Gaia: leihoko-bertsoa

««Itzuli blog osora

Azaroaren 25a

Erniarraitzen leihoko-bertsoa | Erniarraitz |  2006/11/24  09:59

Jipoi ta irain artean
zenbat ubeldura,
maitasuna aitzaki
zenbat arrangura,
biren kontua dela
asko zabaldu da.
Esan dezagun ozen:
denona da ardura,
hau dela emakumeen
aurkako tortura.

Lotura zuzena  |  Erantzun bat. German | 2006-11-25 | 11:36

 

Hankaundi

Erniarraitzen azken bertsoa leihoko-bertsoa | Erniarraitz |  2006/11/17  10:39

Aurreko parke hontan
obra da nabari,
Hankaundi hor zela naiz
gogoratzen ari.
Monumentua jarri
ospe duenari,
Azpeitian zaleak
badira ugari,
zergatik ez eskaini
bertsolaritzari?

Lotura zuzena  |  Erantzun

 

Azaroaren txanda

Bertsoa leihoko-bertsoa | Erniarraitz |  2006/10/31  10:51

Azaroaren txanda
hasi den honetan,
txerririk hil ez arren,
hiru egunetan
jai-giro sano eta
euskaldunaz bertan
gozatu nahi duenik
balego zuetan,
Errezila azaldu
San Martin jaietan.

Lotura zuzena  |  9 erantzun. Azkena: Motx | 2006-11-03 | 16:27

 

Bertsozalea aurten

leihoko-bertsoa | Erniarraitz |  2006/10/17  19:26

Bertsozalea aurten
txapelketa bada
azaroan hasten da
bertsoen parranda
lehenengo saioa
Orkatz tabernan da
herriko gazteeri
heldu zaie txanda.
Azaldu behar duzu
zalea izanda.

Lotura zuzena  |  Erantzun bat. Motx | 2006-10-18 | 11:21

 

Urria iritsi da

leihoko-bertsoa | Erniarraitz |  2006/10/2  18:42

Urria iritsi da
hau da eromena
udazken ikutua
gauza nabarmena
ehiztariak mingainez
boteaz den-dena
bestek perretxikutan
omen dute sena.
Nik ez dut ukatuko
mahaian naiz onena.

Lotura zuzena  |  12 erantzun. Azkena: Motx | 2006-10-06 | 13:04

 

Albiste zaharragoak »»