duenak, klikatu ondorengo helbidean: http://ibarzabaltxokoa.wordpress.com/

Gaztetxeak bere egun handia ospatu zuen igaro den larunbat honetan, izan ere, dagoeneko lau urte igaro dira ateak lehenbizikoz zabaldu zituenetik eta, horregatik, ekitaldiz betetako egitarau zabala prestatu zuten Azpeitiko gaztetxeko kideek.

Festa 11.00etan hasi zen, hamaiketakoa egin bapo eta, jarraian, azken urteetan ohitura bihurtu den Urola ibaiko baltsa jaitsiera izan genuen ikusgai. Baltsen irteera Berdura plazan zegoen kokaturik, Damaso Azkue inguruan amaitzeko asmoz, eta guztira hamar edo hamaika talde espero ziren, baina azkenean hamazazpi koadrila agertu ziren, beraz, arrakasta eduki zuen lehiaketa polit honek.

Nahiko lan izan zituzen parte hartzaileek aurrerantza egiteko beraien baltsekin Urola ibaian zehar, nahiko eskasian baizegoen ur aldetik, baina inor ez zen geratu ahaleginik egin gabe eta ikuskizun txalogarria eskaini ziguten. Agian hurrengo urterako zerbait pentsatu beharko da Urola ibaian ur gehiago egon dedin, ez dakit, orduerdi lehenago Nuarbe urtegiko ateak zabaldu edo….beno ez ez, bestela gai dira hauek zumaian agertzeko ta….

Hona hemen atera nituen argazki batzuk.

Badute merituak bai parte hartu zuten guztiak. Kirola gogotik egin ostean, 14.00etan bazkaria zegoen antolatua gaztetxean, eta herriko 100 gazte inguru biltzeko aurreikuspena zuten kideek. Jarraian, ur jolasak eta kalejira egingo zituztelarik.

20.30ean pintxoak eskaini zituzten gaztetxean eta barra librea ere ezarri zen. Azkenik, Añorgako Skakeitan eta Asturiaseko Fala non caduca taldeek kontzertua eman zuten 22.00etatik aurrera.

Azken urteetan partaidetzak gora egin du egun honetan, indarra hartzen ari baida herrian gazteen artean. Poz ematen du tarteka honelako ekitaldiak ikustea herritarren artean, eta ea aurrerantzean ere behar dituzten adinako laguntzak eskainiaz, bide honetatik jarraitzen dugun. Zorionak gaztetxeari eta bertako kide diren guztiei.

Blog pertsonala: ibarzabaltxokoa

Uztarriako blog hau sortu nuenetik, herriko talde baten ekitaldien berri eman ohi dut, eta biharko egunez ere musika emanaldia dutenez, hemen natorkizue Azpeitiko Metal Boskotearen albiste berriekin.

2009. urtean Azpeitian eskainiko duten 3. kontzertua izango da. CAN-Nafarroako kutxa, kantxako ekitaldien barnean, kontzertu berezi bat prestatu nahi izan du A.M.B.-k. Ekitaldi honen arrazoi nagusia, beraien babesleei eskerrak ematea da, CAN-Nafarroako kutxa, Azpeitiko Udala eta PALACIO DA TUBA-ri hain zuzen ere.

Ekitaldia 2 zatitan banatu dute. Lehen zatian, beraien azken 5 urteetako beste kanta bilduma bat eskainiko digute, entretenigarriak eta entzun errazak bihurtzen saiatu direlarik. Honetaz gain, taldeari buruzko azalpenak emango dizkigute, zenbait xehetasun metal boskoteei buruz eta musika tresnen ezaugarri nagusienak adieraziko dizkigute.

2. zatian, Nafarroako kutxako sukurtsal barnean, luntx bat emango digu A.M.B.- k. Honekin, alde batetik ospakizun txiki bat egin nahi dute 5. urteurrena delako, eta bestetik, herriko jendearekin solasaldi lasai bat izan nahi dute, bide batez, gustu handiz jendearen proposamenak entzunez taldeak ideia berriak izan ditzan. Solasaldian taldearen berri emango digute, babesleek nola laguntzen dioten azalduaz, 2010erako eskuartean dituzten proiektuen berri emanez eta nola ez, 2009an egiteko dituzten beste ekitaldien berri jakineraziz.

Beraz badakizue lagunok, bihar arratsaldeko 19:00tan Olazko amaren plazan gonbidaturik zaudete Azpeitiko Metal Boskotearen beste kontzertu bikain bat entzuteko.

Azkenik bukatzeko gauzatxo bat nahi dizuet aipatu. Azpeitiko Metal Boskoteak hasia du eraikitzen beraien blog pertsonala, beraz, nire txoko honetan amaitutzat ematen dut aurrerantzean izango dituzten kontzertuen berri ematea, hemendik aurrera beraien txoko berrian adieraziko baidigute. Beraz esan bezala, helbide honetan aurkituko duzue ikusgai A.M.B.ren gorabehera guztiak: http://azpeitikometalboskotea.blogspot.com/

Eskerrik asko boskote orain arteko zuen kontzertuen albisteak pasatzeagatik, plazer handia izan da zuekin eduki dudan tratua, eta inoiz ezertan lagun badezaket badakizue non aurkituko nauzuen.

Jarraian biharko kontzertuko egitaraua:

La Morisque: (T.Susato, mold: I.H.Cartwright).

Ave Verum: (W.A. Mozart, mold: Larry Mills-Gahl).

Perfect Day: (Lou Reed, mold: Simon Kerwin).

Yesterday: (Jonh Lennon/ Paul McCartney, mold: Hans André Stamm).

Always on my mind: (Elvis Presley, mold: Jan Van Kraeydonck).

Xalbadorren Heriotzean: (Xabier Lete, mold: A.M.B.).

Blog pertsonala: ibarzabaltxokoa]]> http://www.uztarria.com/blogak/ibarzabal/1243973829

Nahiko astebukaera gogorra igaro dugu herrian, batik bat kirola gustuko dugunok, larunbatean kolpe latza jaso baigenuen Garmendipe futbol zelaian Lagun-Onakekin.

Herriko futbol taldeak historioa egiteko aukera ezin hobea zuen larunbatean, eta hori nabari zen goiz goizetik herriko kaleetan zehar. Egun garrantzitsu hau omenaldi batez hasia genuen, Lagun-Onaken historian izan ziren presidenteak gogoratuz hain zuzen ere, eta meza bat ospatu ostean, Hotel Loiolan elkartu ziren guztiak bazkalduaz kontu zaharrak eta hainbat bitxikeri gogoratuz, (goikaladeko argazkian presidente guztiak elkarturik).

Baina denbora ez denez gelditzen, heldua zen benetako ordua denontzat, 90 minutuko sufrimendu eta tentsioa, aurrera atera beharra zegoen nola edo ala kanporaketa hura. Garmendipe inoiz ez bezala zegoen, jendez beterik eta herriko protagonista izateko prest, baina Torrelavegako zaletuak ere han zeuden tinko askorik guri gauzak zail jartzeko asmotan.

Halako batean hasera eman zion epaileak partiduari, beraz atzera bueltarik ez zegoen eta borrokan hasiak ziren etxeko mutilak golaren bila. Aurreneko minutuak nahiko ahulak izan ziren, nabari zen urduritasuna, asko baizuten jokoan.

Baina apurka apurka azpeitiarrak nagusitzen hasi ziren zelaian eta Altolagirrek erremate eder batean 1-0eko gola egin zuen 11. minutuan. Ederki ekin genion kanporaketari, eta gol hura oraindik ospatzen ari ginelaa…Arruek 2-0ekoa, 14.ean, aze zoramena gure artean, irribarrea nagusi zen gure aurpegietan. Lagun-Onakek serio jarraitu zuen lanean eta 33. minutuan area barruan soltean geratu zen baloiaz baliatuz; Unai Etxeberriak 3-0ekoa ezarri zuen buruz. Igotzeko ametsa sinesten hasiak ginen, baina handik bi minutura ordea Torrelavegak 3-1ekoa egin zigun eta berriro eres tentsioa zen nagusi gure barnekaldean.

Bigarren zatian golen bat egin beharra geneukan apur bat lasaitzeko, baina ez zegoen batere erraza, arnasa hartzeko betarik gabe asko bultzatzen baizuten kanpotarrek. Bigarren zatiko 35. minutuan Altolagirreri penalti bat egin zioten eta honek ez zuen hutsegin, 4-1eko aldea jarri zuen markagailuan. Berriro ere gure ametsa gertu genuen, eta oraingo honetan inoiz baino indar gehiagorekin gainera, baina gure amets hori hortxen geratu zen tamalez, amets polit batean, 89. minutuan 4-2koa jaso genuen eta 93.ean 4-3koa, penaltitik. Ez noa aipatzera ze hitz pasatu ziren nire barnetikan, baina bai esango dizuet etxean dudan presidente ohiak eta nik, barrabiletako galanta jaso genuela egun horretan.

Partidu bat horrela galtzen denean, beti ibiltzen gara errudun baten bila, gehienetan epailea, baina kasu honetan ez nuke esango erruduna bera izan zenik nahiz eta penalti zalantzagarria izan. Bazen beste errudun bat larunbateko partidu horretan. Jokalariak? Ezta pentsatu ere, zuten guztia eman zuten eta ez dugu ahaztu behar egin duten denboraldiaz, beraz, xapo Lagun-Onak taldea osatzen duten guztiei.

Larunbateko errudunak GU izan ginen, bai gu. Oso hotz egon ginen orokorrean, tarteka tartek LAGUN oihu batzuk entzuten ziren baina mesedez ez konparatu Torrelavegako zaletuen giroarekin. Guri ez zigun berotzen joan zen herriko txarangak ere, eta ori saiatu zirela eh!! Ez ez, azpeitiarrak beti izan gara animatzeko garaian hotzak eta beste behin ere nabarmen geratu gara.

Orain, igotzeko 2. aukera bat dugu Alacanteko La Nucia taldearen kontra, beraz, guk ere beste aukera bat dugu herriko taldeari erakusteko badakigula jarraitzaile sutsuak izaten. Berriz ere nik zalantzarik ez dut Lagun-Onakeko mutilek guztia emango dutela zelaian, bainaa, guk geurea emango al dugu??

Blog pertsonala: ibarzabaltxokoa]]>