Gaia: Aisialdia

««Itzuli blog osora

Aste hontako ekintzak

Aisialdia | Gaztetxie |  2007/01/10  10:16

Aste honetan izango diren ekintzak hauek izango dira:

Urtarrilak 10 Asteazkena 19:00tan, Beizamako Uztaro kooperatibako kideak izango ditugu solasaldian. Nekazaritza ekologikoaren inguruan arituko dira solasaldian.

Urtarrilak 12 Ostirala 21:30tatik aurrera, Mus txapelketa burutuko da. Bertan parte hartzeko tabernetan eta gaztetxean jarritako orrietan apuntatu beharko da. Egunean bertan ere apuntatzea izango da.

Urtarrilak 14  Igandea 18:30tan, Pulp fiction filmea emango da igandean. Gogoratu palomitak gaztetxearen eskutik egongo direla.

Barraren irekiera Larunbatetan Otsailetik aurrera hasiko da azkenean.

Azkenik gaztetxearen web orria martxan dago. Bere helbidea hau da: http://www.mundurat.net/azpeitikogaztetxea

Lotura zuzena  |  Erantzun

 

Udalak nahi ez duen garagardo jaia

Aisialdia | Gaztetxie |  2006/11/2  20:14

Larunbat honetan gaueko 21:00tatik aurrera garagardo jaia antolatu du azpeitiko gazte asanbladak. Baina udalak antzeko ekitaldiak antolatzen dituen arren, garagardo jai hau saboteatzen saiatzen ari da ia inolako arrazoi zentzudunik eman gabe. Propaganda moduan jarritako hainbat pankarta kentzen ari da Udala. Baina trabak jarri arren guk aurrera egingo dugu eta ahal dugun hobekien pasatzen saiatuko gara larunbatean.

Garagardo jaian zentratuz, hasiera 21:00tan emango zaio. Bertan izango diren garagardo motak hauek izango dira: Paulaner Munchner, Paulaner Weismer, Paulaner Salvator, Guiness(beltza), Murphys eta Affligem Dubble. Komenigarria da bakoitzak bere kristalezko basoa ekartzea eta afaltzeko janaria ere bakoitzaren esku.

Sarrera, ikasle ta langabetuek 7 euro eta langileek 10 eurotakoa izango da.

Beraz denok gonbidatuta zaudete garagardo ezberdinak probatu eta ondo pasatzera.

Lotura zuzena  |  Erantzun bat. TOPANGA | 2006-11-23 | 12:40

 

Aste honetako gaztetxeko agenda

Aisialdia | Gaztetxie |  2006/04/25  21:03

Gaztetxeak aste honetarako antolatu dituen ekintzak hauek dira:

Apirilak 27 Ostegunean, Euskal Herria osoan Gaztetxe, gazte asanbladen eta autogestioaren aldarria zabaltzen ari den Gaztetxe Martxa iritsiko da. Eguardiko 12:00ak aldera Eskuztan martxari harrera egingo zaio aldarrikapen giroan. Orduan, ordu horretan jende guztia bertara azaltzeko gonbidapena egiten dugu. Gero Gaztetxean bazkaria izango da eta bera bukatzean bizikletan Azkoiti aldera abiatuko da martxa.

Apirilak 28 Ostiralean, gaueko 21:30ak aldera Gaztetxeko II. Mus Txapelketa izango da. Aurrekoan ere arrakasta izan zuenez, 60 bikote baino gehiago, oraingoan ere arrakasta berbera izatea espero da. Badakizue, neska ta mutil, musean jokatzera, giro ona aseguraturik.

Apirilak 30 Igandea, Jaye hain aspergarria ez izateko, arratseko 18:00etatik aurrera filme emanaldia izango da. 'Noviembre' filmea eskeiniko da, berau Achero Mañas zuzendari gaztearen filma delarik. Esan, Achero Mañasek 'El Bola' filmaren zuzendaria ere izan zela. Ez dakizuenentzat, filmeak proiektore bidez ematen dira Gaztetxean bertan.

Beraz, denok gonbidaturik zaudete ekintza guzti hauetara. Gogoratu baita ere, betharretan futbito txapelketa aurrera doala.

Lotura zuzena  |  2 erantzun. Azkena: aupa gaztiek | 2006-04-26 | 21:27

 

Futbito txapelketa hastear

Aisialdia | Gaztetxie |  2006/03/29  00:03

Badator urtero Betarrametan egiten den futbito txapelketa. Aipatu gainera aurtengoa hamargarrena dela. Beraren hasiera Apirilak 3 Astelehena izango da. Bertan parte hartzeko, taldea osatu eta taberna ezberdinetan jarri diren zerrendetan apuntatu beharko da. Gero Apirilak 31an, gaueko 21:00tan izango den bilerara azaldu beharko du talde bakoitzeko ordezkariren batek. Bertan taldeen zozketa egingo delarik.

Izen ematea 60 Euroko laguntza sinbolikoa izango da. Dakizuen bezala, urtero bezala, Ekainak aldean  izaten den gazte egunean, diru hau ordainduta afaria dohainik izaten dela.

Gainera aurten, talde ezberdinetako jendeari txapelketaren antolakuntzan inplikazio gehiago eskatuko diogu, honela gazte guztion artean guztia aurrera errazago ateratzeko helburuarekin. Baita ere neskak animatu nahi ditugu futbito txapelketan parte hartzera.

Animatu eta lehia alde batera utziz denok ondo pasatzera.

Lotura zuzena  |  4 erantzun. Azkena: Eske.... | 2006-04-06 | 12:45