Lilatoia bai, ta gero?

ERANTZUNAK

1.  NINEU - 2007-03-20 | 09:41 Hoin arte enitxinan uztarrian erregistrau... baino honek eman diten amorrun amorrukin hauxe erantzuteko badare... Earki einunan... heuk esan denana mutilek baino polikixo normalien baino... 8km eingo eztitxinau ba... Denboraik etzinabanan da nahiko "alperrik galdu" feminan zai... Dana dala pentsatzeinat federazixuen esplikazixo zentzuzko bat eukikoinabela ez... eo beti hola izen da ta punto esangoine... 2.  onintzaIrureta - 2007-03-20 | 12:59 1. Ni Onintza Irureta naiz, Zestoako Krosean antolatzaile-laguntzaile ibili nintzan eta karrera korritu nuen. 2. Zergatik gizonek baino buelta bat gutxiago: garai batean buelta bakarra egiten genuen eta orain bi. Arrazoia: emakumeak animatu nahi ditugu parte hartzera eta herritar dezentek esaten zuen bi buelta asko dela, beraz buelta bakarra egiten zen. Gero, herritar ez diren korrikalari ohituak hasi ziren esaten buelta bakarra motzegia zela. Konforme: bi buelta. Zergatik gutxiago? Emakumeak animatzeko! Kontuan hartu Zestoan aldapa majua igo behar dela buelta bakoitzean. Badira gizonak ere etortzen ez direnak, aldapa latza delako. 3. Emakumeak ere kapaz garela 8 km egiteko eta gizonen pare? Batetik, nere ustez gizonak gehiago dira korrika emakumeak baino, ezaugarri fisikoengatik. Bestetik, modan jarri da kirolean gorputzari astindu izugarriak ematekoa, emakumeok ere bide beretik segi behar al dugu? Emakumeok ere erronkak jarri behar dizkiogula gure buruei? Bai horixe! Baina mingaina atera eta gizonen atzetik ez ezta? 4. Federazioa: Zestoako buelta kopurua herriko antolatzaileek erabakitzen dute, ez federazioak. 5. Arazo latzagoa: diskutitu dezakegu ea karreren luzerak bera izan behar duen gizon eta emakumeentzat, diskutitu dezakegu ezaugarri fisikoetan hain diferenteak garen... kontua da Zestoan kadete mailatik beteranoen arteko karrera nagusi horretan 117 gizonek korritu zutela eta 43 emakumek. Emakumea plazara ateratzen dago lana, oraindik ere emakume asko ilundutakoan eta ipurdia tapatuz txandala gerrian lotuta ibiltzen da. 6. Proposamena: aurten Lilatoirako autobusa bete dugu azpeitiar eta zestoarrek. Datorren urterako oraintxe bertan has gaitezen entrenatzen, neskak animatzen Lilatoirako, eta Zestuko karrerako. Bi buelta, hiru buelta... ez dit inporta, baina egun argiz, gorputza erakusteko lotsarik gabe, mutilekin, neskekin, bakarrik... Aupa neskak! 3.  Ijitoa - 2007-04-13 | 21:58 Nik ere nire burua erregistratu egin dut, erantzuteko, amorrua ezin eutsita, bai gertatuagatik, bai Onintza Iruretaren erantzunagatik. • Onintza, ondo dago emakumeak korrika egitera animatzea. Baina hortik emakumeei hirugarren buelta korri egin nahi izatera alde handia dago! Bi buelta egin nahi dituenak egin ditzala bi eta hiru egin nahi dituenak egin ditzala hiru. • Gizonak gehiago? Gizon batzuk emakume batzuk baino gehiago, eta emakume batzuk gizon batzuk baino gehiago. Ia egunero egiten dut korrika eta badira ziztu bizian pasatzen nauten emakumeak. • Emakume bakoitzak erabakiko du bere gorputzari astindua eman nahi dion edo ez, edo zortzi kilometro eginda gozatzen edo sufritzen duen. Jarrera paternalista samarra duzula iruditzen zait. Animo neskak eta animo neska korrikalariak! 4.  onintzaIrureta - 2007-04-17 | 15:22 Eskerrik asko erantzuteagatik, zarena zarela. Eta ni inolako amorrurik gabe ari naiz idazten, benetan. Ez dakit Estitxuri epaileak nola jardun zion hirugarren buelta ez egiteko, nik ez nuen ikusi. Nik, epailea banintz, hauxe egingo nuen: esan neskari bi buelta direla eta ez hiru, eta ikusiz gero hala ere neskak segi egin nahi duela ba segi dezala, problemarik ez. Paternalista naizela uste duzu? Beharbada bai. Baina ni ez nintzen ari laguntzarik, bultzadarik behar ez duten nesketaz, ni besteetaz ari nintzen, kirola jendaurrean eta lehiaketa moduan egiteko ohiturarik ez dutenetaz.

Erantzuteko izena eman behar duzu Erabiltzaile-izena Pasahitza »» Pasahitza ahaztu zait »» Lehenengo aldia da eta alta eman nahi dut